طبعاً مع قرب الدوام للفصل الصيفي حاسة كل ذكرياتي بالجامعة بترجع لي بالتدريج
من أول سنة لحد هسة , وأحلى ذكرى هي أنه في عنا دكتور يعني صدقاً لو كل الدكاترة مثله كان
البلاد كلها بخير , بشرح بضمير وبعامل طلابه باحترام وبدون ما يشوف حاله عليهم
كان رئيس للقسم بس شالوه لإنه ماشي صح لا بقبل واسطة ولا شي
وإنما لحد هسة كل طلاب القسم بطلعوا عنده هو عشان يستشيروه
عنجد القائد الناس بتروح عليه والإحترام الشخص نفسه بجبرك تحترمه بأخلاقه
مو بالصوت العالي ..
بس يناقشنا مرات بحكيلنا من باب المزح :" صح ولا أنا مش غلطان " حب6
أعشششق محاضراته لهذا الدكتور بس الاسف لا هاد الفصل ولا إللي قبله كان عندي
إله محاضرات , بس ومع هيك زهق مني ومن صاحبتي قد ما رحنا على مكتبه عند
كل مشكلة أو كل معلومة إحتجناها
هاد الدكتور بتمنى من ربنا يوفقه ويخليه ويسعده بحياته دائماً لإنه قليل إللي مثله بالزمان هاد

.













.