عيون العرب - ملتقى العالم العربي - عرض مشاركة واحدة - كْرِيس|روح تَائِهة

**#كْرِيس** · #72 06-21-2015, 01:52 AM

-

توي ذاكرة إني قايلة للجميلة لجين إني بحط باقي العائلة الكريمة !
كان المفروض أمس بس فيني زهايمر فاخر ! يلا لجين لك نص ملعقة نوتيلا هدية مراضاة !

هه هه هه ي لبى هالجمال ي قلبي المز الحلو اللطيف ح0
الهيبة تقطر ي حلاوتك بس
المهم هذا سفينتوس ~ أخو أليكس التوأم :hehehe:
لحد يطالعني بنظرات ! قايلة لكم ما يشبهه ! هذا أعقل ولد بين الاخوان كلهم !
وأشطر واحد بعد يعتبر أخوانه مخلوقات دقيقة يلزم القضاء عليها ! يستاهلوا لكن !
وتراه أصغر من أليكس بكم ساعة .. وأليكس ليومكم مو معترف أنه قده ! كلما قاله أنه كبره
أليكس عدد له الساعات والدقايق والثواني .. ويجي سفينتوس يهايط يقوله أنا أطول منك ب 4 سانتيمتر
وأليكس يقوله ي كذاب تراها 3 سانتمتر ونص ! ويتصافقوا يتراقعوا لين ما يجي أبوهم يعدل ملامح وجههم !
^^ قلت قصة حياتهم !
الزبدة تراه شيء جميل يعني

هه هه هذا أصغر ولد ي خييي هذا شيء كيوت جميل
عاقل وولا يسوي مشاكل مسكين ويحب أليكس بشكل مو طبيعي يخجل منه بعد :hehehe:!
الوحيد الي يناديه ني-ساما وهذاك باقي شوي ويموت من الغرور !
وتراه مستضعف دائماً كريس ويوهان يتنمروا عليه .. الزفتين ! مستغلين طيبة قلبه المسكين
تراه ع نياته الحمدلله ما طلع مثل باقي أخوانه الي فيهم صقعة ف المخ !
المهم أني أعتبره ملاك أحس هذا الوحيد الي مافي أفكار شيطانية تدور براسه =)!

نيهاهاهاهاهاهاهاها هذا أبوهم المخضرم !
ليو-ساما ملك مملكتي الجميل
تراني عندي قناعة أن سفينتوس يشبهه .. لحد يناقشني ف هالنقطة يشبهه يعني يشبهه ما يخصني !
الزفت شوفوا عيونه تجنن مو ؟ ي لبى هالجمال بس
الزبدة تراه عنده مخطط بالأنتحار أولاده ما خلوا فيه عقل ! شيبوا راسه الله يغربلهم !
دائماً يتسيخفوا إذا هو موجود ! وما يعقلوا إلا إذا قام وخلاهم هم والأرض واحد !
خاصة يوهان .. كل ما ضرب فيه ما يتأدب قليل الأدب ! بس يستاهل هذي جيناته المجنونة
الي تجري ف عروقهم ! لأنه ما كان عاقل البتة !

-ترتيب العائلة :-

-أليكس .. الأمير الأول
-سفينتوس .. الأمير الثاني
-يوهان .. الأمير الثالث
-كريس .. الأميرة الأولى
-يوهارو .. الأمير الرابع

ع فكرة تراهم كلهم عزابية ! مو مفكرة أزوجهم أبد =(!
أساساً القصة مو رومانسية مرة ف ما أشوف داعي للموضوع !
وأمهم مو مهمة بالأحداث وايد ف ما حطيتها ~ بس إذا تطلع ما تسوي سوايا !

-

هه هه تدروا من هذا 3 وش دراكم أصلاً ! >> أدري ف نفسي سخيفة
المهم يعني .. هذا زيكوس وهو شيطان أليكس =( كل شيء يتعلق بأليكس أنا أعشقه دايركت =(!
المهم يعني الشياطين ف قصتي هم يصيروا ع شكل سيوف .. يسموهم السيوف الشيطانية !
يستخدموهم للقتال .. وهم يعيشوا داخل الشخص يعني يصيروا جزء من روحه تقريباً !
يقدروا يتحولوا لأشكال مادية بس غالبهم خايبين ما يطلعوا !
يحصلوهم بعد فترة من دخول الأكادمية الي هي هدفها تدريبهم وكذا !
بس أليكس أول شخص يحصل واحد وهو ف عمر صغير جداً! لسالفة صارت له من لما كان صغير وبعدها تسبب له أرق !
الزبدة يعني هالأنسان كيوت وما يضحك وايد بعد =(! ويعتبر أليكس إنسان سخيف لازم يتسنع !
+هو أقوى شيطان من النوع الظلامي محد من نوع الظلام يجرب يقاتله حتى !

هذا شيطان يوهان ! خب أني متخرفنة ع الكل أحس روحي مخفة =(!
المهم تراه حقير مثل راعيه ! أقولها ولا أستحي بعد =)! حركاته مثله بعد مادري من وين طايحين ع بعض =)!
هذا نوع قوته الخيال .. أي شيء يتخيله يصير حقيقة , قدرة خطيرة مو ؟

بحط هالأثنين بس البقايا مو مهمين لذيك الدرجة ! >> تبرأت منهم XDD

أحسني وايد هرهرت =(! تراني هريرة بطبيعتي وحصلت شيء أهر عنه بعد ؟ حاولوا تسكتوني !
المهم >> 24 ساعة أقول المهم ولا في شيء مهم !
شخصياتي جميلة مو ؟ قولوا مو جميلة برسلكم للمريخ :hehehe:!
يلا بقوم أتسحر أحين $! تصبحون ع خير !

_اللهم صلِ ع محمد وآل محمد $!