| ايه على فكره جا في بالي شي
الحين شفنا ساسكي
عنده استدعائين !
الصقر والثعبان صح
ناروتو الضفدع
ساكورا الحلزون
ما اتوقع كيشي يوصلنا لمرحله نشوف الصغار يستدعو او شي زي كدا او نشوفهم بالطاقه الكامله لاكنه يدينا الحين زي البدايات كانه يقلنا حيكون كدا ومثلا اهو جايب ساردا تبغى تصير الهوكاجي كانه من الحين يقلنا انها هيا هوكاجي المستقبل !
ما بيوصل لمرحله لا في الفلم ولا في شي ثاني معني اتمنى بس ما اتوقع انه يورينا كل دا لاكنه يعطينا تلميحات وبدايات طالما انو ابائهم كانو كدا !
ادانا انو ساردا تقدر تستخدم قوه امها في التحكم في الشاكرا وادانا انو ساردا طبعا عندها شارينقان !
اكيد ما ينشوف ساردا تتطور غالبا لاكن من الحين نقدر نعرف وش بيكون عليها قوتها بنائا على دي الاشياء
غالبا بتفعل السوسانو وبيكون لها قدره في عيناها يمكن نار الاماتروس او قدر ثانيه خطيره بيتفعل ختم البياكوغو زي امها وغالبا بتكون لها معرفه في النينجا الطبي من الاخر طفله خارقه
بالنسبه لبروتو طالما اننا لسع ما شفنا الفلم ولسع ما كان له ظهوره القوي للآن بتكلم عن الاشياء الي ظهرت واحنا عارفينا
بروتو يمتلك عنصر الهواء يعني في طريقنا لتقنيه الراسينقان مع كل تطوراتها سواء راسين شوريكن -اوداما راسينقان-تشو اوداما راسينقان -وابل الراسينقان العملاقة - راسين شوريكين الخارق وغيرها ...
بروتو يمتلك عنصر البرق وحيعلمه ساسكي يعني بيمتلك كل هجمات ساسكي في دا العنصر
تشيدوري -رمح التشيدوري - درع التشيدوري -ابر التشيدوري -واخر تقنيه له واقوى تقنيه تشيدوري الي هيا كيرين
وهوا تنين البرق الي استخدمه ضد ايتاتشي
اوكي
الحين انا تكلمت للاثنين عن الاشياء الي طلعت وعرفنا انها عندهم مع كل تطوراتها
الحين اتكلم عن اشياء عالقه في الوسط لو ورثوها كمان بيكون لهم قوه كبيررره
1- ناروتو يمتلك الكيوبي وكان هذا من اقوى الاشياء الي عنده وهوا اقوى سلاح لديه واقوى هجمات لناروتو كانت بوجود قوه الكيوبي حتى انه فيه كم هجمه بالراسينقان سواها بقوه الكيوبي الي هيا راسين شوريكان الخارق ودي الاشياء فمني عارفه اذا بيقدر بروتو ينفذها بعدم وجود الكيوبي
بس زي ما قلت سابقا بروتو يمتلك الخطوط الي في وجه ناروتو وشفنا انو كوشينا ما عندها دي الخطوط لاكن ناروتو عنده فايش المميز ؟ انو ناروتو كانت امه حامله للكيوبي وهيا حامل فيه اي انه ورث من جينات الكيوبي ونشوف ابناء ناروتو يمتلكو نفس الشي وهوا انهم ورثو من جيناتا الكيوبي فهل هذا هيكون بدايه طريق لبروتو انه يفتح من قوه الكيوبي ولو شويه ؟ الحقيقه ما اعرف لاكنه احتمال فلنضعه في الاعتبار لزياده السعاده لمعجبين بروتو فقط
2- عنصر النار لدى ساسكي زي ما شفنا كل اليوتشها يمتلكون عنصر النار ومافي احد للآن شفناه في المانجا يوتشها ما امتلكه.... اذا غالبا ساردا تمتلكه لاكن لعدم وجود اي احد يعلمها عليه للان ما استخدمته لو تلاحظو ساردا للان ما تعرف اي تقنيه يوتشها الحين في مغامرتها دي فعلت الشارينقان
اي انها تعلمت حركاتها النينجا اما من نفسها او من امها + تعلمت من امها التحكم في الشاكرا سو حيجي دور ابوها ويعلمها كره النار زي ما علمه ابوه انا واثقه
3- النينجا الطبي رغم انا واثقه جدا انو ساكورا علمت بنتها النينجا الطبي لاكن نظل نحطه هنا لانه لسع ما ظهر ولا تاكد
اوكي
بكمل كلامي من البدايه عن الاستدعائات
كان عندي نظريه قديمه انو الاستدعائات لها صلاح بالعناصر الموجوده عند الاشخاص ان شاء الله بكتبها في وقت بعدين
عموما
ساردا دام انها تمتلك قدره امها و تمتلك قدره والدها
هل ممكن يكون لها اكثر من استدعاء زي ساسكي
يعني تقدر تستدعي الحلزون وكذلك تقدر تسدعي الصقر او الثعبان ؟
__________________ عندما تجتمع القوه والحياه
عندما يجتمع بطلين
عندما يجتمع وسيم وجميلة
عندما يجتمع شرطي مع طبيبه
عندما يجتمع رجل نينجا وزهره ساكورا
عندما يجتمع الكحلي مع الزهري
عندما يجتمع الصيف و الربيع   |