°¨*~¤¦ الفصل الخامس ¦¤*~¨°


.* اليوم الثاني *.

الساعه كانت 11 وغلا وخالد لين الحين نايمين

محد قعدهم لان اكيد تعبانين من بعد السفر على طول 3 ايام ورا بعض عزايم ..

قام عمر على الساعه 10 وتسبح وونزل

كلم راشد وطلعوا مع بعض يتريقون بره ..

الساعه صارت 12 ..

12:30

قامت غلا وهي تحس انها دايخه من كثر النووووم

غلا تهز خالد : خالد،، خالد ، خاااالد

خالد فتح عيونه وغلاا مااااتت شحلاااااااتهم ..

ابتسمت وبكل نعومه : صباح الخير عمري

خالد يرفع جسمه : صباح النور غلااي

غلا : ترا الساعه وحده

خالد : اوووووف

غلا : ههههههههه ، يلا حبيبي قووم بسك

خالد : من قلب بسي هههه هاي نومه عن قرن

غلا ظحكت وقامت دخلت الحمام وخالد قام من على السرير

فتح الستاير .

سكر ازرة بجامته لانه تصارع معاها وهو نايم خخخ

طلعت غلا وجات وراه وخالد الشمس على نص وجهه

شكله عذاااااااااب

حطت يدينها على جتوفه

خالد وكانه مستمتع باللي يشمه : اااااااااااااااااااااه الله شهالرررررررررررريحه

(يلف عليها)

غلا مبتسمه : حلووووووه؟

خالد : مثل راعيتها

غلا وخرت ومشت عنه تطلع له ملابسه

خالد : تدوووووووووخ

غلا تطالعه : بس يلا تسبح

خالد : بكيفج؟؟

غلاا : يس

خالد : أكييييييييييييد؟

غلا بخرعه : ايه ؟؟؟؟؟؟؟

خالد يرد يقولها وجنه يستعد بيركض

غلا : ههههههه أي متأكده

خالد يروح ويركض لها وغلا تشرد منه

دخلت لغرفة التبديل

ولحقهاااااااااااااا

طلعت وركضت للسرير وركبت فوقه

خالد : حووووولي احسن لج

غلا : ههههههههههه ماااااااابي

خالد : نزلللللللللللللللللليي

غلا : هههههههه مابييييييي

خالد ركب على السريرررر

وغلا نزلت بسررررررررررعه

غلا مسكت له كرستاله مزينين بها الطاوله

كرستال وداخلها ورده عنابيه

غلا : ان قربت اظربك فيها

خالد : هاهاهاي ضد الكسر لعلممممممج

غلا : خاااااااااااااااااااااااالد عاد

خالد : والله كيفي ، يابنيه مرتي وكيفي شتبين انتي

غلا اونها زعلت قطت الكرستاله وقعدت على الكرسي

غلا : مابي شي

خالد : لااا حياتي شفيج ، اتغشمر معاج

غلا : وخرر عني

خالد يوخر يدها وينط يبوس خدها : اسف عااد

غلا تحط يدها فشعره الغليظ اونها تجره وتهزه شوي شوي : احبك

خالد يده على يدها : ههههههه اموت فيج ، بس عاد آحححيييي راسي

غلا : ههههههههه ، يلا عمري قوم تأخرنا وايد

خالد : يااااااااااااامرني الغلا ..

غلا ظحكت له ودخل الحماام يتسبح

غلا لبست جلابيه تايجر والشغل اللي فيها بالريبمو البني والاسود

شكلها كااان فخم حيل

حطت على طرف عينها شدو بني ومدت كحلتها صار البني يبين بالتدقيق

حطت قلوس بيج وخففت لمعته شوي ..

قعدت تتعدل ..

شغابات وجذي ..

طلع خالد

وبدل بغرفة التبديل

الحمام (وانتوا بكرامه ) يطلعون منه

على كمدينه صغيره وكباتة غرفة التبديل

ماكان لها باب بس ممر وقوس وعلى الغرفه

خالد لبس ثوب يده نص كم

وطلع شاف غلا فتح عينه

خالد : هوووب هوب هوب، كم مره قلت لج التايجر لي انا

غلا : ههههههه خااااالد شدعوى عاد انا لابسته عادي

خالد : تكفين لا جذي طالعه تخبلييييين لاا

غلا : حبيبي محد فالبيت اخوك طلع بس عمي وخالتي حبيبي عاد

خالد قرب وقعد على ركبه وهي على الكرسي وشعرها انتثر على جنب والجلابيه كانت حرير

خالد وهو مدنع : اغار غلا .

غلا تمسك يده : حبيبي موو على جلابيه

خالد : اللي تشوفينه لكن احذرررج اخر مره التايجر ينلبس ،، لغيري طبعآ

غلا : ههههه انشالله عمري

تعطر خالد ونزل هو وغلا ،،

قعدوا كلهم وتغدوا وبعد الغدا قعدوا فالصاله ..

خالد كان رافع ريل وحده على الكرسي والثانيه منزلها ..

خالد : يبا وينه عمر ؟؟

سعود : والله يابووك عمر من الصبح طالع مع رفيجه

خالد : أي رفيج؟ ماتعرفه ؟

سعود : لا يابوك اظنتي تركي واذا مب هو فانا ماعرف من ربعه غير ذي

اعرف اشكالهم وهم من لكن رايح عن بالي

خالد : ااااااها .

بعد صمت

غلا : خالد تبي؟

خالد : هلا؟

غلا (شفيه؟) : تبي؟

خالد : أي

غلا ظحكت له وصبت له جاي وعطته وعطت عمها ولطيفه ماكانت تبي

راحت قعدت حذا ريلها

غلا تكلمها بصوت واطي

غلا : شفيك حبيبي وين سرحت؟

خالد : بعيونج

غلا شبت فمكانها ( لالا مب جدام عمي وامك اهىىىء )

خالد : خلني المح الضي،، ضي طلة محياك

غلا : ههههههههه بس خالد

دخل عمر وسلم عليهم

عمر : ها متجمعين اليووم شعندكم ؟

خالد : ولهاااااااااانين علييييييييييك يالواصل

عمر : اههههههههه انا ولا انت؟

خالد : بعد لا انت عيوني

عمر : هههههههههه

خالد : من رفيجك اللي طالع وياه؟

عمر : راشد بن يوسف

غلا فتحت عينها (اخو عاليه؟؟ )

خالد يلف لها : مو اخو رفيجتج

غلا تبتسم : أي بلا هوو

عمر : صج والله؟ واانا اقول شكان يسوي فالعرس؟

خالد : أي عرس؟؟

عمر : هاا؟ لا شفته فالعرس ولما جا يبارك وبس

خالد : وصرتو ربع جذي!

عمر ارتبك شيقول لهم؟؟؟؟؟؟؟ : اهههه لا شدعوى بس هو تكانه وبس تعرفت عليه وعزمته مافيها شي؟

خالد : ههههههه انزين انزين تتهنون فبعض

عمر : انا استأذن بروح ارتاح شوي

لطيفه : وين خلك قاعد مامدانا نسولف وياك

عمر وهو يمشي : الجايات أكثر ياأم خالد .

لطيفه سكتت وهزت راسها

سعود كان يطالع الاخبار ..

ولطيفه راحت دارها تبي ترتاح

وخالد وغلا مع العم سعود فالصاله ..

خالد وغلا على سوفا بعيده عن سعود شوي هو على كرسي قريب من التلفزيون ..

خالد يشوف يد غلا ويلعب فيها ،.،.،

خالد يحط يدها على قلبه وكان يدق بقوووووووووو

غلا استحت منه تبي تشيل يدها بس هو راصهاا

ظحكت وهي مستحييييييه ومنزله عيووونها..

خالد: شفتي شكثر يحبج؟؟؟

غلا : بس خالد عمي هني

خالد : شسوي؟؟ مرتي واحبها ماقدر اكتم بيجيني تسونامي

غلا : هههههههههههههههههههههههههههه بسم الله عليك خاااااالد لاتقول جذي

خالد : هههههه صج والله

قعدوا فالصاله وغلا راحت تسولف مع عمها

وخالد قاعد نص منسدح على الكرسي وماد ريل ورافع ريل

خالد يلعب فالجهاز ..

غلاا : اييييييي عمييييي عررررررفتهمممم

سعود : هههههه ، عليج نوررررررر هذول يصيرون بنات خالة أمج

غلا : صج وناااااسه عيل عندي اهل لامي فالدووووووووحه ..

سعود وخالد فتحوا عينهم ماعجبهم الحجي يعني هي قاعده هني

لسبب واحد عشان اهل ابوها وامها كانت متغربه

سعود : لا يايبا حنا اهل امج افا علييج

غلا حست انها قطت قنبله صغيره : لاا عمي مب هاي قصدي ، ان يعني ...... ( يقاطعها خالد )

خالد : أمج تصير لنا بس من بعيد حيل

غلا : اهاا .. (حست انهم تنرفزوو بس والله مو قصدددددددددددي )