قلت لك من قبل أنك شيء جميل ؟ لبى هالرد وصاحبته خليتيني أتخبل , لا تحرمينا من هيك ردود روعة  !
متمنية أطلالتك ع القسم دائماً -كريس $!
‘
كريس يَ كريس , ابدعتي بطرحك ياخي , امانه اول موضوع وكدا =$ ؟
صلاتي عَ النبي , جدياً شي خورافي الي انا جالسه اشوفو , قمة فِ الجماليه والأناقه والفخامه =$$ ..
إسم الله عليكِ يَ ستي , تعبك جداً واضح فِ الموضوع وللأمانه طلعتيلنا بشي فخم يستاهل تعبك دا ‘)=$
كمان مَ انسى اخونا FifTy_Xx , من يومو مبدع فِ القسم دا بزات مَ شا الله عليه ‘$
لذلك مَ إستغربش إنو لو علاقه بالفخامه دي =$
بس جد يعني يديكم العافيا , موضوع بيرفيكشن - وفرتوا كل حاجا كللل حاجا
من تنسيق وجماليه لِ معلومات واخيراً روابط تحميل - مجرمين وربنا =$
إسم الله بس إسم الله ‘)
-
نجي للإنيميات :
# Owari No Seraph
آخخ بس من الإنمي دا , شي جمميلل جميلل جممييللل ياخِ اتعب ونا اقول جميلل وش ذا  
امانه يآخد العقل بشكلل , إتفرجتو كلو فِ يوم واحد فِ بداية الإجازه
والحين حاسا بفراغ عاطفي من بعدو  جد إتعلقت فيه لدرجة إني حاسا بنقص
وإنو فِ شي غلط لما اجلس اتفرج عَ إنيميات غيرو = > :hehehe:
مع إنو الإنمي صح جميلل بس مش افضل شي شفتو يعني , بس مع ذلك مرا حبيتو مدري ليه
واجمل حاجا فيه ؟
المناظر والاوستات + الاوبيننق والإيندينق دولا عشقق =$
لأول مرا من بعد الاوبيننق تبع طوكيو غول مَ اعدي اوبيننق لإنمي غيرو 
للدرجه دي شششي عظيم الاوبيننق دا =$ ..
كمان مَ انسى الشخصيات , خصوصاً يو وميكا وشينوا وغورين =$
امانه هالاربعه عباره عن شي جميلل شي يخسبق يجنن يهبلل
وإزا كان عندي إنتقاد فَ هوا حيكون لِ القتالات , للأسف جداً بايخه وغير جديه وقليله بشكلل 
كنت متوقعه قتالات فخمه بس ماش إنخذلت + الشخصيات سطحيه , يعني مَ تعمقوا فيها ولا وعرفنا عنهم شي !
دا الي خرب الإنمي شويا ولا كان حيكون بيرفكت من كل النواحي
بس مع ذلك بشوفو افضل إنمي لربيع 2015
واكيد الموسم التاني حيبان كل شي اكتر .. واتمنى يتحسن من ناحية القتالات 
# yahari
مع إني التصنيف الرومانسي والمدرسي خصوصاً الأول دا مستحيل اتفرج عليه 
بس مع ذلك إتفرجتو عشان صحبتي جلست تزن عليا إني اشوفو
وفعلاً شفت الجزء الأول وبعدها إتحمست للتاني وإتفرجت عَ اخر حلقه نزلت منو الجمعه الي فاتت
الشي الجميلل فِ الإنمي دا ؛ إنو الرومانسيه حقتو مش اوفر , اساساً مافي رومانسيه برأيي !!
اللهم بس يخقون عَ بعض وحتى من غير مَ يعترفو بحبهم , ودا شي عادي اقدر اتقبلو يعني 
مش زي الرومانسيه الأوفر لا شفتها تجيني حالة قرف  = > وضعي طبيعي ولا
عموماً ..
فِ البدايه الإنمي كنت بسحب عليه بس شدتني شخصية هيجي بقوه , من اغرب واكتر الشخصيات
غموضاً الي شفتها فِ الإنمي , فيه شي عجيب بِ الولد دا , فِ الأول جا عبالي إنو مجرد نفسيه
بس بعدها إكتشفت إنو مش كدا , معتقداتو ومبادئو وكلامو واقوالو كلها عَ بعضها تدخلني فِ حيره !
بس بنفس الوقت تعجبني , اهنيهم عَ الشخصيه دي ومع إقتباساتها طلعت الشخصيه بشكل جداً فخم =)
فَ لهالسبب جاني فضول كيف حيتعامل مع النادي الي إنضملهم , ومع زملائو وكيف حتتطور شخصيتو ؟
وهل حيغير من معتقداتو بشأن الي حولو وهاكا , كنت جداً مهتمه فِ شخصيتو بشكلل
لين مَ طلعت يوكينون الحب , الادميه دي حبيتها من اول نظره وسحبت عَ هيجي وقررت اكمل الإنمي عشانها
الجزء التاني كان جميلل بس حسيتو مبهم كتير مش زي الأول , يعني الواحد يبالو يفتح مخو كويس
عشان يستوعب شصاير , بس مع ذلك انا كنت مفتحه مخي بس برضو فِ حاجات م استوعبتها
إجمالاً يعني الإنمي جميلل , الموسمين كانو عباره عن شي حلو وخفيف ومَ تطفشي منو ابد =)
بس مدري عَ عكس الأغلبيه , حبيت الموسم الأول اكتر :/
# Gunslinger : The Animation
فين الإنمي دا عني بس ؟!
اكشن وشونين ؟ .. رباهه .. انا لها
اجمل تصنيفين عندي ومع بعض فِ إنمي واحد ؟
مستحيلل دا يتفوت بحطو فِ اللسته بإزنو =$$
# Kekkai Sensen
دا الإنمي شفت منو الحلقه الأولى وكملتها بالغصب كمان , ابد مَ صدقت خبر إنها خلصت قلب7
امانه كنت ماسكه إيدي عشان مَ اقفلها مرا مَ عجبني , صح إني مَ احب احكم من اول 5 حلقات
لأي انمي بس ياخ مدري مرا مَ جازلي مَ قدرت اشوف لو جزء من الثانيه للحلقه الي بعدها  !
مدري يمكن بسبب المخلوقات الفضائيه او ايش مَ كانت , الي عادي جداً تعيش وتتواصل
وتلعب وتمرح وتلهو وتشرب وتأكل مع البشر  !!
مرا مَ حبيت الشي دا احسو خرب الإنمي بكبرو , حسيت بتفاهه ونا اشوف شي فضائي فِ مقهى
وجالس يأكل مع بشري
مع إنو شادتني التصاميم والجرافيكس والألوان والثري دي والحاجات دي بس ماش مو قادره ياخ
كنت متأمله فِ الإنمي دا بشكل بس مرا خيب ظني , فَ جاه دروووب مني
# Arslan Senki
ارسلان سينكي او إسطورة ارسلان البطوليه 
الإنمي دا مَ شفتو إلا لسببين
1- التصنيفات الي فيه خياليه :
تاريخي , خيالي , مغامرات , دراما , خارق للطبيعه
2- من نفس مؤلفة فول ميتل
^
الإنمي جميلل جداً حبيت كل شي فيه ,من اوستات ومناظر , خصوصاً المناظر عربيه بحته
المباني فارسيه , الملابس والالحان كلها عربيه ودا الشي الجميلل فيه =)
وبالنسبه لِ شخصياتو فَ هيا اجملل وافخم , خصوصاً ارسلان البطل - طفلي الصغير
يعني امير زيو وبمعتقداتو ومبادئو واخلاقو ورحمتو وتواضعو وذكائو وحنكتو
انا اضمنلكم يَ شعب بارس إنو حتعيشو بِ امان وسكينه ووقار وحب كبير تحت حكمو فِ المستقبل
واكيد مَ انسى المحارب التاريخي الشهم والمقدام داريون الإيد اليُمنى لطفلي الصغير
والعقل المدبر الرسام المبدع مزتي نارسوس , وجيف الشاعر الأهبل حقي = > كلهم لإلي
لا بس جدياً , الرسم فخخخخم , فخخخخم , فخخخخخم , الألون المستخدمه والسلاسه
والبساطه هوا الي يجملو اكتر  - مع إنو مشابه لِ رسم فول ميتل إلا إنو
الفرق كبير فِ المستوى بينهم - ارسلان شي خيالي لا يُقارن فيه من هالناحيه =$$
متحمسه للإنمي ولنهايتو ؛
نفسي اشوف صغيري ارسلان كبر وصار ملك يحكم دولتو ويحارب فِ معارك ويقود جنودو وهاكا
فخامه مالها نهايه فِ الإنتظار مع ارسلان
# Ore Monogatari
مدرسي + رومانسي وكمان شوجو , دا عدوي اللدود
للأمانه الإنمي دا شفتلو لقطات ومعظم اللقطات الي شفتها كانت عن البطل تاكيو
وإنه صاحب فزعات , منقذ الضعفاء والمساكين , كافل الأيتام والأرامل هع5
جداً بالغو صراحه يعني خلاص مرا وحده ترا كفايه نعرف إنو بطل مغوار وشجاع شديدُ القوه
مالو داعي تعيدو الشي دا عشرومية الف مرا عشان توصل الفكره , قمة فِ الإبتذال صراحة
لا وفوق دا كلو , عَ قد ماهوا بيساعد وينقذ ويفزع إلا إنو مَ بيتلقى الشكر !
ليه ؟ لإنو بشع , ايش دا يعني فِ ناس زي كدا !!
مَ تشكر شخص انقذها لإنو بشع - خير ياخي
مَ غير البطله تجيه وتسلكلو كل مرا ينقذ فيها شخص وتقولو : " أنت رائع "
روحي موتي باللهي معو - قلك رائع
^
دا كلو ونا مَ تابعت الإنمي
اجل كيف لا تابعتو اخاف انجلط , يعني مش كفايه إنو رومانسي وشوجو قلب7
فوق دا جايبين البطل البشع الذي لا يُقهر لكن لا يُشكر ايضاً
المشكله إنو الإنمي 24 حلقه , ع ايه بس يَ خرابي دا 12 وتخب عليه
مقهوره إنو ماد هيا الي مسكت الإنمي دا , مرا خليها تبعد عن الشوجو
وتركز ع الشونين افضلل لإنهم مبدعين فيه فقطط
خلاص خلاص , سفلت فيه بما فيه الكفايه - ننتقل للي بعدو !
# Ameiro Cocoab
# Mikagura Gakuen Kumikyoku
# Diamond no Ace
^
دي التلات إنيميات مَ شفت شي منهم , لكن إحتمال اشوف دياموند لإنو كتير يمدحونو
بس مدري مَ إتحمستلو ابد , يمكن إزا خلصت اللسته ومَ لقيت شي اتفرجو اشيك عليه
_
مرا تانيا , يديكم العافيا واللهي =$$
__________________ - اللهم في كل دقيقة تمر على والدي وهو في قبره
أسألك أن تفتح له بابًا تهب منه نسائم الجنة لا يُسد أبدًا . ........ ....... - سبحان الله , الحمد لله , لا إله إلا الله , الله أكبر  - |