وصلوا لداخل المطار ..

وانتظرت غلا بالقاعه وخالد جا ساحب شنطتهم ..

طلبوا لهم لموزين وراحو للفندق ..

دخل خالد وتسبح يحس جسمه متكسر ..

غلا دخلت قبله وغسلت وطلعت وهو تسبح ..

لبست قميص نوم شكله دافي << خخخخ شهالتعبييير

كان من تحت معرى وطويل على الجسم لونه فيروزي بس قاتم شوي

وفوقه نفسه بس كم طويل وشيفون مجعد شوي منه على شكل ورده ,,

والباقي عادي

لمت شعرها وكان طايح منه شوي وشكلها ناعم بس حزين !!



نشوف عمر شوي ..

طق عمر باب دار ابوه

سعود : تعال ياعمرر ،، أدخل

عمر تنهد وحس ان روحه تذوب من داخله ..

مو من رهبة ابوه لا من شي ثاني

نازعه لكن ماقواه

أكبر منه ومن كل شي فيه ..

~ غلا ~

أول وآخر حب له ..
حلف يمين مايحب غيرها
لان هي اللي بيدها نبضه قلبه ودقااته
يحس بشوفة غلا يرد له النصخ ويقدر لكل شي
يقدر يحارب الدنيا كلها وهو مرتاح
لكن عزة نفسه تمنعه من اشيا وايد يحلم فيها ..
صارت مرت اخوه ..!
دخل وحب راس ابوه وقعد فصمت ..

سعود : شفيك يبا؟
عمر : يبا انا بكمل دراستي برع .
سعود : شمعنى؟ ومتى؟ بعد ماطافت سنه

عمر كان مايبي يتكلم مع ابوه وجه لوجه
لانه تعود كل شي يقوله لامه
لكن يحس صار مايتحمل يشوف امه اكثر من لحظات
بس بيتحمل جم تهزيأه وكلمه قويه من ابوه كالعاده ..
عمر : ماصار شي كنت ماخذها راحه من 12 سنه دراسه ، مو خساره على روحي سنه بس ارتاح فيها .
سعود : ياماشالله عليييك والله ، لا ، ونعم التفكير ياولدي
عمر لف وجهه وتعوذ من ابليس وسكت وسرح وابوه يهزأ فيه
عمر وقف وهو طفحان غضب ..
عمر : يبا بس خلااااااااااااااص ، ارحمننننني الله يخليييييك ، ولدك انا مو عدوك
كفايه خذتووو روووووحي ارحمني ووافق بطلع بهج من هالجحيم اللي انا اشوفه كل يوم
يبا ارحمني يبا انا تعبااااان وربي بموووت ..
مشيتني على هواك انت وامي وبهواكم دستوا علي وكويتوني ، ذبحتوني ، حرقتوني ، ماتدري يايبا
انتوا توقعتو انكم بهالتفكير الغلط حميتوني ،، (بكل قهر) ظيعتوني يبا
ظاع عمر ولاتفكر تحصله ,
ارحمني ووافق خلني اطلع يمكن انسى
سعود : لايعلى صوتك واطلع الحين
عمر بلع ريجه من هالكلام رجال شكبري انطرد!!
سكر الباب وراه وامه كانت بالصاله ..
لطيفه : شفيك ويا ابوك ؟
عمر مشى بكيانه المذبوووح : مافينا شي
لطيفه : وانت لين متى بتم على هالحال ، خلاص انسى بنت عمك صارت لاخوك انسسى
عمر حس انه زهقان من هالطاري خلااااااص مو كل مااراح طيفها سكنتوه جفوني مثل قبل
عمر : يمه خلاااااص تكفين ارتاااااااااااااااحي وريحينيييي
لطيفه سكتت وتمت تراجع كلام ولدها ..
صاير كلامه كبير وكأنه الغاز .
دخل عمر داره وقفلها
لاشعوريآ قط عمره على الكرسي
وماقاوم دموعه اللي هلت من عينه
مر عليه شريط حياته كأنه فلم
غلا كانت وياه
هني سولفو هني شاغبها وطفرها
هني زاعلها وهني راضاها
هني جعمته جم مره لكلامه الحلووو
هني شافها منزفه على أخوه
هني خر على ركبه يصيح من كل قلبه عليها
وهني وهني وهنيي
وهنيي طلعت روحه منه
ورفع راسه ودموعه على خدينه وهو يصيح بصوت
ياربي ارحمني ياربي انا اذبح عمري جذي
يارب ريحني .
مشى للحمام وهو يحاول يمسك روحه بس مايقدر
يحس عمره ياهل يصيح يصيح يصيح
امه كانت عند الباب وتسمع صياحه
وصاحت عليه

انا شخذذذذذذت انا شسوييييييت ولدي راح منييييييييييي
عمر طلع من الحمام وانسدح وملامحه وجهه متنفخ من الصياح ..
نام له ساعتين وقام نزل لانه ربعه جو المجلس
قعدوا شوي وبعدها راحو ماتم غير تركي
تركي : ياخوك ريحني ياعمر قلبي بياكلني على حالك
عمر : شفيني انا؟
تركي : تسألني انا؟؟ جاوبني اول شفيك ياعمر ، اذا عادني غريب قولي
عمر : مو عقب 16 سنه يالهيس
تركي : ههه ياخووي والله بموت عليك شكلك مو مريحني
عمر : ااخ شقولك تركي تعبان حييييييل
تركي : تكفى ريحنييي غطتك شهرين عنا ماتريح أبد
عمر : تحفظ السر.؟
تركي : افا وانا ولد ابوي ، الرجال ماينقال لها هالكلام
عمر : انثبر زين ..
تركي : هات شعندك !!
عمر : شقولك تركي ، كلااااام وايد ، اشيا فيني ابي اقولها بس مابي اذكرها لانها تتعبني
تركي : لاتوقف قلبي انطق
عمر : انشالله ،،، ( سكت شوي ) ،،، انااا ، كنت احب بنت عمي (( تركي فتح عينه )) ،
قبل لاتصير لاخوي ، من يوم انفتح باب صالتنا ودخل عمي سعد وهي وراه ، نزلت غطاها
وحسيت شي لف وجهي على الباب ولاقدرني اشيل عيني من على آية الجمال اللي جابها عمي
الله يرحمه ، حبيتها حب مستحيل تلقى مثله ، ماقوله ياتركي وانا اكابر بس جد لين يومك ومع
طاريها يفز قلبي ويخفق حيييييل ، احس بطير وبقوم والقى غلا مو لاخوي ناطرتني
بتقولي شي ، تقولي ترا كل اللي صار جذبه ، لكن ،، آآآآآآآخ تعبت ياتركي ولاحد من الكل حس فيني
غيرها ، حبيتها وحبتني حييل ، صج سنا صغير لكن نفهم .
صج انا كنت ممصخها معاها بالكلام والحركات لكن ماقدر من اشوفها انسى شي اسمه مروه
احس ويا غلا ماكو شي اسمه كرامه لو تسفل فيني وتمسح فيني الارض كانها تمدحني.
صارحتها مره وتفاجأت انها تحبني بعد نطرنا نخلص واخترت وقت للأسف ظنيته صح
لكنه أكبر غلطه بعمري سويتها
قلت لامي بس ذبحتني ، قالت ان اخوي ، عضيدي ، شقيق حياتي وعمري
حبي صار له ..
لكن الله يسامحها ولاحد منا كان يدري
حتى اخوي صاحب الشان كله .خالد. ماكان يدري
اخوي صارحني بليلة عرسه وقالي عن كل احساس حسه لغلا
قال انه جمالها حلو بس بعينه ماكان مبين على حقيقته ..
يعني لانه كانت مشاعره لها مشاعر واحد بال22 لوحده بال17
مشاعر أخوه لاأكثر ولاأقل ..
كان هو ظحكة البيت وروحه ، لكن امي بغمضة عين
ذبحت نور حياتها ، انا واخوي .
كانت امي كل شي بحياتي
ماشك خيط بأبره الا بشورها
الحين تستغرب لو اقولك ان لو اكثر بالقعده جنبها ، اتظايق اتنرفز
مو من شي ولا عق مني لها لا ياتركي انا ماتربيت على جذي ، بس امي خلتني اتصرف جذي
ماقدر انسى بنت عمي ولااقدر امنع قلبي انه ينبض لها
لانه نبضي بيدها ، احبها ياتركي احبهااااااا وهي على ذمة اخوي
انا مذذذذذنب تععرف شنو يعني مذنب !!
(حط راسه بكفينه وكأنه بينتهي من الحياه) ،، شووور علي ياتركي شسوي؟؟
تركي شاب قلبه من كلام رفيجه حس لسانه ثقيل ولايقدر يتلكم ..
مايعرف شيسوي يواسيه ! يههاوشه ! شيسوي؟
رفيج عمره اللي يعرف كل شي له ومعاه نسى كل شي لمن سمع كلامه
تركي : م ،، مادري!
عمر : مو غريب ردك شاورت قلبي وقالي مثل ماااااادري ، انا انتحر يمكن اريح
تركي : اذكر ربك ياعمررر وكبر عقلك
عمر : صحت عليها تصدق ( يقولها وهو منكسر ) تخيل رجال (يمثل بيده) طول بعرض
من فارقتني لين يومك وانا اصيح عليها ، عيني دمرت من كثر الصياح .
تركي تخرع ،، هذا السبب !!!!!!!
قعدوا شوي وهم مايكثرون اكثر من اربع كلمات
تعشوا بسرعه وشرد تركي
رفيجه سالفته كلت مخه
حزيييييييييييييينه
ماتوقع كل هذا ورا عمر !!
عمر انسدح وكعادته يغني بصوته الشجي ..

ظناني الشوق
وازدات شجوني
وكثر الدموع قد حرق جفوووني ( يمسك جفونه )

عمر لف وسكت يحس عينه جفت
مايبي يطلب من أي حد يساعده
فتح عينه وقطر فيها ..
غمضها وريح جفووونه ..