عيون العرب - ملتقى العالم العربي - عرض مشاركة واحدة - كَوْثَر|نقَاء

كَوْثَرِ|نقَاء · #9 07-03-2015, 01:00 AM

ما في شيء بيرجع يتكرر لا العمر لا الوقت لا الكلمة الي بتطلع و لا الفعل ، ما في شي بيرجع .. امبارح صار ماضي و حتى اللحظه الي كتبت فيها اول كلمة هون صارت ماضي ، ما في شي بيرجع اول نغزه بقلبي بس شفتك و حرارة ايدك باول سلام بينا ، و اول مره بشم ريحتك ، ما في شي بيتكرر و لا شي بيرجع في لحظات ابدا ما بتتكرر ، دايما اوائل الاشياء احلى تماماً مثل اول خطوة بخطيها طفل صغير قدام اهله ، تماماً مثلا اول كلمه بنطق فيها ، تماماً مثل اول يوم شفتك فيه هه ، بس كل شي حلو رح يجي يوم و يصير وجع بيحفر فيك و بصير صعب كثير ترجع هذيك اللحظه و ترجع هذاك العمر .. هه مش عارف ليش و انا عم بكتب سامعه اغنيه جوليا بطرس(( لشو ترجع بهالليل و ترجعلي الماضي انا كنت نسيت انا كنت نسيت و انا و زكرياتي صرنا صحااب )) هه حلوه الذكريات و مُّره مثل اول ابتسامة صفرا ضحكتلي فيها ، مافي شي بيرجع و مافي شي بيتعوض هذا عُمر و صعب كثير ترجعلي اياه بكلمة أسف ‏‎ و مافي داعي تذكرني بأول كل شي حلو صار بينا لانه اول بعدك خليت كل شي حلو بحياتي وجع ... عن اذنك صار لازم تروح و تنساني .....
(غاب وتركني بهالليل
وقال راح أرجع لك .. شي نهار
يمكن قريب .. يمكن بعيد .. بس دايماً
ضلي إنتظريني .. ضلي إذكريني
إنتي دايماً ببالي
راح .. وهالليل ماعاد يروح
وذكريات الماضي المجروح
بعدها ببالي ما عم بتروح
وأصرخ له
روح إتركيني .. وحدي إتركيني
أنا لوحدي حزينه
لشو ترجع بهالليل .. وترجع لي الماضي
أنا كنت إنسيت .. كنت وعيت
ومع الذكريات لوحدي بقيت ..
لشو ترجع بهالليل .. وترجع لي الماضي
وترجعني صغيره .. أنا صرت كبيره
وسرقني الوقت ..
أنا وذكرياتي صرنا أصحاب .. يا ليل
وين اللي كان ما ينام الليل
ياللي ما يمرق ساعه بهالليل
ما يجي ويروح .. قلبه مجروح
من كثر الحب اللي بقلبه .. ساكن بقلبه
ويقولي اغفري لي ..
وين اللي كان يضحك ويميل
ومن كثر الفرح كان قلبه يطير
وين الأيام ؟.. راحت لبعيد
أكلها الوقت .. وما بترجع
بتروح .. وما بترجع
لشو ترجع بهالليل .. وترجع لي الماضي
أنا كنت نسيت .. كنت إوعيت
ومع الذكريات لوحدي بقيت ..
لشو ترجع بهالليل .. وترجع لي الماضي
وترجعني صغيره .. أنا صرت كبيره
وسرقني الوقت ..
أنا وذكرياتي صرنا أصحاب .. يا ليل )