ليش سبايكر خليتي بيه جروح ؟
ليش سبايكر شنهي الوطن بعتيه؟
ليش سبايكر عليتي صوت الموت؟
وصوت الخوة والضحكات سكتيه ؟
ليش سبايكر الشرف عنج وين؟
شني ثوب الستر مشگوك ذبيتي؟
شنهي سبايكر ذواقة مال دموم ؟
حلو دم الزلم بي غيرة من ضگتيه؟
يگاع سبايكر خل نكشف المضموم
بعد ما ظل وكت للحجي حتى اخفيه
ليش شما اسامح ما يفيد وياج؟
اجة يشفى الجرح وبملح ذريتيه.. ليش شما اگولن
زينة راح تصير تبينين العكس ؟
والضني خيبتيه
1700 شلونهم عجبوج ؟ ولد الملحة بيهم كل حلو
شفتيه؟
ذبحتي كم حلم لكم عاشگ وعريس
وكم شارب شهم بتراب لطختيه وذبحتي لكم
حبيبة وتنتظر محبوب ليش شكم محب عن محب فارگتيه؟
كم غرفة البقت تنتظر راعي البيت ؟
وكم خد للبنات الحلوة خربتيه
وگلب الوالدة ؟ وگلب الوالدة معقولة ما هزاج ؟
وبحس نواعيها خلگج اطربتيه
طيحتي عگل ما طيحاها الراح يجي يوم الترد وانت الثمن تنطيه
انتي سبايكر فهميني من ياطين؟ من يانار قصدي؟ وانتي تفتهمين
عندي الينكتل مو ذلة رفعة راس والبفراشة ميت
ما اثوب ليه
الينطگ بالوجه دمه الج خل يطيح
بس طگ الظهر لو اموت ما انطيه
انه طبعي ويه ثاري اشبه الزير اعرف يمتة ابجي
ويمته اغضب

1700 اثنين غدروه وكتبو لا تصالح بالهوة الهب
وحقكم ما تطيح دمومكم هيج ...ما ترضيني دية وحجي مرتب
قصاص الزلمة زلمة والله اليگول ولو مو زلم داعش حتى نحسب
قضية البيها دم ما تنتهي بجيل
يا تاريخ سجل احنة نطلب
ابو لحية العفنة يصبغ الماي ؟
بدم ابن الجنوب ومنة يشرب؟
غم هيج وكت بي كلشي مگلوب ..الاسد صاير فريسة
وياكلة الضب
وكت بي ناس صبغو وجه الاسلام ...تكبير وذبح باسم الله يرهب
بعد ما ارخي حبلي ويه اليشدون
واشوفهم شلون الزلم بالضب
وخشب ما اصير لعقول التفاهات ...لان ما اريد فوگ النبي يصلب
اذب ثوب الملك يم الشياطين وصنم ما اصير للما يعبد الرب
ابو زند الترف ليلاوي ملحان
خل يحترم نفسة ويتأدب ...عراقيين خبرة بكسر الخشوم
من نختاض وجه الدنيا يشحب
افا امنا اتذب سترها واحنة عدلين ؟
الجوة رجلها الجنة تركب ....التذب شيلتها يم شباج العراق
واجب للعلم هيه اتحجب
بعد يحرم علينة ضحك السنون ...اذا ما للعراقية انجيب مطلب
مثل ما صب دمعها وفرعت الراس
ندنگ روسهم ودماهم انصب ...فصيلة o علي حملوها الابطال
لذلك دمهم الطاهر تخضب
دم بي ريحة الله ونحر وجفوف
وبي ريحة حرم وخيام تلهب
اخوتي حزام ظهري وتعب السنين ...بالطوفان جانو ليه
مركب
اخوتي فراگهم كتال ...صلفة عيوني بس الگلب ينحب
اخوتي اهل النظيفة بدم يكشخون ..حسافة وندم من يكتلهم
اجرب
اخوتي مو مثل ذولاك الاخوان الصارو عار
كلما نذكر الجب
ما بيهم اذا طب للحرب خاف ولا بالضيجة دورلة
على مهرب ...اليطب للحرب كون يحسب يموت
ميحط على بالة وضنة مكسب
جندي الشطرنج لو مات معذور
لان الصوج بالماعرف يلعب ..مو قائد الينطي جنودة للموت
اصلا من عداد الزلم يشطب
من جتف اليخون الرتبة تنشال ونحط مداس طفلة
وفاگدة الاب
والقائد اذا ميكون عباس ما لازم تطب الحرب زينب
.....

__________________
[SIZE="4"][B]تحقيق الامنيات يتطلب
[COLOR="DarkOrchid"]صبر[/COLOR], [COLOR="RoyalBlue"]امل[/COLOR] و[COLOR="Pink"]دعوة صادقة[/COLOR] [/B][/SIZE]

[cc=...]يا نسيم الريح قولي للرشا
ما سقاني الورد إلا عطشا
لحبيب حبه ملأ الحشا
ان يشأ يمشي على خدي مشا
روحه روحي وروحي روحه
ان يشأ شئت وان شئت يشا [/cc]