اذا لا سامح الله الحرب شبت بيك
كلما ما تهدة يگوم يتعذر
العراق انت الشهم كل هالشظايا البيك
وبياض البالعلم ماعفته يتدمر
يا لون الشرف يا كل وقار الشيب
يا اول عدل كل يوم يتوذر
ما تنگص رگبتك منة حتى السيف
على رگبتك السيف السيف يتحذر
عينك بالغضب يتغطى منها الموت
وتعمى من البجي لو طفل يتعور
عمال المساطر فجروهم بيك
خافو بيهم المهدوم يتعمر
خافو من صورهم تنعكس بالماي
ورادو وجه مايك لونه يتغير
وحارو بالگبب من عدها راسك وين ؟
شكَّو بالكبيرة راس يتفجر
مو گبه الهادي راسك المطلوب
لان اليشوفهم جن توم يتصور
تبا للحرب حتى بسمانة جروح
كفاكم هذا خاين هذا يتكفر
احس اتسممت من ريحة البارود
اريد اشتم هوة الضحكات يتعطر
اصابعنة ادمنت خل الزناد ايعيد
جف شيعي على جف سني يتحصر
مد ايدك علي خل نطبگ الرايات
وخلي العدو بوگفتنة يتحير
احنة اهل الوطن بينا المراجل ساس
مو منا بنوايا الغير يتسير
حلفني بعمر واني بعلي الكرار
احلفك متريد الوطن يتعمر؟
متريد الدمع يهجر جفون العين ؟
متريد الكسر بالضلع يتجبر ؟
متريد الطفل يعرف شنو الوردات؟
ويتناسا الرصاص ومنا يتستر
طولنا الزعل ومشابك الخوان
العراق سنين صار الهاي يتنظر .....

__________________
[SIZE="4"][B]تحقيق الامنيات يتطلب
[COLOR="DarkOrchid"]صبر[/COLOR], [COLOR="RoyalBlue"]امل[/COLOR] و[COLOR="Pink"]دعوة صادقة[/COLOR] [/B][/SIZE]

[cc=...]يا نسيم الريح قولي للرشا
ما سقاني الورد إلا عطشا
لحبيب حبه ملأ الحشا
ان يشأ يمشي على خدي مشا
روحه روحي وروحي روحه
ان يشأ شئت وان شئت يشا [/cc]