خالد دخل عليها وقعد يكلمها بشويش لين ماهدت وسكتت
مرت على هالسالفه يومين ..
غلا كان كلامها جدآ قليل ..
بعد صلاة العصر فالبيت الكبير الشبه فاضي من الناس كانت غلا مستنده تطالع
من الدريشه تنتظر خالد من يرد من الصلاه ..
شافته داخل للبيت بمشيته الرهيبه ووقف قلبها ..
وقفت ودخل خالد وهو مبتسم ويفصخ النظاره ..
خالد : السلام عليكم
غلا بنص ابتسامه : وعليكم السلاام ، اخيرآآ
خالد : هههه بتفهميني انج ولهتي علي
غلا : حيل
خالد : آه منج ، ودي اصدقج بس ماقدر
غلا تلف عنه : افا ياخالد تجذبنييي !!
خالد : يييييه اخسسسسسسسسسسسي اناااا ..
غلا : لاتقول جذي عن عمرك ..
خالد : مش آدر مش آدر ، بحبك
غلا : ههههه ، أي صج حبيبي جاتك مكالمه وانا مارديت خفت يكون حد يبيك بالشغل وضروري وانت محد
خالد : بوووووه لايكون عمر (يلقف التليفون ويشوف المكالمه)
غلا : عمر!
خالد : أي اكيد اليوم وصل ... ( واتصل ونطر لين مالقط الخط ) ..
يكمل : لقط اخيرآ ،،،،،،، " يرن يرن يرن ... "
غلا : رد ؟؟
خالد : لين الحين .. ،، هلاااااااااااا والللللللللللللللللللللله
عمر : هلا ومرحبااااااااااا ، هلا بالشييييييخ ، شلووووونك؟؟
خالد : الله يسلمممك بخيير كلنا طمنا عليك شلونك وشلون رحلتك انشالله ماتعبت؟؟؟
عمر : لا حبيبي كل شي تماام بس فاقدكم والللله
خالد : ماتفقد الغالي انشالله ، شلون البلاد ووينك الحين ؟؟
عمر : انا الحين رايح مع الدريول اشوف الشقه اللي خذناها .
خالد : أي شغل عدل يبا شرو لك شقه لو ادري جان خذت لي امريكيه
غلا تطالعه وهي متخصرررررررره ..
عمر : ههههههههههههههههه ، دام عندك الغلا مالك ومال الامريكااان ههههههه
خالد : ههههههههههههههههههههههههههههههههههههههه صح لسانك، صاير شاعر امريكي اشوف
عمر : هههههههههههههه افا علييك حاظرين
خالد : خلاص عيل حبيبي بس توصل للشقه اتصل وعطنا ارقامك واسم جامعتك والعنوان
عمر : حاظر وماطلبت يالغالي ، سلم على ابوي وامي والكل ..
خالد : يبلغ انشالله ، خل بالك على رووحك .
عمر : لاتوصي ،، فمان الله حبيبي
خالد : الله يحفظك ....
وسكرووووو ..
عمر حط التليفون بجيب البنطلوون ..
هه خالد يقولي ماتفقد الغالي انشالله ..
فاقده من زمان ياخالد لكن شنسوي ..
يبا انا جاي انساها مو اتعلق زياده ..
السواق : Hello , Mr. we arrived
عمر انتبه انه يكلمه : Oh sorry, thank you very much
وحاسبه عمر ..
ونزل شناطه ..
ساعده السواق واستحى منه عمار عطاه كم دولار يبخششه خخخ
دخل عمر الشقه وكانت مناسبه له ..
كانت شقق فندقيه وفيها خدمه وكان فيها عرب بس شكلهم جايين فتره وبيروحون ..
ارتاح عمر كان متخيل المكان بيكون كأيب بس حمدلله عكس توقاعته ..
الشقه تطل على مكان مخضر يوسع الصدر
سحب الشنط لين الدار ..
وفتحهم اول ماطلع المسجل وبوكس الاشرطه ..
حطه فالصاله وحط شريط قرآن للشيخ احمد العجمي ..
طلع ملابسه وحطهم ورتبهم وشاف الشقه كلها ..
خالد انتهز الفرصه وقال مثل هو ماسوى لي انا اسوي
اتصل لواحد من ربعه يبي يعرف اذا يسجل اغنيه شلون تتطرش
وعلمه ..
ف قرر يسوي له مثل اللي سواه ..
ووو
بالسلامه تعود لاحبابك ،،
بالسلامه تعود يالغالي ،،
ياعسى مايطول غيابك ،،
ياسفر ذا المنزل العالي ،،
زاد فينا الشوق باسبابك ،،
يالغلا ياطيب الفالي ،،
مانتحمل ننظر لبابك ،،
دام رحت ومنزلك خالي ،،
بوسّعود يسأل عن اطيابك !
عن نسيم البن والهالي ،،
فاقدٍ صوتك وترحابك ،،
ويتخطر عنك ويسآلي ،،
دارك اللي دوم تزهى بك ،،
تنتظرك بشوق وآمالي ،،
بالسلامه تعود لاحبابك ،،
بالسلامه تعود عماري ..
عمر كان هالحزه يطل من الدريشه يشوف عوايل امريكيه بالحديقه تلاعب عيالها
وشاف ماكدونالز قريب من الفندق وماجذب خبر ..
دخل تسبح وطلع يلبس ،،
الجو كان بارد لبس بنطلون جينز اسود وهاي نك اسود عليه بالطو اسود من الجلد
مشى لماكدونالز وهو مسكر يده من البرد ..
ماسمع المسج اللي وصله من حشرة الناس
طلب العشا وخذه لطاوله بعيده عن حشرتهم
وتم ياكل بروحه
خلص الاكل وقام قطه وطلع يتمشى بالحديقه ويطلع منها على المجمع السكني ..
قعد يغني والهوا البارد يلعب فشعره اللي قصره شوي ..
شرقٍ مشيت
وغرب وقتي مشى بك
والقلب ماله ! لايمٍ فيك لون
طويتني طي الورق في كتابك
حتى معاليق الحشا لك تطون ..
وقفه شاب خليجي ..
الصبي : عربي ؟؟
عمر : أي نعم
الصبي : الشيخ احنا مظيعين الفندق وياريتك اذا تعرف تدلينا
عمر انحرج حيل خصوصآ ان معاه خواته ويهال صغار : والله اخوي انا اليوم واصل ومادل بهالمنطقه
الصبي يلف عليهم جنه يقول مابيدي حيله ..
عمر : طيب ليش ماتوقف تاكسي؟؟
الصبي وجهه احمرررر : آآ،، والله يالطيب توهم سرقوني وخواتي ماجابو فلوس ..
عمر : افا علييك ، ولايهمك خلاص امش معاي وانا اوصلك
الصبي : لالالالا تسلم تسلم احنا بننتظر هني حد يجينا
عمر : لالالا عيب عليك هالكلام ، امش وياي
البنات انحرجووووو خصوصآ ان عمر وسيم وهالموقف يثبت رجولته على وسااامته << خخ
الصبي : لا يالطيب صدقني مافي مشكله بننطر
عمر : والله تمشوون
الصبي : لا اله الا الله
عمر : يلاا انا اروح اوقف التاكسي
راح عمر وقف التاكسي ونطرهم وجو وركبوا ..
كانو 8
4 بنات و 4 صبيان
عمر : من وين من الخليج ؟؟
الصبي : من قطر .
عمر : الله الله ، الله حيهم عيال قطرر ، انا قطري بعد
البنات تشققو عرفو نص الخطه خخخخخخخخخخخخخخخخخخخخخخخخ
عمر : ماعرفنا شسمك ؟؟
الصبي : انا جابر وهذا اخوي احمد وجبر وعلي ..
عمر : عااااشت الاسامي والله ، وانا عمر ..
جابر : عاشت ايامك ..
عمر : شكله فندقكم بعيد !
جابر : أي والله شنسوي ، مايبون غير ماكدونالز . وهذا اقرب واحد
عمر : ههههه ،، ( بعد شوي) سياحه ولا !
جابر: أي والله السياحه ،، وانت ؟
عمر : جاي دراسه .
جابر : اااها ، بالتوفيق انشالله ..
عمر : الله يسلمك ..
جابر : والله مفتشل منك ياعمر ، بس ها مردوده انشالله .
عمر : لا افا عليك شهالكلام ، الدنيا لين الحين بخير ، واحنا اخوان الله يسلمك ، عيب هالكلام ..
جابر: مااعليك زود والله ..
ونزلوو
عمر ينادي جابر وهو ماشي ورا خواته للفندق ..
عمر : اقووول جابر !!
جابر : هلااا ....!
عمر : تفضل الشيخ هذا رقمي ، ولايردك الا لسانك اذا تبي أي شي بس قولي ترا لي معارف وايد هني
جابر وجهه احمر : ماتقصر والله ، اخجلتنا بطيبتك ياعمر ..
عمر : لا خجل ولا شي ،، يالله فمان الله .
جابر : الله وياك
دخل جابر وقال لابوه السالفه وكلهم حبوا عمر من فعلته قبل لايشوفونه ..
رجع عمر للفندق وكان موطي راسه يشوف المسج اللي واصله فالموبايل
مايوعى الا يخبط بجتف حد
رفع عينه شافها بنت لا وخليجيه بعد
وراك وراك هل الخليج خخخ
عمر نسف اغراضها اللي بالجيس كلها
عمر لونه انخطف ولون الفشيله غطاه وحس وجهه يحترق شسوووووووووى !!
عمر وهو يلم الاغراض : اسف اسف اختي مانتبهت لج والله
البنت فكرته يغازلها : هذي شنو حركه جديده للمغازل !!
عمر لم الاغراض وحطهم فالجيس وحطهم على مكان عشان مايلمس يدها ..
عمر : استغفر الله (وهو ماشي عنها) ..
البنت استغربت معقوله ظلمته بس واحد بهالجمال ويسوي حركه جذي شقصده ؟؟
معقوووله ظلمته !!!!! ..
عمر قهرته كلمة البنت وكان وده يرد ويلعن خيرها لكن مو عوايده يرفع صوته على غرب
وحريم ..
ظرب زر الاصنصير ووصل ..
ركب وفتح باب الشقه ودخل على صوت القرآن
انشرررح صدره وبدل ملابسه
ولبس بجامه وتدلغ خخ من البرد
ظبط المنبه والموبايل بعد عشان يقوم من الصبح
ويروح يأكد التسجيل ويشوف مكان الجامعه ويعرف حاله ..
شغل المسج واشتغلت الاغنيه
طفى القرآن قبلها طبعآ ..
وفرح كثير لمى سمع صوت خالد اخوه
والكلمات حزنته وفرحته