سعد كان يشوف اللسته اللي خذها من غلا باسامي المحلات الي يقدر يشتري منها اطقم لدزة عليا ..

شطووولها ..

سعد : الله يسامحج تبين تفرين راسي ، انتقام اهووووو

شاف الساعه /: يوهو اكيد سكرووو ، مافي غير باجر امر عليها واروح وياها

راح سعد وقعد عند امه قبل لاتنام ويسولف معاها ويقولها اللي صار وياه ..

حب راس امه وخلاها تنام وراح داره ..

فتح الكبت

وطلع كل البومات الصور

وتم يطالع فصورهم

هو وغلا وسعود وفيصل وتغريد و عيالهم ..

الله ياريت هالايام ترد

ونتجمع مثل قبل

قعد يتذكر قبل كانو كل جمعه يتجمعون على الغدا فهالبيت ..

لكن ظروف وايد نستهم هالشي ..

امهم الكبيره شوي فاقده ذاكرتها ، وسعد شاب صغير يعني يلهى مع ربعه مو دايمآ فاضي

والعتب يبقى على سعود اخوه الكبير راعي الواجب ..

سعود يكلم خالد بتليفون البيت : ماكلمك عمر ؟؟

خالد : امبلا يبا كلمته اول ماوصل وقلت له اول مايظبط جامعته وكل شي يتصل ولين الحين مااتصل

سعود : خلاص اول مايكلمك عطوني خبر انا تحت .

خالد : انشالله يبا .

سعود : يالله . ورقع الخط

خالد :بل عليه دادي

غلا : هههههههه ليش

خالد : تخيلي ساعه يودعني

غلا : صح صح

خالد فيه الظحكه : والله مشكله ابهات هالجيل ياشيخ

غلا : ابهات هالجيل اللي لهم عيال هالجيل ! و عمي سعود مو منهم من جيل قبلهم

خالد : ياخطييييير ياللي تحلل

غلا : هههههه

خالد : وانا متى بصير ابو؟


غلا وقف قلبها (شهالسؤال؟؟) : ......

ظحك لها بخبث ونزل لابوه : حياتي بتجين معاي؟

غلا : امك تحت عدل؟

خالد نزل راسه ورفعه : أي روحي تحت

غلا تاشر بيدها : لا خلاص حبيبي روح انت انا راسي يعورني