خلصت أول محاضره له وقامو الطلاب

قعد يشيل هو اغراضه الكتاب والنوته واقلامه

وشال عمره ..

طلع من القاعه وقعد على كرسي دعس اغراضه بالشنطه

وطلع السكاجول شاف عنده بعد 3 كلاسات وبعدها راحه وبعدها كلاسين ..

راح حط فلوس بالمكينه وطلع له كولا وقعد يشربها وهو يقرا السكاجول واوراق ماعطينه ..

رفع عينه شاف 3 بنات يتناقزون وكاش يتكلموون عنه ..

عمر نزل عينه وتم يقرا ويشرب ..

رن تليفونه وشافه رقم السواق اللي وصله عطاه رقمه وتوهق عمر وياه

مارد عليه وطنشه ..

فقطر ،،

غلا كانت قاعده فالبيت العود مع عمانها ال2 سعود و سعد ..

خالد وصلها وقال بيروح عنده شغل بسرعه يخلصه ويرد ..

دخلت عمتها تغريد وريلها قعد شوي سلم وراح ..

غلا كانت مع خالد الصغير تلعبه وتظحكه وهي جانه عليه ..

صاير يجنن متبتب وخدوده محمرررين ..

تغريد : سعود ،، وينها مرتك؟؟

سعود : لطيفه هني، يمكن داخل راحت تصلي الحين تجي

تغريد : اااي ..

سعد : الا شخبار عمر ماكلمكم؟

سعود : امبلا حاجانا

سعد : لالا وشخباره شلون امريكا لقا له شقرا زوينه

سعود : اههههههه ، طيب طيب

غلا : عمتي مسكي ولدج بروح لخالد انا ..

تغريد : ويي هااتيه يما منج ماخذته تصبيره يعنييي

غلا : هههههههه لا عمتييي ، بس خالد بره ويستحي يدخل بروحه .

فاطمه : يمااا خليهاا

تغريد تلم بنتها : واااي يزين بنتييي ،، بليييده

فاطمه تظحك بفشيله : مااام ماسمح لج

تغريد وبنتها كانو جنهم رفيجات خخخ ..

غلا : ويي ، انا اروح لخالد احسن

راحت له غلا وفتحت الباب وهي بكل دلع متسنده على الباب ..

كانت لابسه فستان فوشي مخصر على جسمها وعلى جنب بالفولك الاسود المربع رسم

وعلى يدها الثانيه رسم ..

كان شكله غرريب بس فنان

كانت ناصفه شعرها وهو مرول وطالعه قمر ،، كان مكياجها نااعم بس كحلتها

ذبحت خالدد قطعت قلبه ،،

خالد يتل نظارته وبكل خبث: مسا العصر ..

غلا تبي تظحك بس مسكت عمرها : مسا النووور ، حياك

دخل خالد وسكرت غلا الباب ومشوا فالممر لانه دخل من باب صالة النسوان

لانه استحى يدخل من الباب الرئيسي ..

خالد وقف من المشي وقعد على الكرسي ..

غلا : ليش ماتبي تقعد وياهم

خالد : انقطع قلبي

غلا : من شنو

خالد : تخيلي ، وقفت السياره عند باب الصاله وجيب امشي لين هالباب

غلا : هههههه شهالذكاء خااااااالد !

خالد : شسوووي ! مادري والله احس مخي وقف وتوه رد اشتغل ؟

غلا : بسم الله عليييك قووم اقعد وياهم ترد حاسيتك

خالد : ليش لا يجوز والله

غلا : ههههههههههههههههههه

خالد بكل عذووبه : افااا ! غلااي يظحك عليي ؟!

غلا (واااااااااااااااي) : لااا

خالد : ظحكتيي توج

غلا : اسسسفه

خالد : اممم والله اسفه جي حاف ماتنقبل

غلا عرفت شقصده : ههه لا والله !

خالد : Yes baby

غلا مسكت يده وتلته معاها للصاله

خالد كان يطالعها بنظرات شرانيه ..

وو من بعد صلاة المغرب الرجال تجمعوا فالمجلس

والنسوان تموو داخل البيت ..

لطيفه كانت كل شوي تذكر عمر وتنغص ..

.* بعد مروور اسبوووع *.

عمر كان قاعد على طاولة الاكل فالشقه والكتب موزعه والاوراق والقلامه

ويحل الهووم وورك وكل شوي يفتح القاموس الناطق ويجييك على الكلمات ..

كان عنده فوق الخمس هوم ووركات وكان هذا بالنسبه له راحه

لان واجباته كانت تزيد عن العشر مرات ..

خلص اربعه وبقى له واحد

كان وصف ومايقل عن 300 كلمه ..

قعد عمر يعصر مخه يمين يسار يلف ..

كان الموضوع ماعطينه اياه باول الايام

يكتبه عن أي شي

فكر يمين يسار ماعرف شيسوي مب عارف عن شنو يكتب .!.!.!.

طفى المسجل اللي كان على طول حاطه على القرآن

راح وكل له شوي ورجع يكمل..

قعد يغني بصوته الحلووووووووووووووووووووووو

وكل كلمه تطلع من قلبه وهو يمد فيها...


لا سلام ولا وداع ولا عليك
لا اتصال ولا هموم ولا سؤال
بخت قلبك حظ جفنك يهتويك
يا أريش العينين برموشٍ ظلال
يال(غلا) وينك ووين الشوق فيك؟؟
في حشا يوفي من الشوق اشتعاال



غلا بعد فهاللحظه كانت ترتب ملابسها وتدندن على هالاغنيه


عمر قطع عليه طقة الباب وتأفف

ياربي من عندي هني عشان يطق بالله !!

فتح عمر الباب وشكله يجنننننننننن

لابس جينز ديرتي وقميص اسود مشمر الاكمام وشعره مبهدل

رفع عينه شافهم 3 بنات !!!

عمر ماعرف شيقول ..

البنات : هاي عمر

عمر: عليكم السلام ، شبغيتوو ؟؟

البنات زاحموو عمر ودخلو الشقه وعمر منصدم ..

البنات : جايين ندرس ويااك ، مانعرف ونبي حد يشرح لنا

عمر (هاا. ) : ليش يبا وين قاعدين احنا؟؟

البنات بكل جديه : فشقتك؟؟

عمر : اسف والله مادخل بنات ..

البنات احترقت وجييهم : بس احنا جايين ندرس

عمر : كان على عيني بس انا ابي اللي يشرح لي وانا الحين بطلع

البنات بكل مرح : خلاااااص ، نطلع وياك

عمر (اعوووذ بالله) : بطلع بجمعة شبااب

البنات : كول ، نتعرف على اصدقائك ..

عمر : لو سمحتواا اذا عندكم كلام نكمله بره الشقه

البنات طلعو وماصدق عمر قالهم مع السلامه ورقع الباب

تم عمر يفكر شلون جذي البنات ذولا !! انا الرجال استحييت اعوووذ بالله

وتم يظحك كانو جديين بيطلعون يعني عادي مافي أي مشكله ..

تم عمر يعيد ويزيد على مقطع الاغنيه

ولمعت فراسه الفكرره

كتب عن قصته هو وغلا بس غير فاسامي الشخصيات

خلصه ورتب العفسه ..

دخل الغرفه متملل شيسوووي؟؟؟

لقيتها .!.

اروح لي مجمع ولا مكان ..

وقف شاف نفسه بالمنظره

بس بس القميص متصارع معاه فصخه وقعد يكويه

تكشخ وتعطر وخذ كل اللي يبيه وطلع ..

قعد يتمشى فالمجمع متملل

قعد على طاولات الاكل وطلب له كالعاده من ماكدونالزز

شوي الا قعد حذاه خليجي ..

الصبي : مرحبا عمر

عمر وهو يبتسم : مرحبتين ياهلا ..

الصبي : ماتذكرني؟

عمر : اسمح لي والله ، من ؟؟

الصبي : انا جاسم زميلك بالجامعه ..

عمر : اييي أي ،، تذكررتك ، هلا والله شحالك يالغالي ؟؟

جاسم : يسررك الحال ، ها شتسوي هني!

عمر : والله شسوي زهقت من الشقه .

جاسم فتح عينه : تقعد بالشقه !!

عمر باستغراب: أي والله ارد من الجامعه ماطلع ..

جاسم : بربك!! طول يومك يعني

عمر وهو يظحك : أي والله

جاسم : انا ادخل اقط اللي علي واطلع ولا اعرف السكن شلوووونه

عمر : هههههههه ، ماعندي حد والله

جاسم : افا عليك من اليوم اعتبرني اخووك ..

عمر تذكر اخوه خالد : تسللمممم

جاسم : تحب اعرفك على باقي ربعي ولا وقت ثاني؟؟

عمر : لا عادي موجودين !

جاسم : لا احنا نتجمع فبيت لواحد من الربع

عمر : اها لا وقت ثاني انشالله ..

جاسم : هههه لا تخاف مافينا واحد يدخن نتجمع على كل خير انشالله

عمر ارتاح : ههههههههههه لا شدعوى بس وقت ثاني انشالله

جاسم : خلاص عيل تبيني اقعد ولا اروح ؟

عمر : ههه اكيد تقعد من لي غيرررك انا

جاسم : هههه مشكور مشكور

قعدوا تعشوا وراحو تمشو وردوا لشقة عمر قعد جاسم شوي

وبعدها راح عنه وقال له باجر يجيه ويروحون الجامعه مع بعض ..

..*.*.*.*.*.*.*.*.*.*.*..