عمر كان نايم بالصاله وقام متخرع
شايف كابوس ومتصررررررقع
قام على شهقه طلعت منه ، قعد يسمي ويقرا
دور نظارته ،،
وين راحت
اففف مو شايف شيييييي
افف ، يفرك عيونه وداس شي بريله
نزل وطى و ظيق عينه يشوف شنو ، تلمسه
عمر : ياااااااااااااااااالله وقتها !!
طلع دايس على نظارته والجزاز منطحن من جوتيه
عمر : اففف انا هملت عيني من قلب ماشوف شي
عمر كان النظر عليه صعب يشوف الاشيا مضببه وصعب عليه يشوفها بوضوح ..
عمر : اففففففف الساعه كم وينه جسوم يعني اليوم يوم صج ابيه محد يالله
انسدح عمر وعينه وهو فاتحها تحرقه ..
غمضها وانتظر جاسم ..
جاسم جاه بعد نص ساعه
طق الباب
تم كالعاده يدق بالجرس والثانيه بيده يدق الباب
عمر فتح الباب وهو ماد يده يزنطه : ها ها ها فتحت فتحت نعم خير هلا اركد
جاسم : هههههههههههه هلا هلا بوسسسسعوووووووود حبيبييييييييي
عمر : جسوم ادخل تراني مو شايف شي
جاسم : اوله ليش ، أي صج وين النظاره
عمر : دش انثبر
جاسم : مشكور والله تعرف اصول الضيافه ياصبي
عمر : جسوم ابي عوووووووونك ياخوي
جاسم : سم افا عليييك ، عيوني لك ماتغلىىىىىىى عليك حبيبي
عمر : جسوم بس ودني محل نظارات انكسرت نظارتي وانا خير شر ماشوف
جاسم : افا علييك حاظر من هالعين قبل هالعين
عمر : بس يقدر يخلصها لي بسرعه !
جاسم : يوم يومين
عمر :لا ضروري عشان الجامعه
جاسم : والله مادري يمكن عندهم شي جذي نروح نشوف
عمر : يالله خير ، مشينا؟
جاسم : زين ريجي ناشف أي شي
عمر : يلا روح ناطرك
راح جاسم وفتح الثلاجه كلها حمره هههههه كولا خذ كولا وفتح القوطي
جاسم حذف وحده على بطن عمر : كولاة الهنا ياعمر
عمر: هههههههه دام فضلك والله
جاسم : أي كولتي هاي يلا مشينا
عمر : بووووو نسيت نسيت نسيت جسوم
جاسم : شنو
عمر : جايب سبير
جاسم : زييين وفرت علينااااااااااا
عمر : صج انك حمار
جاسم : ماعليك زود
عمر : بس تكفى ماشوف افتح الكبت وجيبها
جاسم : حاظرر بس امش وياي
عمر : اوكي يلا
فتح جاسم الكبت ولقى نوت سودا باسلاك شكلها مب للجامعه
انقطع قلبه الا يعرف وشو ذي
جاسم : شهالدفتر ؟
عمر : أي واحد ؟
جاسم : الاسود
عمر (هااااااااااا ،، جره من يده ) : لا هاااي البومي
جاسم : زين هاته بشوفه
عمر : لالالالا صور اهلي ماقدر
جاسم : زين زين وينها النظاره
عمر : مادري فتش بتلاقي قوطي نظاره
لقاها جاسم فتحها ولبسه النظاره
جاسم : يااشيخ كشخه كشخه
عمر : ههههههههههه
جاسم : بالله عليك هاي البوم تجذب على منو هات اشوف
عمر : صددقني البوم خلاص يلا خل نطلع
جاسم : اشك فيييييك
عمر : شك كثر ماتبي
جاسم : زين انا جايب هوم ووركي وياي
عمر : بعددي تبيني اسويه انشالله
جاسم : لا بس ابي اخلصه قبل لانطلع
عمر : وشو اللي عندك ؟؟ (وهو يخش النوت ويسكر الكبت)
جاسم : ريبورت كيميا
عمر : اوله يالله ياالله فالمطعم سوه واحنا نتمشى ولين ردينا يلا يلا
جاسم : أي رحال انا
عمر : أي عيل ليش سموك جاسم
جاسم : مادري؟؟
عمر : لانك رحال
جاسم : أي صح يمكن !
عمر (صج انه ثور) : يلا امش خل نطلع
طلعوا وعمر يقفل باب الشقه وجاسم ينقزه
عمر : ها ها شفيك ؟ (لف عمر وشاف ريما) ؟؟؟؟؟؟؟؟؟ ؟ شنو !!!
جاسم : كاهي البنت
عمر : أي بنت ، شفيها
جاسم : تصدق ياخي بكفخك
عمر : خلصنييييييي انت بعد
مشى عنه عمر وريما مع غاليه يسولفون فآخر الممر
لان هم خذو شقتين الثانيه فيها البنات يتجمعون ساعات ،،
عاد جاسم يبي يستعرض صرخ : يالخاااااااايس ابي قلم
عمر دخل اللفت وسوى له باي
جاسم بصوت واطي : صج انه نذل لا وقفل الشقه
اتصل لخالد يبي يسأله عن شي لانه هو يعرف فامريكا
عمر : هلا هلا ياماخذٍ كل الغلا
خالد : ههههههه هلا حبيبي
عمر : شحالك ؟
خالد : طاب حالك انت شمسوي
عمر : الله يسلمك ، خالد الشيخ بغيت اسألك رفيجي يبي ياخذ له شقه وين احسن له ؟
خالد : خل ياخذ معاك
عمر : الشقق كلها ساكنينها مافي وحده فاظيه
خالد : شوف حبيبي انا الحين بتصل لهم وبعطيك خبر
عمر : ماتقصررر حبيبيي خلاص ناطرك
خالد : ولايهمك حاظرين يابو سعود
عمر : يالله يالغالي فمان الله
خالد : الله يحفظك
وسكروووووووووو
نزل ولقاه يوقف التاكسي راح وزرده عمر تصرقع عباله حد يبي يبوقه
عمر : جسوم يالجلب
جاسم : هههههههههههه عشان تتوب
عمر : شسوي فيك شتبي فيهم انت مينون؟
جاسم : يبا من صجك خنتونس شووووووي
عمر : طير بس طير
جاسم : انشالله امسك هاك (عطاه الدفتر يستعد عشان يطير) ..
عمر يبوس يده : حمدلله والشكر ، يارب انك تثبتنا
جاسم : آمين
شوي الا غاليه وريما وعاشه نازلين وهم منغمرين فسوالهم وظحكهم ..
جاسم : وررررررربي حلوه
عمر : تف عليك زين
جاسم : شوفها الوسطيه (يقصد غاليه) ..
عمر : استغفر الله العلي العظيم
جاسم : تكفى بس نستعبط ونرد
عمر : انت شفيك اليوم شارب شي؟
جاسم : مادري ، عمور جد عجبتني البنت
عمر : روح لها (وصل التاكسي ) ، وانا تعرف وين تلقاني
جاسم : استغفر الله العلي العظيييم
عمر ركب التاكسي وركب جاسم ورا ..
عمر : وين تبي تنجلع ؟
جاسم : اممممممممم وين نروح يعني شبستان ولا تيك آوي !!
عمر : لا بيتنا كيكيكي ياكرهي
جاسم : زين خلاص ماكدونالز
السواق : Oh very good choice MacDonals
جاسم من قلب عجبته غاليه ..
قعد سرحان ولا يبي يكتب تقريره
عمر : بووه ياللي ورا وصلنا !!
جاسم : ادري بس استعبط
عمر : يلا امش
نزلو وراحو طلبو وجاسم راح حجز الطاوله
عمر : انت شفيك من صجك جسوم
جاسمم : والله من قلب حلوه البنت بعدين مادري شلون
عمر : تكفى يكون حبيتها
جاسم : شعرفك بالحب انت؟؟
عمر اهتز من كلمته ،، انا؟؟ انا شعرفني ؟ انت لو تدري عني حنيت لحالي
انصدم من كلمته وزعلته بس مابين له ..
جاسم : آسف عمور ماقصدت
عمر : لا ماعليك
جاسم : الا صج عمور انت حبيت؟
عمر : ليش هالسؤال
جاسم : لقافه وطمع في سيرة عمر الذاتيه
عمر الحزن رجع سكنه مره ثانيه ورجع طاري غلا عليه غمض عينه يشوفها بعيونه
" عمر الحزن مايلبس ثيابٍ جداد ×.×.×. مثل الهجير مايعرف انفاس البراد "
لو شسويت ياغلا لو رحت لآخر الدنيا ماقدر انساج انتي بدمي
جاسم : مارديت علي
عمر : واذا كان جوابي أي؟
جاسم : وينها ومن هي وابي قصتها
عمر : واذا كان لا ؟
جاسم : الله يرزقك
عمر : هههههه اجل خلاص No need 2 tell You
جاسم : لا جد عمر مو مأمن فيني؟؟ ماتبي تقولي تراني اعتبرتك اخوي
عمر : لا افا عليك ياجويسم شهالكلام عزييز وغالي
جاسم : عيل قول
عمر : اذا أي تريحك ف إي
جاسم : ياعمر بلا تفلسف ،
عمر : هههه خلاص انشالله ، أي حبيت
" مع ان عمر ماكان يبي حد يدري بقصته مع بنت عمه ، مايدري ليش " ..!.
جاسم : ويلي ويلااه ، عملني قولي
عمر : حبيت بنت عمي .
جاسم : حبيت ؟ ليش هديتها؟
عمر: لا يبا ، آآخ لو علي مافارقتها دقيقه ، بس خساره صارت لغيري ( بألم واضح عليه) ..
جاسم : شلون قول السالفه كلها عمر
عمر : لو اتكلم من اليوم لين باجر ماراح اوفي احلى فصل عشته بحياتي وبعمري وبعيشه حتى
جاسم : زين وينها هي الحين ؟
عمر : بقطر صارت مرت اخوي ..
جاسم فتح عينه : مرتت اخووووووك؟؟؟؟؟؟؟؟؟؟؟؟؟
عمر : أي مرت اخوي ليش مستغرب بالعكس مستانس لهم
جاسم : زين شلون ، انطق
عمر : اخ ياجاسم ، انا حبيتها حيل ، حبيتها اكثر من عيوني هذي اللي هي عيوني " قصده غلا عيونه وحب غلا اكثر من عيونه" ، حبيتها وحبتني وكنا صغار بالثنويه ، كنت دومي اتحرش فيها ، اغازلها
بس صدقني هذا اسمه الحب العذري واكيد فاطن انت بهالشي ، يعني مالمستها الا مره وبالغلط ، "يظحك وعيونه تلمع " ههه كانت تموووت على صوتي كله تقولي غن غن تخيل حتى اني وعدتها ان كل كلمه اغنيها تكون قاصدها فوجودها او فغيابها ، وانا لين الحين على وعدي كل كلمه تطلع من لساني لها ،
هي كانت يتيمه عمي ومرته توفو عنها وهي ام اشهر رادين من العمره ، ربت اول شي عند اهلنا بالكويت وبعدها ردت هني فبيت ابوي العود وفجأه بمبرر غير مقنع ابوي خذها يربيها وسط شباب 2
مادرينا ليش ولا حد قدر يفهم ليش انا كنت مدمغ قبل لا اشوفها مادري ليش حتى الحين من اذكر حالتي قبل لااشوفها احس هبل مطفوق ماعرف شلون اوصفها لك ، من دخلت حياتي وكل شي تغير فيني
كنت كسلااااااااااااان بالمدرسه ومن عرفتها صرت احب ادرس عشان اخلص ثنويه واخطبها بسرعه
هي عكسي كانت هاديه حيل وفحالها مسالمه مع أي حد ، شاطره و ذكيه تحفظ كل شي بسرعه
كل شي فيها كنت اشوفه حلو حتى اذا غلطت احس ماغلطت ماذكر فيها عيب .
اخوي خالد اللي صار ريلها الحين كنت اموت عليه تعرف شنو اخوي عندي بالدنيا كلها
لو اخسر كل شي المهم اخوي مستانس المهم يظحك مافي شي مكدره
كان اخوي عندي شي ماقدر اوصفه لك لان مافي كلمه توفيه
كان مستحيل يمر يوم وماقعد وياه اسولف ونستعبط تعرف انت (جاسم كان مندمج حد الاندماج معاه)
المهم أي اقولك سالفه صارت ههه تظحك بس من اذكرها يعورني قلبي
رحنا مزرعتنا وكان عندي بيت خشب فوق بالعلالي يعني وديتها له
جان تنسى عمرها بالرسم وتطيح مره وحده على الارض بس اشوى اخوي خالد مسكها
جاسم : وشصار فاخوك وشصار فيها؟
عمر يكمل : لا هي ماصار فيها شي بس طاحت تصدق نقيش ههه على يد اخوي تمام
هور تعورت ايده شوي
جاسم : كمل
عمر : اييه شقولك ، بس بعدها خلصنا ثنويه وتجرأت رحت جبتها من المدرسه
وكلمتها وقلت لها كل شي سافرنا وردينا وامي اللي (كانت) تعزني وانا ولدها جني الوحيد ماعندها غيري
تخيل شكبري رجال طول بعرض اقولها ابي بنت عمي تقولي اصلآ خاطبينها لاخوك
واخوي خالد كان يدري اني احبها وابيها وماكان فقلبه شي لبنت عمي غير اخوه تعرف شنو اخوه
يعني لو تغيب اسبوع عنه عادي مو متأثر بيتعود على الوضع
ولما قلت له السالفه هو من نفسه انصدم وعصب
الله يسامحها على اللي صار فيني كل هاللي فيه منها "امه قصده"
صحت تخيل عليها لين راحت عيني
تخيل زفيت اخوي على حبي وباركت
ااخ صار كل نفس اتنفسه يحرق صدري من ذاك اليوم لين هاليوم
اانا تعلقت فيها بشكل جنوني احس ماعرف شقولك ، بس اللي اعرفها اني احبها حيل
جاسم : وشافتك قبل لا تسافر ؟ كلمتك ودعتك يعني
عمر تنهد : الا واشيب عيني(يمسك عينه) يوم قالو لي فامان الله
جاسم لم رفيجه : ماعليك ياعمممر وانا اخوك تنساها والله يهنيها بس ياخوك مايصير
بالشرع حرام تفكر فيها وهي على ذمة حد وهالحد اخووك ، حرام ياعمر
عمر : ادري ياجاسم انا جاي انسى ، المهم خلصت عشاك نمشي؟
جاسم أي والله تمدد ورفع عينه انصدددددددم !!!!!!!!!!!!!