نروح لعمر بن سعود شوي ..

تذكرون كلام الدكتور لابوه !.!.!

لما قال له ولدك شوي شوي بيفقد البصر !

عمر كان قاعد بالدوام وعيونه تحرقه ..

سمى بسم الله وفصخ النظاره وقعد يحكهم ..

عمر يصاصر جاسم : جسوم والله ماشوف

جاسم : مب وقتك عمور

عمر والله ماجذب عليك

جاسم : شفيك من شنو

عمر : مادري

جاسم : زين مابقى شي انطر

عمر صرخ : اقولك ماااااااااااااااااااااااااااااااااشوف

القاعه كلها صخت والاجانب على وجيهم علامة استفهام ( ؟ ) ..

جاسم : اسكت بس فظحتنا ، خلاص بطلعك

استأذن من الاستاذ وطلعه ..

عمر : ااااااااااااااااي والله ماشوف جسوووووم عيوني حااااااااااره

جاسم : بسم الله عليك ياعمير شفيك .. !

عمر : مااااادري الله يخلييييييييك لاتخليني

جاسم : افا ياعمير

سنده جاسم عليه ووداه للعياده اللي فالجامعه انقلوه للمستشفى ..

وقالو لجاسم ان عمر صار من المكفوفين

هزه الخبر كيانه كله ..

قعد جاسم على الكرسي وهو منصدم

عمر!! عمر يصير جذي؟ ليش شفيه من شنو

معقوله من بنت عمه؟؟

دخل عليه جاسم

عمر : لاتقول شي انا ادري

جاسم حط ويهه فيدين رفيجه وتم يصييييييييح

عمر يهزه : لا جسوم لاتصيح هاي قدر ومكتوب ليش تصيح انا اللي مبتلي مب انت

انا ماعادت تفرق وياي ياجاسم لو اخسر روحي صدقني خسرت اللي اغلى منهم ،

ماتفرق ياخوي ماتفرق ..

جاسم صار يشهق فكفوف رفيجه

جاسم : والله ياعمور انا حبيتك حبيييييييتك واغليتك وكانك تبي عيوني وراسك ماتغلى

عمر : والله من طيبك ياجاسم بس انا كنت حاس ، خلاص انا باجر بنزل قطر

جاسم : لا ياعمر ودراستك

عمر : مب هادها بس هذا التيرم الثاني باعطل وبرد ، مشتاق والله خلني انزل قطر

دامني حي ، اليوم عيوني يمكن روحي باجر

جاسم : بعييد الشر ياعمير لاتقول جذي



على المغرب نزل جاسم وحجز تذكره له ولعمر للدوحه ..

جاسم صار لزيم عمر من هالحادثه وين مايروح وياه ..

مايخليه دقيقه وحده ..

بعدها باسبوع جاسم كان يطلع لعمر ملابسه عشان يلبسون وينزلون لقطر ..

عمر : جسوم طلع لي ملابس سودا ..

جاسم : ليش

عمر : بس ابي اسود

جاسم : انشالله

طلع له بنطلون اسود وقميص اسود

لبسهم عمر وعطره جاسم ومشط له شعره

جاسم كان قلبه معوره على رفيجه

عمور اللي امس يشوف ويطالع ويكاسر بعينه

الله يالدنياااااااااا ..

لبس عمر نظاره سودا ومسك فرفيجه ونزلوو ..

وصلوا للمطار وخلصوا الاجرائات اللازمه