اليوم الثاني ..

عمر قرر انه يتم فبيت اخوه مايبي يقعد فالبيت العود لان محد عنده

طلب من خالد يوديه لربعه وخالد ماقال له لا وقال له لاتمر على ربعي بيوصلوني

خالد تطمن لان شغله اليوم مطووول ..



تركي : انت جنيت رايح تنساها شوف شصار فيك ارتحت؟؟؟

عمر : أي مرتاح اصلآ والله والله ماني متظايق وزعلان مثلكم صج انا ماشوفكم

بس احسكم ، ادري انكم متظايقين من اللي صار لي بس انا مب فارقه عندي

خسرت اللي اغلى من عيوني ، خسرت اللي كانت عيووني

تركي : عمير بسك من هالكلام المره على ذمة اخوك وحامل منه مايجوز اللي تقوله

عمر : خلني اطلع اللي فقلبي ياتركي ، انا ظنيت اني بقدر انساها بس ماقدر اجذب على روحي ..

تركي : تعوذ من ابليييس ياعمير ..

عمر : اعووووذ بالله منه الف مره ..

عمر المسكين ظن ان الحب وهو بعيد من اللي يحبه ممكن يتلاشى !!

مادرى انه بالشوووق يزيد ..

ظن انه اذا سافر نبع حبه لغلا بيجف ،، بس صار العكس

نبع حبها تفجر ، شكثر يحبها بس حسافه هي مو له ،،

عمر كان منسدح وقاط النظاره وربعه يلعبون ويسولفون وياه

وواحد مستعبط قاعد يلعب فراس عمر .

عمر : احمدوه هد شعري

احمد : الله يخليك لالا انا احوشه عن عيونك الله يسلمك عشان مايخرب الشوف

الشباب كلهم التفتو على احمد ووجهوا له نظرات يلومونه على كلامه

شهالقنبله اللي قطها

احمد حط يده على حلجه

احمد : آسف عمير والله ماقصد

عمر :

كيف اشوف .!.
وانا يلبسني العمى ؟؟
حيره وخوووف !!

احمد يبي يغير الجو .. :

كيف اشوف
والهوى قيدي وسجاني الظروووف ..؟


عمر : لا هذي لبوتريك هو بيفهمها حبيب قلبي

تركي : شنو هي ؟؟

عمر :

أمووووووت أنا في حبهم
(يمسك عيونه)
وارخص انا عيوني لهم

تركي : والله ماقول الا بختهم .


عمر : زين يلا من بيردني البيت

تركي : حناااااااا لهاااااااا ههههههههههههههههه

عمر : هههههههههههههههههههههههه يلا فز

تركي : شوفو يالخياس بخليكم وبرد ان عسعستوا ولا سويتو شي اجلفعكم بره

الشباب : يجي منك ا ك ث ر

تركي : شلون م ل ق ي ن

عمر : هههههههههههههههههههههههههههههههههه

ركب تركي عمر السياره وسكر الباب

ركب ومشوا شروا عصير على الدرب من المعصره وهم يسولفون ويظحكوون

تركي : وعايش مع خالد ومرته يعني ماتبي تحول

عمر : لا والله ، جم اسبوع وبرد

تركي : لاا شدعوى

عمر : والله شسوي ابي اكمل الكورس كله

تركي : يالله بالتوفيق يالغالي بس لاتقطعنا

عمر : لا افا عليك فبالي لو ماسألت شدعوى ..

تركي : الله يخلييك

وصلواا للبيت ونزله تركي ..

رنوا الجرس وفتحت الخدامه الباب

وصله تركي للصاله وغلا كانت فوق شافتهم مانزلت ..

خلاه تركي فالصاله وودعه وراحو

عمر : منو فالبيت ؟؟

الخدامه : MR. Khalid Not here

عمر : فطينه عيني عليج بارده اسأل منو فالبيت تقولين خالد محد والباقي وينهم ..

غلا وهي نازله من على الدرج : هلا عمر

عمر انتشى قلبه من زمان كل مايسمع اسمه على لسانها

يحس النبض بقلبه يتلخبط ويعور قلبه: اأأا،،،،،هلين هلا ببنت عمي

غلا قعدت : شخبارك ؟؟

عمر : الله يسلمج انتي شحالج

غلا : طيبه الله يسلمك

عمر : وينه خالد

غلا : خالد فالشغل

عمر : ومتى يخلص شغله ؟؟

غلا : لا مطول ،، على الخمس ونص ،، ست ، يخلص

عمر : اها ..

غلا تبي تشيل التوتر من الجو قبل لايزل لسان حد منهم

عمر : شلونج غلا؟؟

غلا(ها!) : طيبه ..

عمر : شخبارج انتي وخالد

غلا : حمدلله مافي احسن منه بوفيصل ..

عمر قلبه عوره ، ليش ياربي اللي يصير فيني انا ماسويت شي فدنياي ضر غيري

عمر : الله يهنيكم انشالله ، ع البركه يقولون 2

غلا : هههه الله يبارك فيك

عمر : غلا تدرين اني تعبااان

غلا : سلامتك ياولد عمي ، من شنو تعبان ؟

عمر : ظنيت اني لو سافرت بنسى ، بس مادريت ان بعد هالمره تفكيري خاب مثل اللي قبله

غلا عرفت شيقصد وماعلقت ..

غلا : عمر ، ياولد عمي ، احنا كنا صغار بوقتها ، واللي يعافيك خلني اطلع من اللي انا فيه

انا قبل لاتجي اسأل الكل عني ، حالتي متدهوره من موتة عمي

كفايه موته وحده لاتغثني باالاكبر منهاااااا

عمر : لاتقولين جي يالغلا ، عمري ماغثيتج ولا ابيلج الغثا ، لكن انتي الوحيده اللي قلبي لها ينشرح

اقولج كل شي جني اكلم عمري سمعيني وطنشيني يمكن اذا طلعت اللي فيني ارتااح

كفايه عيوني راحة لج

غلا نزلت عيونها وهي تدمع ..

غلا :خلاص ياعمر اذا انت تشوف ان الذنب ذنبي الله يسامحني ، بس من الله مايجوز للي تسويه بعمرك

وبحياتك وبدنياك ، انا صرت لغيرك ، اسمعها ، لغيرك تكفىىىىىىىىىىىى افهممم

اذا تعبان مره انا مليووووووووون مره ، تعبت ومت لكن شفت ولاشي بينفعني

انا جذي انكد على عمري وانكد على غيري قاعده اذبح روحي بالحيااا ، لييش؟

ان ذبحت عمري شي بيرد مثل قبل؟ لو اشوف روحي تطلع ماشي بيرجع اللي كااان

لو دموع عيني ترجع اللي راحو جان شفت امي وابوي عندي

لو ماااااي عيني هذا يرد الغالين جان عمي ويااااي مافارقني

لو و لو لكن اللي فبالنا اصعب من الحجي السهل

،، انت طول عمرك تسمع لكلامي ..

لاتردني بهالشي انساني ، وان كانت صعبه عليك ، اعتبرني ........ ،، ا ، اختك ..

عمر مسك قلبه منصدم : اختي؟؟؟؟؟؟!

غلا : أي اختك وانا حاظره باللي تبيه

عمر : بس انااا ، انتي اول وحده اول بنت اشوفها تحبها عيني

تسكن قلبي ، انتي حبي الاول

غلا قطعت كلامه وهي متنرفزه

غلا : انا كنت فيوم وخلاص انا ماقدر اكمل اللي بينا ياعمر خلااص الله يخليك

عمر ظااااااقت فيه الدنيا : الله ، والله دنيا ..

غلا ماعلقت على الموضوع وقعدت على الكرسي ودموعها تطيح

( غلا و عمر صغار ومشاعرهم لين الحين مو مصقوله مثل مشاعر خالد

مشاعرهم توها تكبر توها تحب .. ماعرفت شي من الحياه ..

كل شي يجربونه اول مره بحلاوته وبصعوووبته ..

غلا قدرت انها تتجاوز هالشي بسهوله لان خالد وياها

لكن المسكين عمر من معاه؟؟؟

لا اخ ولا اخت ولا ام حتى .!. )