# الحلقه 5 ؟ اجملل حلقه للآن - وجد زي مَ قالت نهى إنتظارنا ابداً مَ كان ع الفاضي # القتال اخخ ي القتال شي فخخخم - شي جمميلل - شي ممتع للمشاهده , كنت اتمناه يطول اكتر بس معليه دوغ كان منافس لنيك وكان مبهر وسريع جداً - زي مَ قولت قبل إزا نيك اخد العقار هوا الي حيفوز ونقدر نقول إنو فعلاً نيك هوا الي فاز لولا تدخل جينجر دي # المثير للإهتمام إنو نيك كان يقاتل دوغ وهوا اخد عقار ليزيد قوتو بينما دوغ مَ اخدو بس مع ذلك كان ينافسو ويجاريه بأغلب الأوقات ومَ إنهزم إلا فالنهايه تقريباً - اكيد دوغ شخصيه قويه بس مَ توقعت يكون قوي لهالدرجه ومن دون مَ يستخدم العقار # معرفتنا لِ التلات قوانين ونقابات التوايلايت هما اكتر شي إتحمستلو وخلى فيا فضول اكتر لحتى اعرف عنهم كل شي - وكيف يعاملون التوايلايت # إستغفر الله يارب - مَ قهرني إلا جينجر والقائده الي معها كيف يتركو فرد منهم وراهم بهالشكل بعد مَ خدروه مدري ايش حتى عملو فيه الكلاب لإن إزا مَ تركوه ؟ وريك مَ كان حيضطر يرجع يأخدو وبالتالي مَ يضيع وقت ويقدر يلحق عَ أليكس - يلاهه معليه - قود جوب فروم وريك , احسن من غيرو عَ الأقل شي تاني : مو نيك كان يحاول يحمي مونرو ؟ يعني هنا كان يطبق القوانين التلاته ؟! ليش لحتى تطلق عليه هوا كمان العفنه دي , قهرتني بشكلل # بالنسبه لأليكس هيا وحدا من الإتنين : 1- يَ إنو البت جالسه تهلوس ودا الي تشوفو هيا نتائج لحالات الصدمات الي كانت فيها والدكتور ثيو راح لعندها عَ اساس عادي يعزمها او يأخدها معو لعيادتو او اياً كان 2- يَ إنو بطريقةٍ مَ , البت مَ بتهلوس والشخص الي قتلتو مازال عَ قيد الحياه لكن عندو " إعاقه خلقيه " ولو إني استبعد هالشي بما إنهم قتلوه مرتين واطلقو فيه عشرومية طلقه !! بس للأمانه ؟ انا الي جالسه اتفرج عَ المشهد الأخير من وراء الشاشه إترعبت كيف كان يراقبها اول حاجا من برا وبعدها بدأت تسمع صوت خطواتو كل مالها تقرب خليكم من خوفي ونا اتفرج - بس دحين ونا اكتب ورجعت إفتكرت المنظر خفت والله فما بالكم بالمسكينه أليكس وهيا فِ قلب الحدث - يَ ساتر يارب # متحمسه للأحد الجاي - ايش يصبرني ليومها ؟ + # نهى - للأسف مَ فهمت أي حاجا من كلام مونرو مع وريك مع إني اشوفو مهم مدري حسيت الكلام مش مفهوم ياخخ = > تبرر لنفسها إزا اي احد فهم المحادثه دي - خليه يشاركنا بالله الوضع مستعصي هنا :hehehe: