عيون العرب - ملتقى العالم العربي - عرض مشاركة واحدة - * هذا العالم خاطئ - نَقاشْ مانجا Tokyo Ghoul -

**N A D** · #**133** 08-07-2015, 06:02 AM

#

اقتباس:

اي أنا كمان كنت أكرهه بس مو كتير لأنو كان عنده لمسه حلوه عالمانجا مدري بس كتير يضحكني أحيانا خصوصي لما صار مجنون تماما بأكل كانيكي كمان أنا أظن انه حتى بالبداية كان شوي طيب يعني صحيح يحب ياكل و ما تفرق معه بشري أو غول المهم نكهة جديدة حلوة و لذيذه بس كنت أحس انو قلبه طيب مثلا لما راح شرب قهوه مع هينامي أنا لما طلب منها تروح معه للمكان اللي كان كانيكي يروح له قلت رح يأكلها بس طلع طيوب وجلس يحكي معها و علمها كلمات كمان
مدري ادا كل الوقت كان يشوفه كوجبة بس ، لكن المهم انو قلبه صار أبيض الحين
أظن انو هالتغيير كله لأنه اشتاق للماضي و لذكرياته مع كانيكي و الأنتيكو و شاف انه كان سعيد معهم ، كمان يمكن تأثر بكل اللي عمله كاناي و باقي الخدم من أجله و قرر عالأقل يرجع لهم شوي من جميلهم بس يا جماله بهالتصرفات الحلوة بس

# معك حق - تسوكياما دايماً بيضيف لمسه حلوه بظهورو فِ المانجا
وفعلاً لما صار مهووس بكانيكي كان نكته بإختصار وكوميديا مالها حد
احب دخلاتو المفاجئه ولما يجلس يدخل عشرومية لغه فِ بعض :hehehe:
وحتى حركاتو الغبيه تخليكِ تضحكي غصب

وصح اتفق معك فِ طيبتو نوعاً مَ فِ الجزء الأول
تسوكياما كان طيب جداً مع هينامي ومع إني وقتها كنت اشك
إنو بيستغلها عشان يتقرب اكتر لكانيكي بس مع هالتشابترات ؟
إكتشفت إنو كان يهتم لهم كلهم

ومعك حق تسوكياما واضح إنو إشتاق للماضي ولهالسبب مازال عالق فيه
وفعلاً صار يقدر خدمو كتير لدرجة إنو مستعد يضحي بنفسو عشانهم
بزبط - شوو سان صار شخص جممميللل عَ الآخر

اقتباس:

اي أكيد فكرته رح تفشل لأنو ما في أي سبب يخلي هايس يقبل مساعدة شو
و شو عايش بالماضي و بذكرياته السعيدة مع الكل بس ما جلس و فكر اش حيصير لو رجعت الذكريات لهايس أكيد رح يعيش هايس نفس كوابيس كانيكي و رح يتألم كتير لأنو صار مربوط بين عالمين : السي سي جي و الغيلان و الكل يدري انو من سابع المستحيلات يتوقف القتال بين الاثنين أو حتى يلتقو و هو صار الرابط الوحيد بينهم كونه غول و محقق غيلان كمان
و يمكن حتى يفقد أصدقائه أو يقتلو بعض و هيك رح يصير تعيس أكثر من قبل
فلو يفكر تسوكياما شوي و يتراجع و يخلي هايس يتذكر لحاله بيكون أحسن لأنو هايس عايش حياة لا بأس بها و مو تعيسة مثل ما كانت حياة كانيكي
و كثل ما قلت حتى لو تذكر هايس ماضيه مستحيل يرجع كانيكي اللي عرفه لأنو بهالوقت عنده مسؤوليات أكثر من السابق و في هالوضع يعتبر كانيكي بشريا و غول و محقق غيلان و اجتماع هالثلاث في شخص واحد مشكلة كبيرة
لأنني أراها مثل السلسة الغذائية الغيلان يأكلو البشر و بعدين الغيلان يموتو على يد محققي الغيلان و هاد أكيد مشكله كبيره لأنو عزيزنا كانيكي رح يتألم أكثر من قبل

# كلامك صحيح - سواء كان شوو او غيرو !
بمجرد مَ تعود الذكريات لساساكي رح ترجع الكوابيس والمأساه بإختصار
شخصياً ؟ نفسي ساساكي يستعيد ذكرياتو لإنو حالياً مخدوع بالسي سي جي
ومكانو بين الإنتيكو بس برضو خايفا عليه إزا إستعادها إنو رح ينهار اكتر

صح , من الأفضل ترك ساساكي يستعيد ذكرياتو براحتو من غير إرغامو
- لكن اخاف تسوكياما رح يعمل اي شي لحتى يستعيدها

ايوا بزبط - كانيكي السابق مستحيل يرجع , لإنو حالياً صار يمتلك هويه مختلفه
وهالشي الي شوو مش فاهمو حتى الآن واتمنى يفهمو مع الوقت
لحتى يبطل يتعلق بالماضي للدرجه دي

اقتباس:

اي صحيح بس شفت انو هايس فعلا أنقذ هينامي لأنه حطها بالسجن بدلا من قتلها فكان يمكن يقتلها أو يخلي محقق ثاني يقتلها بس هو طلب اذن التصرف تماما مثل ما عمل أريما وطلب الحق في التصرف و خلى كانيكي حي و غير اسمه لهايس لهيك أقل شي يقدر هايس يعمله هو انه يخلي الغول بالسجن بدل ما يقتله فحتى كبار الشخصيات بالسي سي جي ما لهم حق يخرجو الغيلان من السجن و اد شو بده ينقذ الغول لازم يلجأ عالأقل للأوجيري يعني هم سبق و طلعو غيلان من السجن و هيك رح يطلع 2 من معارفه الغول و هينامي كمان و بنفس الوقت يربح أعضاء الأوجيري و يسترجعو هينامي .. هيك كان لازم يتصرف مو يلجأ لهايس اللي ما عنده قوه في هالموضوع .
أصلا هايس ما بده يتذكر ماضيه و لا بدو يصدق انو بماضيه له علاقة مع الغيلان حتى لهيك ..
هالخطة فاشلة تماما .

# هوا انقذها طبعاً وخاطر برضو وكذب عَ اريما عشانها بدون شك هايسي قدرها
لكن قصدي إنو لو هايسي رح ينقذ شخص من سجن الغيلان " الكوكوليا " ؟
من الأولى تكون هينامي مش يوما

وزي مَ قولتي شوو كان من الأفضل لو إنو يلجأ للاوغيري
بمقابل إعطائهم مبلغ كبير من المال لإنو زي مَ شفنا فِ بداية ارك المزاد
كيف إيتو قالت لأياتو إنهم رح يشتغلو عند البيغ مدام ويحموها لنهايتو
بسبب إنها توفر لهم مبالغ كثيره - ودا دليل إنو الأوغيري مستعده تشتغل
عند الغيلان إزا كان المقابل مبلغ مادي كبير لإنهم يحتاجون للمال
وبما إنو شوو ينحدر من عائله غنيه ؟
كان بإمكانو يستغل هالشي ويطلب مساعدتهم بس هوا غبي

فعلاً هايسي مالو لا حول ولا قوه فِ السي سي جي
- مدري شوو ايش شايفو الرئيس الأول للشركه مثلاً !!
اتمنى بس مَ ينحط فِ مشاكل بسبب تهور شوو

اقتباس:

اي ، بالضبط هاد قصدي مدري اذا كانت الفكرة منطقية بس مثل ما نعرف دائما تكون الشخصيات في المانجا و الانمي مترابطة أو عالأقل في أغلب الأوقات و لو الرابط يكون صغير و بعيد جدا
و هو عندنا احتمالات كثيرة س أنا أرجح :
- اما أن سلسلة التعذيب ابتدأت من شخص غير معروف سواء كان غول أو محقق و يمكن حتى يكون صار لشخص منهم مثل ما صار لكانيكي و صار وحشي و هيك ..
- أو تكون السلسلة ابتدت من كيجيما و ماضيه و هاد منطقي كتير فمثلا جوزو و بسبب ماضيه الوحشي ما صار يفرق بين الصديق و العدو و الأولوية عنده يقتل الغيلان و لهيك صار محقق غيلان و نشوف هالشي في قتاله مع التوأمتين بالرغم من انهم كانو أصدقائه فما اهتم و هاجمهم بس لأنهم غيلان فأكيد لكيجيما ماضي وحشي كتير و ممكن كتير لهالشي علاقة بالتشوهات و الأطراف المفقودة عقولتك و مو ممكن بل أكيد 100 / 100 لأنو من يوم شفناه شكله هيك و كمان في هالبارت قال انه ما يهتم لحياته لأنو مو جميل و هيك شي لهيك أظن انو صرله كل هاد بطفولته لما ما كان قادر يدافع عن نفسه.
-أو أن السلسلة ابتدت من توكاجي الكريه اللي كمان أشوف انو عنده ماضي لأنو أصلا العنف يكون سببه مرض أو ذكريات من الطفولة .

معك حق ان شاء الله يموتو و نخلص منهم بس و يحصل كانيكي عالسعادة أخيرا لأنو لو كانت النهاية تعيسة و مع اني ما أتمنى تتنتهي هالمانجا بس رح روح عند إيشيدا و أعذبه بنفس طريقة جيسون و توكاجي و كيجيما

# اتفق معك 100% هنا - مَ عندي إضافات مَ شا الله مَ خليتيلي مجال اضيف اكتر =$
ويارب يسمع منا عَ الدعاوي الخاشعه الي بندعيها - ويارب لو لمرا وحدا بس
نشوف كانيكي سعيد منجد ومش يوهم حالو - لإنو جدياً يستاهل السعاده

اقتباس:

يمكن معك حق لأنو شيرازو أبدا مو هيك بالعكس هو كتير حساس لكن ما أظن ايشيدا يعمل لنا شي من دون سبب فالكل يعرف انه مره دقيق في كل شي و أي شي يكتبه أو يرسمه له سبب عالأكيد فيمكن كان بس يتسائل عن رأي هايس أو طريقة تفكير باقي من في السي سي جي مع اني ما أظن هالشي بس كنت عم فكر كتير و اجتني فكره
انو أكيد في شي ما نعرف عن شيرازو يمكن له ماضي هو كمان لأنو تذكر شي حسب ظني لما قالت له الغوله اللي قتلها انها كانت تبي تكون جميلة و بس فأكيد له ماضي أليم هو الثاني يعني ببساطة في هالمانجا الكل يعاني الشرير و الطيب ما يهم المهم كل شي هون معاناة
في احتمالين الأول انو بدأ يتغير يمكن بسبب ماضيه أو انو الحمام أثر فيه
و الاحتمال الثاني انو ما قصد هالشي و قصد شي ثاني مخفي خلف هالكلام القاسي

# فعلاً شيرازو إنسان حساس يدعي القساوه
ومن ناحية ماضيه هوا فعلاً يمتلك ماضي مؤلم برضو
و عانى من طفوله جداً صعبه , تقريباً عرفنا من تشابتر 13 إنو امو تخلت عنهم وهوا صغير
وفِ تشابتر 34 عرفنا إنو ابوه كمان تخلى عنو وقرر ينتحر برضو وهوا لساتو صغير
+
إنو سبب إنضمامو للسي سي جي وقبوله للخضوع للعمليه كان لحاجتو للمال
فَ شيرازو يبحث عن المال وبشده واكيد فِ سبب مخفي وراء غايتو دي

اقتباس:

اي ممكن بس مع هيك أظن هالشي مستبعد صراحة أنا هون محتارة و مخي وقف من كل هالتفكير و صرت ما أدري شو رأيي بهالخصوص لأنو حتى لو عرض عليه شو الماضي مقابل الغول ما أظن رح يقبل و متل ما قلت كان لازم يلجأ للسي سي جي بهالموضوع .
لأنو هايس ما يبي يسترجع ذكرياته كمان هو كتير يحترم أريما و دائما يحاول يخليه فخور مثل ما لاحظنا و هو خلاه مثله الأعلى بعد
و معك حق فأنا ما فكرت من هالناحية لأنو حتى لو حب يستعيد ذكريات كانيكي كان يروح و يطلب من هينامي تحكي له و بس فليش حتى يتعاقد مع شخص ما يعرفه منيح بينما عنده هينامي و هو صار يعرفها تقريبا لأنه يروح عندها ببعض الأوقات و يحكو حتى لو كان عن الغيلان
صحيح شي مثير للاهتمام هو اللي رح يخلي هايس يقبل فمثلا يقول له عن توكا ؟
أو اللي صار للأنتيكو ؟ أو هيك شي يخليه يحس بالفضول و الحنان للماضي .
اي هاي مشكله كبيرة و السجن تبع الغيلان مو أي سجن فمثل ما شفنا بالجزء الأول حصين كثير و صعبة يطلع منه غول و هو حي و هايس أصلا عنده مشاكل مع الحمام لأنه ما يقدر يتحكم بحاله أحيانا و في كم محقق ما يحبه فمشاكله رح تتضاعف ادا عرفو بخطته لهيك حتى لو عض عليه شو ما أظن هايس رح يقبل أو عالاقل ما أظن انو هاد أسلوب ايشيدا
لازم ننتظر الفصل التالي لنشوف

# فعلاً , هايسي صح إنو قرر يبحث عن كانيكي لكنو مازال خائف من إستعادة ذكرياتو
لإنو زي مَ اتفقنا لو كان يبا يستعيدها كان رح يسأل هينامي عن كانيكي
لكنو عوضاً عن هالشي جلس يقولها إنو هوا مش كانيكي

جت فبالي فكره لما قريت جملتك " مثلاً يقول له عن توكا ؟ "
الي فكرت فيه هوا : شوو لما يزور مقهى ري وبعدها يقابل ساساكي ؟
رح يجيب طاري توكا لكن كَ نادله فِ المقهى ري
وزي مَ نعرف ساساكي بلا شك معجب بتوكا دا إزا مَ كان وقع فِ حبها اصلاً
فَ إزا تسوكياما إتكلم عن الفتاه الي فِ مقهى ري لساساكي ؟
اكيد رح يثير فضولو ورح يستولي عَ إنتباهو بهالطريقه :hehehe:

بزبط زي مَ قولتي , السجن محصن بشكل كبير
وحتى تاتارا قال هالشي لأياتو لما قال إنهم لازم يساعدو هينامي

حتى انا مَ اتوقع إيشيدا سينسي رح يتبع الإسلوب الواضح دا
- برأيي رح يفاجئنا كالعاده بما إنو يحب المفاجئات النذل دا :hehehe:

اقتباس:

اي أصلا مو جايز انو الكوينكيس يلازمو هايس 24 / 24 ساعة يعني لازم يخلصو منهم بس من جهة أخرى أبيهم يبقو معه لأني ما أبيه يتذكر ماضيه و يتألم أكثر

بس أظن انو كانيكي صاحب الشعر الأبيض ما كان بهالسوء صحيح كان شوي وحشي بس بقي كانيكي يسيطر عالوضع لكن الشخصية الحقيقية الي كانيكي دائما حاول يخفيها لأبو الشعر الأبيض كانت تقريب جايسن قصدي انو كانيكي كان دائما يسيطر على نفسه الا في أحيان قليلة فقد فيها السيطرة و سيطر عليه صاحب الشعر الأبيض اللي كان حسب ظني خليط بين ريزي و جايسن .
لكن تبقى شخصية هايس متزنة يعني هو طيب و بنفس الوقت قوي
لازم نتفائل عالأقل نبنول لكانيكي حياة سعيدة في مخيلتنا هالمسكين ايشيدا ما تركه يرتاح ثانية واحده

# انا المشكله نفسي يستعيد ذكرياتو عشان سعادتو الحقيقه
وعشان توكا والإنتيكو بس بنفس الوقت مابا لإني خايفا عليه

كانيكي الشعر الأبيض كان حنون ولطيف وطيب بس مع اصدقائو
لكن مع باقي الغيلان ؟ كان جداً عنيف وقاسي لأبعد حد
كل مَ افتكر شيرونيكي اشوف قدامي المذبحه الفظيعه
الي ارتكبها بحق غيلان المزاد لما كان يطارد مدام A
مع إنهم مَ عملو لو اي شي إلا إنو قضى عليهم جميعاً بلا رحمه
- لهالسبب بقول شيرونيكي بس طيب مع اصدقائو غير كدا لا
طبعاً والكاكوجا شي تاني خالص - فِ دا الطور حتى اصدقاء صعبه جداً يتعرف عليهم

صدقيني من كتر مَ اتأثرت نفسياً بسبب كانيكي , انا فِ مخيلتي ؟
بنيتلو الكتير والكتير من الحياه السعيده الأبديه المليئه بالحب والأمان والراحه والرومانسيه
لدرجة الي يشوف الي فِ مخيلتي يقول المانجا تصنيفها شوجو - رومانس - موي - كوميديا
ومش : شونين - اكشن - رعب - نفسي -دراما - تراجيديا .. :hehehe:

لكن الواقع الي اشوفو قدامي ؟ مش مخليلي اي فرصه لأتفائل والله
منك لله يَ إيشيدا سينسي - منك لله يَ ظالم

اقتباس:

أه ؟ أبدا ما شفته ممكن ما ركزت منيح أو ما تعرفت عليه
ممكن بس أظن انها ما رح تنتقم لأنو عالأكيد ما رح تخلي موت توأمتها يروح هيك و ممكن نشهد لها قتال ضد جوزو بعد فصول .

# هوا فِ تشابتر 12 كان اوضح من تشابتر 31 بس لو ركزتي حتتعرفي عليه
ايوا اتفق معك اكيد رح تحاول تنتقم من جوزو لكن كمان الدكتور كانيو
الي ترك اختها تموت من غير مَ يحاول حتى

اقتباس:

بنورك إن شاء الله نتعرف أكثر من خلال طوكيو غول و بس

# إن شا الله - طوكيو غول يجمعنا دايماً