الموضوع: فخامة اسطورية ~ خلف قناع البسمة جراح لم تندمل ...نقاش انمي Aoharu x Kikanjuu 2015
عرض مشاركة واحدة
  #116  
قديم 08-09-2015, 03:13 AM
 
#







# شفت الحلقه 6
مدري ليش احس إني الوحيده الي إتحمست بزياده وشافتها علطول
عموماً الحلقه كانت جميله خصوصاً فِ النصف الثاني منها





# للأمانه كنت عَ اعصابي بعد مَ ميدوري قابل ماتسون - يالله قديش ماتسون خايف منو !!
حسيتو وكأنو طفل قدام ميدوري صراحه , التغير الي حصلو مفاجئ خصوصاً إزا افتكرنا
كيف كان متحمس للبطوله وكان يقول إنو رح يفوز فيها
بس بمجرد مَ شاف ميدوري ؟ ماتسون قلب كَ طفل رضيع !!






# جدياً ميدوري حقير بس حقارتو لزيزه :hehehe:
اجل الولد خايف منو ويقولو " إنظر إلى عيني عندما تتكلم "
آهه , عَ قد مَ اشفقت عَ ماتسون وحزنت عليه ؟ بس عَ قد ماخقيت عَ ميدوري ياخ :madry:
- فيسو الشرير وصوتو ونظراتو اخخ ياربي فتتنه


# المهم نرجع للموضوع ..






# إنصدمت من ردة فعل ماتسون يَ جماعه ! لا جدياً عجيبه
يعني هوا مش عَ اساس مشترك تاني فبالطوله لحتى ينتقم
من ميدوري وعشان البت - طب ليه كل هالخوف والتوتر والإرتباك بمجرد رؤيتو لو :waat: !!

احس الموضوع اكبر من كدا صراحه
لإن لما ميدوري قال لماتسون ايش عملت السنه الماضيه من غيري ؟
وكمان لما ماتسون سمع كلامو وبعدها ميدوري قالو ولد مطيع ؟
حسيت وكأنهم كانو مع بعض فِ فريق قبل كدا وكانو اصدقاء وصار بينهم شي
مدري لكن اتوقع بنسبه 99.99 % كان كدا وضعهم = > الواحد بالميه مش متأكده منو :hehehe:






# اوكي كنت متأكده إنو مجموعة ميدوري ومجموعة ماتسون رح يتقابلو
لكن عبالي إنو هالشي حيكون فِ اخر جوله زي مَ إحنا متعودين من أي إنمي
لكن هنا - خلو هاللقاء المنتظر من اول جوله - صدمه صراحه
شي مخيف من اول مبارزه تلعب ضد فائز النسخه الماضيه
يَ إن هالتوي غن غن مجموعة مناحيس !!






# ميدوري عرف حقيقة هوتارو وحاول يلمح لماتسون ويوكي هالشي بس ذكائهم يذبح :hehehe:
واكيد رح يستخدم هالورقه فِ وسط المباراه لحتى يخرج ماتسوكا من جو اللعبه
زي مَ عملها معو من قبل






# يوكي ؟ حتى لو إتكلمت من اليوم لبكرا مَ حوفيه حقو هالشخص
يالله قديش جميلل ؟ قديش خايف عَ صديقو ؟ قديش يبا يفوز بس عشانو
يوكي سان فايتينغ والقلب داعيلك يَ جميلي






# هوتارو , حبيت كيف تتغير شخصيتها وشكلها لما تتعطش للدماء
ملامحها تصير مرعبه بشكلل - حتى الصوت يصير فخخم
اتمنى نشوفها بهالوضعيه فِ المبارزه ضد ميدوري وجماعتو
ولو تكون كدا كل حلقه كل دقيقه كل ثانيه حيكون احسن برضو







# تيم هوشيشيرو ؟
عباره عن فخامه تقطر وتقطر وتقطر
حبيت اللقطه دي , تدل عَ مدى هيبتهم وقوتهم
آمم - اتوقع توي غن غن رح يخسرو ضدهم فِ اول جوله حتى مع وضعيه هوتارو
المتعطشه للدماء - مَ اتوقع إنها حتقدر تعمل اي حاجا ضد 3 من النخبه المعروفين
القتله المتمرسين والي فازوا فِ البطوله لأربع مرات :nop:


# ايش يصبرني إسبوع كامل ؟!

__________________
-


اللهم في كل دقيقة تمر على والدي وهو في قبره
أسألك أن تفتح له بابًا تهب منه نسائم الجنة لا يُسد أبدًا .
........ ....... - سبحان الله , الحمد لله , لا إله إلا الله , الله أكبر
-
رد مع اقتباس