تصوري معي الوضع !

صحيت على الساعة 5 إلى صلت الفجر وظليت قاعدة شوية صحيت بعديها امي واخوي وجهزنا حالنا لنروح على الباصات يلي راح تاخذانا للحاجز يلي بعده راح تاخنا باصات تانية للسجن


طلعنا في سيارتنا على الساعة 6 ووصلنا للباصات على الساعة 6 ونصف

ركبنا الباصات وانطلقنا على الحاجز

وصلنا على الساعة 9 إلى ربع

قعدونا في الاستراحة بدون ما نعمل اي شئ وكمان ممنوع تتحركي من مكانكـ

للساعة 11 !!

تخيلو كم ساعة مضينها بدون عمل شئ البعض قرأ قران والبعض جلس بتحدث وانا بس اطلع بالوجوه !!


بعدين رحنا نوقف على الدور في الطابور عشين يشوفوا هوياتنا وتصاريحنا

المهم بعد ساعة من مرور الحواجز واحنا في الباصات التانية

اخيرا وصلنا للسجن !!

الساعة كانت 12 واشي ؟

بتعرفوا شو كان هناكـ

مساحة صغيرة ما بتغطيها كلياً الشمس ومافي هواء ولا مزكانات ولا هوايات!

وكان هداكـ اليوم من أحر الايام يلي مرت علينا

قعدنا ولا شغله ولا عمله علينا سوى اتصفن ببعض ونحنا بنستنا بأفوجنا

بعض ما وصل الفوج الثاني يلي كنا احنا فيه

دخلت لعمليات تفتيش رهيبة

اول شئ بماكنه بسيطة

بعدين بتصير أدق

والاخيرة لازم تخعلي الحذاء - بعيد عنكم -

وبهاي الاخيرة غلبوني فيها كل شوي وأرن وانا مو عارفة السبب

دخلوني انا وأمي بالاخير بغرفة بتحتوي على جنديتين صهيونتين

لازم يفتشونا بشكل شخصي

بعد هالتفتيشات

بخلونا على غرفة أوسع شوي ننتظر باقي الفوج لنجتمع فيه

قعدنا قرابة النصف ساعة فيه لاجتمعنا كلنا

واخيرا فتحولنا الباب لنخرجع على الغرفة الطويلة إلي هناك لازم نشوف احبابنا وأعزئنا

وبهاي اللحظة حسيت كل تعبي من الصبح انزال واخيرا راح اشوف اخي يلي محرومة منه من 5 اشهر !!

جلسنا نستنا بألاسرى الابطال يدخلوا

طبعاً كل اسير قبال أهله بيفصلنا عن بعض زجاج عازلل للصوت مع هاتفين نسمعع منه

دخلوا وثارت مشاعرنا بهداكـ الوقت

تحدثنا بوقت قصير حسيته فقط 3 دقائق

لكن هو كان 30 دقيقة فقطط

تخيلو

قضينا نهااار من الساعة 5 الصبح للساعة 3 لنوصل للبيت

على شوفته نصف سااعة

هاد يلي بتسمى ظلم !!!

__________________