السلام عليكم و رحمة الله و بركاته
كيف حالك نانا ولله اشتقتلك
و اشتقت لقصتك و لرد عليها
فوتت فصلين أتصور وااااااااااه كتار
و الأحداث فيهم حماس و تشويق رهيب
نجي على الفصل الرابع أول
المطاردة المفاجئة كانت غريبة علي
و صارت بشكل سريع و مفاجئ كتير
و رغم هيك أحداثها كانت حلوة كتير
الشيء يلي لفتني بالفصل الرابع و اعجبت فيه
هو طريقة إدخالك ليوغي و أتيم بعراك يامي ,
كانت سلسة و خفيفة كتير و شعرت أنو هم بيعرفوا بعضهم
و متورطين بالعصابات و القصص من زمان حسيتهم
شلة وحدة من يوم ولدوا و هنن الأن تعرفوا لبعض
الشيء الثاني يلي لفتني هو أنك قلتي أنك مبالغة بالفصل
و أنو بعيد عن الواقع بسبب أنو يوغي كتير ماهر و ذكي بالطب
بس أنت بالحقيقة ما بالغت أبدا تعالي لقلك ليه
أولا ريو هو أخوه و هو طبيب شبه رسمي لذا يوغي حيتعلم منه كتير
و كونه يوغي مهوس بالطب هذا حيخلي منو متابع لكل أخبار الطب و غيره
و كمان فحص النبض و يلي عمله يوغي كتير بسيط و أي أحد مبتدأ بيعلمله
لأنهه من أساسيات الطب البسيط , باقي الاشياء يلي عملها يوغي
ما هي إلا تنفيذ لتعليمات ريو
الفصل كتير رائع لكنك بحاجة للعمل على شحذ مهارات كتابة الموقف الأكشن
لأنك مثلا فجأة تصاوب يامي من العدم و بلا صوت
ما حضرت لجو المطاردين و ما ذكرتي الكواتم و ما ذكرتي بالضبط كيف تصاوب
عدة أشياء فوتيها و هي الأشياء ولدت ثغرات عديدة بموقف المطاردة خاصتك
غير هيك الفصل حلو و كل أعجبني من أوله لأخر
جين رائعة فعلا لكن الله العليم أنت شو ببالك مخططات
شريرة لجين و أنا الأن عندي توقعين لجين
إما إنها تكون سيئة و مخبية حقيقةسيئة عن ذاتها
أو أنها حتموت مع مرور الأحداث
و طبعا أنت أعلم بالأحداث أكثر مني و كل شي منك حلو
.............................................................
الأن للفصل الخامس المفاجئ أيضا
الحلم يلي شافه يامي رائع فعلا و حلو
وصف للأرض القاحلة و الخضراء رائع و أعجبني
لكن يوزان مو مرتاحة له كتير و بنفس الوقت مرتاحة له كتير
أتصور يوغي كان لازم يتصرف بطريقة غير هيك ,
و يمنع يامي بالقوة أكثر , توقعت من يوغي ردة فعل
أقوى
و خصوصا بعد المنظر الشنيع يلي وصل له
جسم يامي و هذا فاجئني كتير كمان و صدمني
لكن الصدمة و قلة الحيلة و المفاجئة بتعمل كل شيء
تفاجئت كمان بوصف للوتس و يامي هههههههه توقعتها تعرف يامي من أتيم
لكنها لازملها نظارة و الشبه بينهم كبير جدا لدرجة تزوغ النظر
أصلا لما تشوفيهم واقفين تلاتهم سوى حيزوغ نظرك
من شعرهم و عيونهم فورا ههههههه لهيك ما لمتها للوتس
إلا أني لازم علمها درس تحفظ حبيبها أكثر هههههههههههههههههه
وصفك لوالدة يامي رائع جدا و أعجبني باينة كتير حنونة و لطيفة
أخر الفصل صادم فعلا و غير متوقع مشتهية
أعرف كيف دخل للغرفة بهل الشكل
و سحب يامي للسكين على نفسه كان فظيع ,
حسنا تخيلت ما الأتي لكن سأحتفظ به لنفسي ههههه و أرى إبداعك
نسيت أذكر لك أعجبني موقف لوتس و الصدفة أنو الغرفة
غرفة أمها لسبب ما زعلت بهذا الموقف أكثر من اللازم
و طريقة مواساة أتيم لها كتير لطيفة و رسمية بنفس الوقت
عرفت تصوريها مزبوط
الفصول تزداد روعة صديقتي و تغير
لكن مع هيك شوي شوي جربي تقوي مهارات
التحضير للمواقف الحاسمة و الحماسية و دراسة المواقف المؤثرة أكثر
غير هيك كل شيء رائع و الحبكة
باينة قوية جدا و مليئة بالقصص و التفرعات
بانتظارك على أحر من الجمر و اعذريني لو تأخرت عليك
مع تحياتي و بأمان الله و حفظه
[/color]
__________________
[CENTER]  بدخلي ماسة ...سأحررها يوما من أشواك حياتي ...ساجدها بإيماني ...سأصقلها بدمي ...سأشكلها بقلبي..ساُلًمِعها بكفاحي...سَتُشّرق متألقة و فخورة بنصري... 
التعديل الأخير تم بواسطة diamond rose ; 08-25-2015 الساعة 03:27 PM |