والله ان طاري الفراق اللي على الخاطر طرى
.. ❀
يركي طويق وجباله فوق صدري يا سعد
الله الطف ما حدن عن حالتي بعدك درى
.. ❀
هايم بروح الغياب اللي عن عيوني بعد
يا سعد تبغى تشوف الحال واشلون انبرى
.. ❀
دوك خوفي لا ذكرت الليل في برق ورعد
قلبي الي صار لا يسمع ولا حتى يرى
.. ❀
عزتي لقلبن سواتي لا طرى البعد ارتعد
شف جناحه منكسر يمشي وينظر للثرى
.. ❀
وان رفع راسه تعذب لا لمح طير السعد
وارتحل واعزتا له يلتفت ينظر ورى
.. ❀
مجبره وقت التجافي لين عزم واستعد
لاحت الفرقى بظلام الليل والخافق سرى
.. ❀
وانتشي لا مر طيفه وانكسر قبل الوعد
يا ظلام الليل حس ويا قمر شف وجرى
.. ❀
يا الهوى يا نجم يا خي حس يا حالي بعد
ما هو انا الي تركته ما يبيع الي شرى
لكن الدنيا ظروف وما يلام اللي ابتعد
.. ❀ .. ❀ .. ❀

__________________
أستَغفِرك اللهم عَدد رَمشات العُيون
مِن خَلق أدَم إلى يَوم يُبعَثون .