ليه عيونك يالمدينه شاحبه وضيك شحوح
ليه حظنك يوم جيتك بارد وغايب دفاه
جاوبت اسوار تحكي عن مفارقها وتنوح
قالت انه من رحيله كل مافيها بكي
والاماكن من بعدها خاويه مافيها روح
صامته ذيك الزورايا وان حكت تصرخ بـ ااه
ولمعة في عيني دمعه تفضح الحزن وتبوح
همها شوق ينادي ماضي الحب وهواه
ليت دمعي يارفيقي ينهي الهم ويروح
كان خفاقي يعانق فرحته وينسي عناه
لكن احلامي بتبقي تبني بقلبي صروح
وانت احلا حلم عشته احلم بلحظه لقاه
هاك ياغايب فؤادي غايره فيه الجروح
يمكن بلمست يدينك يبتهج يرجع هناه

__________________
أستَغفِرك اللهم عَدد رَمشات العُيون
مِن خَلق أدَم إلى يَوم يُبعَثون .