طبعا هاي القصيدة تمثلني كلش
وهداء لوحده هنا
وكون تشوفيها همين
اتمنة تقرينها حرف حرف
وتفتهمين شگد احبج ياغبية -.-
جبت كلشي
وعفت كلشي
ومدري شلون اجيت أمشي
اجيتك ردت اكلك شوف
ردنة نعوف كلشي وما گدرنة نعوف
جبت كلشي اليسولف بيك
خيالي وصفنتي وطيوف
جبت دكات كلبي الكطعن كلبي بجفاك سيوف
جبت صفنات روحي السودنت روحي
مثل جن بمسية وع اليتيم يحوف
كون تشوف
حالي شگد الك ملهوف
كون تشوف
بشفافي الحزن ماخلة بسمه تعيش
كلمن كمت اشوفه بخده أطبع اوف
كون تشوف
دموع الجدم ماتدري وين تروح
والخطوات عمية ماتدري وين تروح
خلصت الوجوه وشفت كل الناس
كلها وجوه غربة ولا وجه معروف
وين الگاك
يالموصوف الي وانة الك موصوف
انة بلياك مدري شبيه ما بية
زلف وبلاية ترجيه
درب ما بيه كل جيه
نهر فاض وتبع مية رجع بس ما لگاله جفوف
وكون تشوف
روحي شخله بيها الخوف
مطلوبة نذر وتخاف ماتوصل حضرتك
من بعيد تطوف
وكون تشوف
مثل دمع العروسة الجاية ع اجناب
ويصبر عليها وجابها الزافوف
وشوف شخلة بيه الخوف
مثل حلة مدارس روحي جنها اطفال
حلت واتركتها وهسة بس صفوف
ويا وحشة صفوفي من يجيني الليل
ويا لون الوجه البعدك الضل مخطوف
كون الكاك
واشكيلك
ع جروحي اللكيت الغشمه بيها تروف
كون الگاك
وابجيلك..
وخلي خدودي صبورة ودمعتي حروف
وكون الطا واحجيل
بكتاب السنين انحذف ياهو الچان
بس اسمك لگيتة الباقي ما محذوف
كون تشوف
عيوني مضيف تصير وكت النوم
وهلبت بالحلم لنك تجيني ضيوف
وكون تشوف
حالي شگد الك ملهوف