نكمل ،،،

عمر : ههههههه يدتك اليوم استنزلت على ابوي هههههههههههههههههههه
خالد : بووه شسوت لايكوووووون
عمر : اهههههههههههه شي عجيييييييييب
غلا عفست ويهها وطلعت وعمر وخالد حسوا بتفاهة كلامهم وايد ..
خالد لف : غلاا !
غلا ماعطته الاذن الصمخه وطلعت على الدرج بعد لدارها القديمه
عمر : وانت قاعد؟ صج انك اثول ، روح لمرتك خالد لاتصير جذي
خالد متخرع : ماقدر عمور انت ماتدري ، غلا اذا عضبت ولا ضاق خلقها تطرد قسم بالله تطرد ماتعرف ريلها من عمها من ولدها حتى ، تطرد تطرد اوفففففف
عمر : واذا وان طردتك مرتك ياخي روح لاتوقف جذي جنك لوح رووح
خالد تخرع اكثر :انزين زين بروح
ركب على الدرج خالد وانصدم لما شاف العنود عند غلا بالدار ولا تهديها بعد ...
خالد ( ؟؟؟؟؟؟؟؟؟) مب فاهم شاللي يصير اليوم !!
العنود : بس غلا لاتسوين بروحج جذي
غلا : خليني خليني بروحي خلينييييييييي مابي حد
العنود : ماتهونين علي ياحبيبتي اخليج جذي على عماج
خالد فتح عيونه (عماج؟؟)
غلا رفعت راسها : شنو شتقصدين؟؟
العنود : ها ، لالا ولاشي
غلا : اففففففففف ، خلااص مابي اسمع ولاشي طلعي خليني ، مابي حد روحي
العنود : انا بطلع وبخليج ، لكن انا حبيت انبهج واقولج ترا ريلج اذاني من كثر مايحن علي وكثر ماهو متعلق فيني ويبيني ، دايمآ يقول احس نفسي تافه ومشاعري سخيفه تجاه الطفله غلا ، اللي مافطنت بالحياه لين الحين ، توها تكبر مع عيالها ، وانا بعد احس مثله مشاعرج توها تكبر وانتي متعلقه فخالد لانج مراهقه ومثلج مثل اي مراهقه تنجذب للشاب لعدة اسباب وخالد وسيم ورومنسي اكثر من المتوقع وهذا اللي جذبج له وخلاج تاخذينه مني ، انا وخالد من قبل لاتجين حظرتج ، كنا حبايب والعايله كلها تدري عنا وكنا انا وياه راسمين حياتنا ومت.............
خالد يصرخ عليها : عنوووووووووووووووووود!
عنود بلعت ريجها وهي متخلبصه ماتوقعته هني ...
خالد : شهالكلام ؟ شاللي تقولينه؟؟ انتي ماتربيتي؟
العنود : اانااا....
خالد :انتي حقيره بره ،، برررررره
سكتت العنود وطلعت عنهم وخالد راح لغلا اللي كانت تطالعهم الثنين ودموعها تسيل بدون لاتتكلم
غلا وهي تصيح : اطلع ،، اطلع عني رووووووووح ، خلنييييييي،، الله ياخذني ويريحنييي ، ياريتك ياعمي هني جان مارضيت لي بهالمذله ..
خالد : لا ، لاياغلا لاتقولين جذي ، حياتنا مب مذله
غلا : لاتكلمني ولاتذكرني ، اطلع وخلنيييييييي روح ، صدقني بذبحك ان ماطلعت فااااااااااارج ..
خالد غمض عينه وهو فاقد الأمل بأن غلا تعود تحبه او تفكر فيه كزووج ..!
عمر كان واقف عند الدرج وينتظر اي حد ينزل،سمع خطوات حد نازل
عمر : منو؟. خالد؟
خالد سكت ماله خلق حتى يتكلم ويرد عليه
عمر : شصاير خالد؟ بنت عمي شفيها؟ شهالصراخ؟؟ طمني تكلم
خالد : مافي الا الخير تعبانه شوي وانا اكثر
عمر : سلامتك ياخوي ، ادخل ارتاح ، ولاتشغل بالك اكيد هي تعبانه بالياهل
خالد (بلاك ماتدري عن شي) : الله كريم ..
سحب خالد روحه يحس خلاص هو و غلا ، سعد وفيصل ، حتى مريم كانو ذكرى له وبتنتهي !!!!
خالد (لا انا شقاعد اقول؟ مستحيل مستحيييل اخلي غلا لو على دمي ماخليها ، انا تعلقت فيها ، صج ياهل وماجنني غير الياهل ، انا احبها صج وعيالي منها احبهم هذولا حياتي وروحي ونبضي شلون اخليكم؟ والله اموت! العنود!! هذي وينها؟؟؟)
لف خالد بسرعه على عمر وكلمه بلهجه سريعه وعمر متخرع
خالد : وين العنود؟؟ وينها؟
عمر : ها؟ مادري هناك طلعت
خالد : وين راحت ؟ طلعت؟
عمر : تراك خرعتني ، العنود مادري وينها متى كانت فالبيت أصلآ؟
خالد : يوهووووووووووووووووووووووووووو
عمر : شبلاك ياخوي؟ شفيك ؟ وسع صدرك
خالد : اعوذ بالله من الشيطان الرجيم ، ان شفتها حذرها مني ، تراني ان عصبت شيطان فصورة انسان..
عمر : ول ول شصاير قولي
خالد : بعدين اقولك ..
طلع فالحوش يدخن ويدورر مب عارف شيسوي وقف وهو يفكر توني هني كنت انا وغلا توووني ، لين الحين عطرها فهالمكان لين الحين طيفها بعيوني غمض خالد عيونه وفتحها .،. لقى الحوش فاضي مافيه غير صوت الطيوووور اللي تبين فضى المكان ،، قط خالد زقارته بعد ماخلصها وتم يدور فالحوش ويده فشعره ويفكر ويشوت حصى ..
غلا كانت توها طالعه من الحمام ، خذت لها حمام ينسيها الكلام اللي نزل مثل الرصاص باذنها ..
فتحت اللفه عن شعرها وانتثر ،، الماي بلل جتفها وبقع على ملابسها كملتهم بدموعها ..
مسحت دموعها بيدها وفتحت الدريشه وشافت خالد .. !
عورها قلبها لان شكله مهموم وهو يدور ، تدري انه مب غلطان وكلام عنود جذب بس لما قالت عنها انها ياهل دخل الشك راسها و شكت بحب خالد لها ..
وخرت عن الدريشه و ريحت بالها من كل الأفكار وعطت اعصابها كل البروود وثلجتهم .. و نامت !!
حطت راسها على الوساده البارده وتغطت ودموعها على خدها وناااامت ولا كأن شي صاير ..
خالد تعب من الدواره ومن الدخاان ودخل للبيت ، هدى شوي باله و دخل المطبخ يبي يشرب له كاس ماي ولقى عمر فالمطبخ فاتح الثلاجه وجنه يدور شي
خالد : ها حبيبي شتبي؟ قولي!
عمر : ابي اي شي اشربه ميت عطش
خالد يطلع له عصير و عصب على هالسالفه : والخدامات وينهم؟
عمر : شدراني عنهم ، خلاص هات ولاتعصب
خالد عطاه وسكت وهو مرفع له حاجب ..
صب له الماي وشربه ،، ارتاح وحس صج النار طفت ..
قعد شوي مع اخوه ولا حس بالوقت ، طالع ساعته وعمر يعد عليه السالفه ،، طافت ساعه بالظبط وغلا لين الحين مانزلت ولا ثارت ولا سوت أي شي ،، الله يستر ..
خالد : اها ،، انزين حبيبي عن اذنك شوي
عمر : اذنك وخشمك كلهم وياك ،، املقققققققققق
خالد : اهههههه ..
خلاه وصعد لدار غلا فتح الباب بكل هدوء عليها وارتوى قلبه بالريحه اللي هبت عليه ..
الهوا طلع بااارد وريحة عطرها ترست راسه ..
طالع بعيونه شاف غلا ، لقاها نايمه ..
استانس شوي شكلها غلا واثقه فيه ، طفى الليتات عليها وسكر الباب لف لقى ابوه وتصرقع الممر كان ظلام وابوه كان لازق فيه
خالد : بسم الله وخر يبا الله يخليك
سعود : هههه

.* اليوم الثاني *.
غلا رجعت البيت مع خالد لكن ماتكلمت معاه بولا كلمه ..
خالد ماعلق على الموضوع وهو بعد عاملها بالمثل .. لانه لا غلطان ولا مسوي غلط .
بنفس اليوم العصر لما رد خالد من الشغل غلا كانت تنتظره بالغرفه فصخ غترته وخذتها وهي سااكته علقتها وعطته ملابسه بدل وعلقت ثوبه قعد على السرير وهي واقفه وساكته ..
غلا توها بتنطق مافتحت عينها الا شافت خالد هايج جنه بركان وثااااار بلحظه
خالد : اوووووووووه غلا بس خلاص يكفييييييي ، تحجييي قولي شفييييييج لاتتمين سااااااكته
غلا تخرعت ولسانها انربط نست كل الاحرف نست كل الكلمات فهاللحظه
خالد : ماتبين تتحجين شنو حشت مخج عندوه؟ صدقتيها؟ ماتتحجييين قولي شي
غلا : شفيك شفيك انت؟؟؟؟؟؟
خالد : انا شفيني ولا انتي؟ غلا حرام عليج تكلمي قولي اي شي لاتتمين لي جذي ساكته
غلا : شقولك خالد ؟ عادي انا نسيت اللي صار لان ادري ان كلامها ..
خالد : كملي بتردين تسكتين؟
غلا : كلامها غلط
خالد : ودامج تدرين انه غلط ليش تعامليني جذي؟ شنو مااحس انا؟
غلا : اسفه ماكان قصدي
خالد : اوهووووووووووووووووووووووووووو
وصفق باب الدار ، وغلا رضخت بروحها على السرير كانه صفقها ماصفق الباب
غلا (حتى مايبي يقولي كلمه تدل انه ندمان او يبي يعتذر ، ليش مايكون كلامها صح؟؟ لالا لامستحيل خالد معدنه ذهب خالد مستحيل يسويها)
خالد (بتطلعني من طوري هالبنت ، لاني زعلان عليها ولا معصب انا احبها ومنقهر على غلاها اللي داخلي ومب حاسه به ، شسوي ياربي بهالحال شلون افهمها اني غلطان)


لطيفه سكرت التليفون وبعد لحظات وصلتها العنود ..
قبل لاتدخل شافت عمر
العنود : هلوووو عمااااااري
عمر : وعليكم السلام ، اسمي عمر ماني ياهل تقولين لي عماري ، خلي الدلع لج
العنود : واي انت شفيك اليوم ، جبريت
عمر : يشب بقشتج
العنود : عفواً شقلت؟
عمر : اهه ياخف دمج يابنت خالتي ، دخلي امي تنتظرج
العنود : مرحبا خالتي
لطيفه : لا هلا ولا مرحبا
العنود : افا ليش خالتي؟
لطيفه : تخلخلت عظامج ، انا قلت لج سوي لكن لاتهدمين حياة ولدي انتي هبله تشككينها بريلها وين صارت هذي ؟
العنود : مادري ؟
لطيفه : انتي تستهبلين علي؟
العنود : خالتي ،، لوسمحتي انا نفذت كل توصياتج ، يمكن هالمره ثقلت لكن بمستوى اللي تسوينه
لطيفه : لا انتي انظربتي فمخج ياعندوه
سعود : خير شصاير؟
لطيفه لا ولاشي ..
عمر : ليش يمه كملوا سالفتكم عن غلا وخالد
لطيفه والعنود بققوا عيوونهم
سعود بتعجب : غلا وخالد؟؟؟؟