عمر : شتبين غاليه؟
غاليه : مابي منك شي ، ابي اسأل عن جاسم ، صار لي فتره مادري عنه ..
عمر : ماتدرين عن ريلج
غاليه : كل شي تفركش بس كنت ابي اقوله شي لكني مب محصلته
عمر : هه ظحكتيني تصدقين وانا من اسمع صوتج ماداني اظحك ، تسأليني عنه وانتي اللي ماتبينه يماشيني ، روحي يا بابا خل تنفعج افعالج
غاليه : شهالأسلوب انت؟ ماعندك ذوق؟
عمر : تعلميني بالذوق اللي ماتعرفينه ، ياحليلج والله ، شوفي يابنت الناس ، سمعيني انتي واللي عندج وخروو عني وخلوني كاف شري ، لان ماعندي وقت اظيعه معاكم ، مع السلامه ......
وسكر الخط فوجهها عمر ..
نزلت غلا للصاله وهي تبي تقول خبر خايفه منه لخالد ..
خالد : شنو قولي عمري؟
غلا : اممممم،، بس ها لاتعصب عفيه ..
خالد : ماااني معصب ، قوولي يلا ، كاني اسمع
غلا : اليوم شنو؟
خالد : السبت!!
غلا : تدري عاد اليوم الدريوليه كلهم بإجازه
خالد : كلهم دريول عندنا فالبيت ، شنو يتفاقمون؟
غلا : هههههههههه لا حبيبي انت مافهمتني ،، اشرح لك؟
خالد : أي حبيبتي غردي ..
غلا : شوف الله يسلمك ، المها وبنات خالتي كلهم لازم نوديهم يتسوقون
خالد : هوب هوب انشالله تبوني اناا
غلا : والله مافي غيرك انت يابعد عمري فيك الخير حبيب قلبي
خالد : وشوووووووو لاااااااااااا ، غلا شلون جذي ، اهون عليج غلوي؟ لالالا تتغشمرين صح ؟
غلا : ههههههه لا والله ، أصلآ انا اللي رشحتك ومحد يصلح غيرك لهالمواقف حبيبي ، ماراح نطول
خالد : لااااا بعدي والله ، رشحتيني ، تعبان انا ، مريض فيني صخونه ، شوفي حطي يدج ( يقرب راسه لها) ،، حااار
غلا : لااا وي يابعد عمري ،قوم انا جهزت لك كل شي كل شي بس قوم والبس ونطلع
خالد : هههههههههههه غلا من صجج
غلا : يلا خااااالد قوم البس ، لو الحين انت رايح ومبدل جان خلصنا
خالد : شنو خلصتوا؟ غلااا مب علي انا ، انتوااا يبي لكم على الاقل ساعه فكل محل
غلا : شدعوى خالد ، تبي تفشلني جدامهم صح ! قولها .. خلاص بعتذر لهم ، بقولهم خالد يردني ومايبي يطلعنا
خالد : غلا لاتسوييين جذذذذذذي ،، افففففففففف ، خلاص انزين ، عشانج بس ، ام كشه بتطلع ؟
غلا : لاتقول ام كششه ،، اسمها مريممممم ، خالد لاتعقدهاا
خالد : ههههههههههههههه ،، انشالله انشالله ، لا ومتأكده من الرد بعد وجاهزه الحلوه
غلا وهي تبتسم : أي أي بس انتظرك
خالد : داري انا .. انشالله دقايق وانزل
راح خالد وبدل ملابسه ..
قعد يعدل شكله قبل لاينزل وتذكر ان عياله بيتمون فالبيت بروحهم .. راح لعند الدرج ونادى غلا ..
خالد : غلاااا ....
غلا وهي تمشي له : نعم
خالد من فوق الدري : أولياء عهدي بنخليهم فالبيت؟
غلا : لاا اليهال بتطلعهم خالتك و من زمان مرت عليهم
خالد افتشل : احم ، أي انا كنت ادري يلا انا خلصت ..
غلا : يلا ..
نزل خالد وركبوا سيارتهم ، راحوا للبيت العود و حملوا السياره لووول و للمجمع ..