فالمحل ..
خالد كان يايوقف داخل المحل بس بعيد عن الناس بأول المحل ، واذا كان زحمه يوقف بره ..
دخلوا لمحل فيه للبنات والشباب والاطفال ..
خالد راح يشوف الملابس الرجاليه يظيع وقت ماراح يشتري بدلات لانه مب فحاجه
مشى يشوف وين صاروا بيطلعون والا؟ وانحررج حييل لان المحل انترس حريم ، وهو يمشي خبط فبنت بسن غلا او اصغر شوي ، لكن انحرج كانه خابط فمره اكبر منه
خالد وهو منزل راسه من الفشله : آسف آسف ، ماقصدت ..
مشى عنها والبنت كانت تظحك شكله مفتششل عدل ..
المهم خالد دورهم اللي فالشرق واللي فالغرب واللي تجرب مكياج واللي تقيس ملابس ..
شافهأ ، وين؟؟؟
بسكشن اليهال و كأنها تدور شي لمولود جديد ،، ماتوقع خالد وقال يمكن لحد من رفيجاتها ولا شي ..
وقف خالد على جنب وهو متجتف بيد واليد الثانيه على حنجه ..
غلا انتبهت انه موجود وهدت اللي كانت تشوفه وراحت له ..
غلا : هلا ، هلا و غلا ، ولهت عليك وينك؟
خالد يبتسم لها بنظراته الخبيثه ومايرد عليها
غلا : ويي خالد شفيك !!
خالد ينقز لها حاجب .. !
غلا : افف خالد لاتسوي جذي
خالد : شسووووي؟
غلا : وااي خالد ، خلاص ولاشي
خالد : انشالله ناوين نعيد فالمحل؟
غلا : امممممم شي جذي عاجبهم حييل هههههههههه
خالد : ياماشاء الله ، الحيين حلت فعينكم المحلات ، آآه منكم يالبنات ، اوففف حيايى صج
غلا تدوس ريله : انا حيه ها
خالد : اففف انتييييي خلج على جنب
غلا : صج والللله خالد؟ انا حيه ، ماقصرت
مشت بسرعه غلا ومد يده خالد ويجرها بقو من يدها
غلا : افففففف لاتسوي جذي جدام الناس
خالد : اكلمج انا لاتروحين
غلا وهي من صجها زعلت
خالد : لا والله ، ليش زعلانه ، أي بتصيحين !! عفييه (يصفق) كملي كملي
غلا ظحكت وهي منقهره ينرفز ويظحك وكل شي ..
خالد : اههههههههههه غلا سوي روحج زعلانه وبتمشين ، والله حييل استانس ، جنج يويو ، تروحين وتردين على المكان
غلا ماتت ظحك : ههههههههههههههه خاااااالد يويو هاااااا ، والله اوريك مانساها لك ، صبر علييي
خالد : لاتكفييين ، مت خرعه ، ارجوج ابيج تسامحيني
غلا توها بتتكلم الا فاطمه جايتهم ..
فاطمه : انتواا هني؟
خالد : لا هني
فاطمه : Oh My Go0od
خالد : Oh my god oh my god ،، وشو ذيه انتي تحجي عدل ، تفلسف على ولاشي ، يلا يلا
فاطمه تنقهر من خالد و لا مره كلمته قال لها شي حلو كله يفشلها
فاطمه : انتي شوفي ريلج
غلا تظحك لها : يتغشمر وياج حبيببتي ،، خاااااالد ( تنغزه )
خالد : Oh my god ، ليش You اقرصني؟ My go0o0od
غلا : ههههههههههههههههههههه

تسوقوا وخلصوا وخالد طلعهم من المجمع على طووول و غلا انحرجت حتى ماقعدوا فكافيه او يتعشون فمطعم .. شبيقولون الحين ؟
فالسياره ...


ان قلت ابيه شالحل فيه؟
لاني فارضه ولا او سماه ..!
انا بجهاد وهو بعناد
والمشكله يعرف غلاه !!
حاولت الشرح يطول
اشرق وتمنعني الدمووع
مسك الختام وآخر كلام ..
لا عاش حبٍ في خمووول ..


خالد يوطي على الصوت ..

خالد : هاا يابنات وين تبون تتعشون؟
غلا استانست ، اشوووى ..
البنات : عادي أي مكان
خالد : شلون أي مكان ، غلا ، شوفيهم
غلا تلف تشوفهم : وييين تبون؟
خالد : بسررررعه ترا الصراحه انا واحد سطحي بيعزمكم على خوش شورما وبيبسي ..
البنات كلهم ظحكواا
خالد : اههههههه ،، يلا غلا انتي قرري
غلا : براحتهم وين تبون ؟؟
البنات : احنا مانعرف للي عندكم ، انتوا قرروا ..
خالد يطالع غلا : ها شقررتوا؟؟
غلا : على كيفك حبيبي ..
خالد : على بركة اللله ،، جااايننننننج يالشورماااااا

لووول ،، وداهم خالد لمطعم حلو ومكانه هم حلو ،، تعشوا فيه وقعدوا لهم شوي ورجعهم ..
نزلوهم فالبيت العود و راحوا بيتهم ..
لما وصلوا للبيت خالد فتح شنطة السياره ..
خالد : الله المدام ماخلت شي
غلا : ههههههههه
خالد شال الاكياس وسكر الشنطه وقفل السياره ،، غلا ماتحب خالد يشيل كل شي ، وتدري لو تطلبه مايعطيها تشيل ..
غلا تحاول تشيلهم من يده بدون لايحس
خالد : حاس حاس ، لو سمحتي وخري يدج
غلا : عاد خالد والله شكثر ، عطني ، عنك حبيبي
خالد : غلا البيت كاهو ، شوفي هناك ، الله كاهو باب بيتنا يالله يالله وصلنا ..
سرع خالد من مشيته و غلا تمشي على اقل من مهلها ..
دخل للبيت وكانت مشيته سريعه و وصل لدارهم ،، اما غلا دخلت البيت وقعدت على الكرسي ، اف عوار معدتها هالايام زايد ، يمكن ليش انها تنسى الدوا لان خالد صاير وايد يقعد فالبيت ..
قعدت شوي على الكرسي لين حست ان رجعت لها قوتها وتقدر تكمل دربها ..
ركبت على الدرج و ماتشوف الا فيصل جايها يركض يناديها ويمسك يدها
غلا : هلا حبيبي
فيصل يحب يدها : ماما ويييينج؟
غلا : انا هنيي حبيبي ، ها شسويت اليوم ؟
فيصل : ماااسوينا ثي ، رحنا الالعااب ( يشهق ) فله
غلا تشيله : هههههههه حياتي والله ، وينه سعد
فيصل : ناام هنااك
غلا : انزين تعشيتوا ؟؟
فيصل : ايييييي وبعد اسكليم ، اللله ، انا ثريت لج بث ابوي لا ، بث بعدين خذوه عشان طاح
غلا تبوسه : ههههههه حبيبييي انت
غلا وصلت للدار حطت فيصل على الكرسي وفصخت عباتها وهو قام للعبته المفضله يتعبث فاغراضهم على الكمدينه
غلا : لا فيصل ، لاتلعب حبيبي
فيصل يهد اللي فيده اونه ماسوى شي ..
غلا : روح شوف الاكياس شريت لكم اشيا
فيصل : شنو ثياره؟
غلا : ههههههه لا حبيبي ، خذت لك لبسه حلوووه
فيصل قعد يفتش بالاكياس وخلى السرير كله مهرجاان ثياب ،، وغلا تطالع جسمها فالمنظره ، بطنها كبر و بين وهي لابسه بدله مبينته ..
طلع خالد من الحمام وهو متسبح
خالد : هاا فصييل مانام
فيصل ينط على ابوه ويضربه على صدره
خالد : صج انك جلب يالجلب
فيصل يظحك و يجر شعر ابوه المبلل باسنانه
خالد : احححيييييه ، ياانك ضااار يافصول (عصب عليه صج) انزل يلا ، يلاا
فيصل نزل بدون نقاش وهو متخرع ..
خالد لبس ملابسه ، لبس بجامه كحليه محدده بأزرق فاتح ، رش عطره عشان يكون فررش من بعد الحمام والتعب اللي تعبه فالجمع لوول ..
خالد يقط روحه على السرير : آآآآآخ شنو تحبون السوووووووووق انتواا
غلا : هههههه يعطييك العافيه حياتي ، ماقصررت ..
فيصل : ماماا ، هاي حق من؟؟؟؟؟
( كان ماسك لبسه لبيبي صغير مب فعمره ولا فعمر مريم ) ..
غلا : خلها حبيبي هاي حق البيبي الجديد ..
خالد كان يشوف فيصل وهو يعض البدله ، ولما سمع كلمة غلا انتفض
خالد : شنو شنو ، شقتلي؟
غلا : ماقلت شي !
خالد سكت
فيصل : بيبي بعد؟؟؟
خالد طار من على السرير: غلاا!!! حلفييييييييييييييييييييييي !!!
غلا : ههههههه والله
خالد : صج ، ليش ماقلتي ! من متى
غلا : كاني قلت
خالد : صج زين ، غلا ،، اففففففف والله مستانسسسسس
غلا : شدعوى هذا رابع واحد ماتمللت
خالد : افاا ، انا اتملل !!
غلا : ههههههههههههههههههه ..


.*.*.*.*.*.*.*.*.*.*.*.*.*.*.*.*.*.*.*.*.*.*.*.*.* .*.*.*.*.*.*.*.*.*.*.*.*.