عيون العرب - ملتقى العالم العربي - عرض مشاركة واحدة - تحليلي عن الثنائي .. ساسكي+ساكورا.... و ناروتو+هيناتا ..وأولادهم فقط . غير مسموح للثنئيات الاخرى بالتواجد !

**soisoi** · #**41909** 11-04-2015, 09:47 PM

مرحبا ياحلوين
طبعا بالصدفه وانا الف التمبلر شفت التريلرات لروايه ساسكي
ودخلت اشوف كلامكم عنها

فرحت مره بالتريلارات
لاكن بخصوص الي يتكلمو عن اول بارت ويقولو انو ساسكي يشك في ساكورا

شوفو انا ما اقدر اظمن لكم انو التريلر صح ومو اشاعه زي ما تقولو

لاكن احسكم فهمتوه غلط الموضوع مو موضوع شك في حبها

هيا بالله تخيلو ساسكي ما يقول كدا وواثق 100% انو ساكورا بانتظاره ؟؟؟ عن نفسي كنت بكره دا الشي

نلاحظ انو ساسكي متى كان يظهر مشاره لساكورا اكثر شي لمن يغار

هوا يعرف انها تحبو وهوا يحبها
ومع كدا كان يغار
ليش هل لانو يشك فيها !
لا

لاكن المفروض والطبيعي انو يتسأل دا التسأول بالعكس جدا عجبني انو ساسكي مهتم بدا الشي
عجبني انو ساسكي يفكر انو ساكورا تحبه لاكن هذا مو معناه انها بتنتظره كل دا الوقت او انها مضمونه انها له

هذا الشي كشاب المفروض يحببه فيها اكثر

وهذا نفس الشي
مو من الطبيعي انو الشاب يضمن هادي الفتاه ويروح هوا ما حصل خطبه او شي رسمي بينهم قبل ما يروح عشان يضمن بقائها له اوكي تحبه بس مو من الضروري انها بتبقى تستناه يمكن
قررت تستقر في حياتها وتقبل اي من العروض الي كانت تجيها من عده شباب طبعا البنت اكثر بنت خققت شباب المانجا عليها يالبى قلبها بس

فالموضوع مو موضوع انو يشك انها تحبه موضوع انو خايف انها تكون فقدت الامل فيه وقررت تكمل حياتها وتتزوج وتستقر وتعيش حلم الامومه

واذا ساسكي ما فكر بدا الشي انا ما بحبذ ذا الشي لانو وقتها بيكون بيفكر بساكورا كاسيره له وتحت تحكمه قبل حتى ما تكون زوجته

لاكن كون ساسكي يفكر كذا وقبل زواجهم هذا شي جميل جدا اي انو خايف انو يرجع وما يلقاها في انتظاره

مو متخيل حتى فكره انها تكون مع شخص ثاني لانه عارف انه ما بيتحمل دا الشي

ساسكي قال ربما ناروتو زي ما قلت فوق لانه عارف انها خقه وعارف كميه الشباب الي عرضو عليها حبهم

يمكن يكون الموضوع زي ما قلتو شك لو كان متزوجها لاكن الموضوع هنا جدا جميل ولا يمد للشك بصله

انا اشوف انه جدا جميل ولو كان فعلا موجود في القصه انا بموت في ارضي لانو هذا من اقصى علامات الحب

+

قصه البسه يمكن غالبا صح بما انها موجوده في غلاف الروايه

+

قصه شجره الساكورا دي شي ثاني افكر من زماااااان شفت مانجا من صنع الفانز عن ساسكي و سيجتسو وهما يتدربو ومدري وش حصل ناسيه المهم اظن سيجتسو شاف شجره ساكورا وقعد يمدح ويقول اشجار الساكورا جميله جدا وساسكي يطل في الشجره بعمق ويقول
انا اعلم انا احب ساكورا اكثر من اي شي >.<3

واااااه لو حصلت فعلا في الروايه بيكون اقتباس لديك المانجا مره تجنن

+
وقصه صوره التاكا منطقيه اكثر من اي شي انو كارين ادتها هيا تتوقعو ساسكي بيحتفظ بصورهم ويديها لزوجته مثلا !

نو واي واضح ساكورا جابتها من مكان ثاني واقرب شي كارين

فالتريلرات للان تبدو منطقيه ليا
لا تتفاجؤ اذا كانت صح

اخر شي

يا حبايبي ممكن رابط فلم بروتو مترجم انجليزي او عربي اي شي اهم شي جوده الفلم كويسه

وشكرا حب1