عمر : اللي تامر فيه ، يلا ..
ركبوا السياره وتوه خالد بينطق بطنه تكلم عنه من الجووع
عمر : اهههههه ، خلني اشوف لك مطعم لاتاكلني
خالد : ههههههه اسرع ترا اسويها
عمر : انشالله ههههههه ..
وقفوا عند مطعم ونزلوا عشان خالد يتغدى و عمر توصى فأكل اخوه ماخلى شي بالمنيو ماطلبه ، انتهز الفرصه حتى يعتذر له ويمسح التعب عن جبين خالد بالرضا ، ان خالد طاوع قلبه ورضى ونسى كل اللي صأر ..
خالد كان لين الحين بملابس السفر ومقارنةً بأخوه عمر ، لقب الكشيخ يبتعد عنه لووول ..
عمر و خالد مانتبهوا لطاولة البنات اللي تبعد عنهم بكمٍ خطوه ، وقعدته هو واخوه كلها ظحك ووناسه ، عشان يتناسون ..
ريما : والله هذي هو غلوي صدقيييني انا متأكده
غاليه : و اذا هو ؟ شبتسوين ؟ انشالله بتروحين له؟ خلاص عاد بلا سخافاتج ريموه
ريما وهي تحط يدها على خدها : تهقين عرس؟
غاليه : لا خطب
ريما شهقت : صج ؟ من ؟
غاليه : مالت عليج ، هذا اخوه عدل؟ ريل غلا
ريما : أي ريل الكريهه . مادري شعاجبه فيها ههههههههههههه
غاليه : مادري احسه متغير
ريما : شدراني ، انتي شوفي اللي حذاه ، اموووووت على الكاشخ والله ، بروح اسلم
غاليه عصبت : استحي على ويهج احنا مب في أوروبا ، المكان كله ناس ، شبيقولون
ريما : اوهووو

خالد : ااااخ ، حمدللللله full of junk
عمر : هههههههههه شنو جنك يالتيس، وانا جايبك مطعم معتبر تقول جنك ، ناس بطرااااانه الصراحه
خالد : يحق لي ابطر والللله ، قوم بس ودني يالله ،، يالللله
عمر : ههههه ومن بيدفع حساب جنكك ، ابوك
خالد : لا اخوي هاهاها
عمر ظحك : اسبقني انت وانا الحقك
عمر دفع الحساب و شاف السويت الي عندهم و طاح بخاطره ، راح ياخذ له ..
وقف و طلب وقعد ينتظر ، كانت الطوفه اللي محطوط عليها الحلويات والاشيا اللي تنباع تعكس ، مثل المنظره
عمر قعد يعدل كشخته وغترته ..
بعد ماخلص طاحت عينه على اللي حذاه ، وطاحت عينه بمخباه
ريما : هلا عمر
عمر وهو يتصدد : هلا
ريما : شلونك عمر؟ شمسوي؟ وينك ماشفناك !!
عمر خذ طلبه : مشغول مشغول
طلع عمر و ماكان يدري بانها تلحقه
عمر لف وشافها وكمل طريقه ،، نادته
ريما : عمر
عمر طنشها .. واعترضت له : اشفييك؟
عمر : شفيج انتي؟ خف عقلج؟
ريما : خف يوم شفتك ، الله يخليك عمر لاتسوي لي جذي ، انت ماتحس فيني يعني؟
عمر : عديم احساس انا ولانسيتي؟ خلاص الشيخه وخري عني ، انا اول مره اشوف بنت تلاحق لها واحد ، وخري
ريما : قول اللي تقوله ، بس الله يخليك لاتروح
عمر : ليش؟ جاي لج انا ؟ ياخي استحي ، والله لو انا مكانج ولا اتجرأ احط عيني بعينج ، شبلاااج انتي؟
ريما : Oh my good
عمر : ياررربي منج ..
وراح عنها
خالد : شبلاك؟ من هذي؟
عمر : ولاشي ، هبله مظيعه اهلها
خالد : ههههه اهااا
تحركوا وريما لين الحين واقفه تطالعهم وهم رايحيين
غاليه : خلاص ريموه ، بسج ، غصب تبين تصدقين انه يحبج
ريما : انتي ماتدرين ان اغلب اللي يحبون بعض يكونون بنفس طريقتنا
غاليه : شلون يعني؟
ريما : يكونون مايحبون بعض ، ويصير بينهم over touch
غاليه : يارب من هالبنت ، امشي ، هالولد مايبيج ، مب بالغصب ترا ، انتي ماتدرين ريمو ، يمكن هو الحين ساكت عنج ، لكن شكله ان عصب بيخليج تندمين على كل ثانيه فكرتي فيها انج تتقربين له .
ريما : افففف ، خلاص خنروح
غاليه : يلاا ..
و مشوا ..

وصل خالد لشركته ، خذ سيارته و عمر راح عنه ، ركب السياره و تحرك لبيته ، وصل ومالقى عياله ، سأل الخدامات ، قالوا له انهم فالبيت العود ، وراح لهم ..
خالد وصل للبيت العود و مشى لين وصل للباب وقفت ريله عند الباب و غمض عينه وهو يتذكر قبل كم اسبوع شصار!
وتذكر شصار قبل دقايق مع عمر..
فتح الباب و دخل ..!
كانت يدته موجوده والليتات شبه طافيه مكتفين بنور الشمس .. سلم عليها وقعد شوي معاها وراح يدور عياله
راح لدار غلا فوق و شاف امه من فوق الدرج كانت تحت ماره وبسرعه سكر الباب ، كانت مريم نايمه ..
خالد ماقدر يمسك نفسه من الفرحه و قومها من النوم ..
خالد : مريوم ، قوومي (يبوووسها )
مريم انزعجت منه ، كانت نايمه وخرب عليها ، صاحت عليه
خالد : لالالا بس بس اسكتي ، الحين بنروح ، وين اخوانج؟
مريم صياحها يزيد و خالد حس بالغباء ، شعرفها تتكلم ؟
نزل خالد و مريم شوي هدت وحطت راسها على جتفه وهو شايلها ..
خالد : يممه ، يمه !
لطيفه : ها خالد هني!! حمدلله على السلامه ( يحب راسها)
خالد : الله يسلمج
لطيفه : تستاهل سلامة مرتك
خالد : ااخ الله يسلمج يايمه ، الا اشبالي وينهم؟
لطيفه : يلعبون بره مع عيال تغريد
خالد : انا كم مره قايل لهم لعب بالشموس لا ، الحين ان تعب حد منهم وجاته ضربة شمس !! وين اروح انا