لطيفه : وانا شسوي ؟ اطلع لهم
خالد : عيل بقعد هنييييي
و طلع خالد و زعق عليهم لكن هم ركضوا لخالد
فيصل: عبالك مادري انك مسافر
خالد : ياا شيخ والله خرعتني انا ماعلمت حد
فيصل يمثل له كانه يقوله اصبر علي : بعلم غلا
خالد : شنو؟ من غلا
فيصل ظحك وحط يده على ويهه وهو ميت ظحك
خالد ضربه : امك يالهيس ، ان عدتها ذبحتك
سعد : كله تشيل مريوم ، انا لا ها
خالد : لايق لك تتدلع ، امشوا امشوا يلا
سعد : بنرجع البييييييييت؟
خالد : لا بوديكم الميتم
سعد : وين؟
خالد : اوووف ، البيت البيت
ركبوا السياره و حطوا اغراضهم وراحو للبيت قعد خالد شوي معاهم طلع داره حط مريم على السرير وخلاها تنام ..
دخل خالد يتسبح ، كان جسمه متكسر ..
طلع و كان احلى وقت للنومه توه ماكل وتسبح ، الله .. و المخده تناديه لووول
غفى خالد بفوطته ولا حس بشي ..
بعد ساعه بالظبط خالد حس بحد يظرب يده ، فتح عينه و شاف مريم
خالد : ها مريومه ، قمتي !
مريم عرفت وجه خالد و استانست : لووووود
خالد يشيلها : ابووج يالخاااايسه ( عض عض خدها خالد لين شردت منه )
انتبه للساعه خالد و تذكر غلا ، لبس ملابسه و عطته الخدامه اغراض غلا تبيها و خذها معاه ..
خالد خلص لبس ونزل عشان يطلع من البيت الا فيصل اعترض ووقف عند الباب
فيصل يأشر له : وين؟ ويين؟؟
خالد يحط يده ورا ظهره : بطلع لوسمحت
فيصل يحرك له اصابعه : لا لالالا
خالد : انشالله ( قعد على الكرسي )
فيصل : انت كله مسافر ، وامي محد و احنا فالبيت العود ، مريوم كله تصيح حتى سّعود
سعد قام له ودزه : ماصيح انا ، ريال
خالد : عندك اياااااه ، بعدي والله ياسعد ، تعاال حبيبي
فيصل : انزين معليه انا اعلمك مب الحين خل يروح خالد
خالد هد سعد و الاغراض وقام له : انت شفيك ها ، ماتحترم حد رفيجك انا؟ شنو خالد؟
فيصل كان حط يده على ويهه وهو قاعد فالزاويه من الخرعه ..
رجع خالد قعد و قال للخدامه يبي قهوته و طلع زقارته ..
خلصها و طلع قال لعياله مب متأخر و بيرجع لهم ..
طلع وراح المستشفى ..
توه بيدخل طلعت له غاده
خالد : شنو ؟ شفيج؟
غاده : رفيجتها داخل
خالد : اووه اعرفها هذي ، ماعليه بدخل
غاده تمسك الباب : من صجك خالد
خالد : اففف غاده خلصوا
غاده : انشالله ، شوي وبيطلعون من مساعه هم هني
خالد : انا بنتظر هني ، هاج ودي هاي
غاده : اوكي
دخلت غاده و حطت الاغراض و خالد قعد على الكراسي اللي فالممرات و كان شكله فظيع ..
جتف يده و تم ينتظرهم يطلعون ، أخيراً انفتح الباب و طلعوا ، خالد صد عنهم . . و لما بعدوا شوي ركض و دخل
تغريد : ها ها شهاللي دخل علينا ، حرامي اطردوه
خالد : لالالا انا خالد
تغريد : من خالد مانعرفك ، روح
غلا : عمتي
خالد : طلعوا انتوا شتبون يعني
تغريد : تبيني الحين اطلع واحورن لك مثل امك ، عجبتك السالفه
خالد : ههههههههههههههههههههههههههههههههههههههههههههه هه ، حلووووووه منج يالعمه
غلا : لا عاد خالد ، عمتي هذي
خالد : اييه الله يخلييج والله ، مانطلع من يزاج انتي و غاده ، ماقصرتووو
غاده : شدعووى ياخالد ..
تغريد : يدك على ألف
خالد : اظن خليفه ريلج مب انا ههههههههههههههه
تغريد : ههههههههه وانا اللي قلت ولد اخوي بيعطييني دون مااسأل ، ماهقيتها منك انت
خالد : هههههههه ، افا عليييج ..
غلا : ليش؟
تغريد : ماتبين تطلعين من هني؟
غلا :صج؟ بطلع
خالد : لا والله !
تغريد : الدكتور قبل لايطلع قال لي ان بيطلعونج باجر انشالله
غلا : ليش ماقلتي لي عمتيييي
تغريد : عشان نونس خالد بعد
خالد : الله ، احلى خبر ، تستاهلين مليون مب بس الف ياعمتيي
بعدها بشوي تغريد و غاده راحو و تم خالد مع غلا ..
غلا : خالد !
خالد : عيون خالد
غلا : شلونك؟
خالد : اشتقت لج والله
غلا سكتت ، شكله مافهم شتقصد . .
خالد : مسك يد غلا وهو على طرف سريرها : توعديني غلا ؟
غلا : بشنو ؟
خالد : بس ماتخلفين بوعدج هالمره ، لان بزعل زعله شينه
غلا : شنو خالد؟
خالد : مابي اعرف شي من الغير ، مو منج ، اتظايق غلا ، اكره عمري
غلا نزلت عينها ..
خالد : صدقيني غلا انا مستعد انسى كل اللي صار ، لاني احبج غلا ، ومستعد اسوي أي شي عشانج ، بس انتي سوي لي شي عفيه ، انا لو اقولج شسويت اليوم ماتصدقين ، طلعت مع عمر و تغدينا و رجعنا مثل قبل ( غلا تطالعه وهي مندهشه) ،، والله غلا ، بس تكفين ، لاتسوين فيني جذي ، لاتخليني على عماي ، مابيج تنبهيني ، ابيج تقولين لي كل شي بالتفصيل الواضح ، فهمتيني غلا؟
غلا : ...........
خالد : ماسمعج !
غلا : انشالله
خالد : اكييد ؟؟؟
غلا : اكيد
.* بعد اسبوع *.
غلا صار فبيتهم ، و
خالد
كنسل كل سفراته لسنه جدام ، و فوق كل هذا خذ اجازه ..
و توقعات خالد طلعت عكس اللي فكر فيه ، غلا نفسيتها كانت غير ، احسن من قبل و تظحك اكثر ..
دخل خالد بعد مارجع من صلاة الظهر ، و غلا كانت طالعه من المطبخ وبيدها كاس ماي تشربه
خالد : شنو؟ شنو هاي؟
غلا خافت : شنو ؟
خالد : ليش تحركتي؟ لا وجايبه الماي ، افحمتيني
غلا : ههههههههههه
خالد : غلا ستين مره قلت لج ماتقومين ماتقومين ، شنو غلا مالي كلمه انا؟
غلا : شدعوى خالد ؟ شسويت انا ! كلها كاس ماي
خالد : حتى لو ، انا حتى النفس بجيبه لج ، مابيج تتعبين
غلا الخجل قرص خدودها و ماعرفت شتقول له ، صاير وايد يداريها اكثر عن قبل ..
خالد: يلا جدامي
غلا مشت قبله وهي منزله راسها
و خالد قعد حذاها على الكرسي وهو ماد رجله
خالد : غلا
غلا : هلا
خالد : شرايج؟ اوديج نتعالج بره !!
غلا : ليش خالد؟ انا ماحس بشي الحين
خالد : لا غلا احسن
غلا : والله مافيني شي
خالد سكت ، مايعرف شلون يقنعها ..!