كيف حالكم يا عرب ؟؟
شايفين منتدانا الجميل هل ايام فيه مبدعين
بس بدهم كم صاروخ يصحيهم
لهيك هي المسابقة خاصة فيهم
بس للأعضاء حصرية جداً
+
اريجاتو محششة سن على التصميم


أنا بقدر كون مشرف !
لو صرت مشرف رح خلي القسم مشعشع
قلبي انفطر على القسم الفلاني ما عليه مشرفين




كل عضو منكم فيه يصير مشرف للقسم الي بحب
بدون قيود ولا قوانين ولا مشاركات ولا بلا بلا بلا
ها ؟؟
لا تفرحوا فقط لعشر ايام
خلال هي العشر ايام رح تكونوا تحت المواقبة
تصرفاتكم طريقتكم بالتعامل نفسياتكم
كل شي تحت المراقبة وخاصة اخلاقكم بالتعامل
إذاً الفكرة من جديد
العضوة
لين اشتركت واختارت قسم علوم وطبيعة
رح تصير مشرفة عليه الي بعدها ما بختاروا القسم نفسه لازم قسم جديد
خلال اشرافها
لازم القسم يشع بالنشاط
فيها تعمل فعالية مدتها 7 ايام وتطلع النتائج لتنحسب ضمن اعمالها الاشرافية
فيها تختم مواضيع وردود + تغلق المواضيع المخالفة
بس ممنوع نقل المواضيع للارشيف
الحذف
وطبعاً الاشراف مو بس نقل وختم بدنا اسلوب
طيب وبعد هي العشر ايام كيف رح نعرف مين فاز ورح يصير مشرف ومين استمتع بالعشر ايام وانتهى
الطريقة هي عدد الزوار
القسم الي رح يزيد عدد زواره بسبب المشرف
رح يفوز
كل اقسام المنتدى مشاركة عدا
التقارير وصور ونقاشات الانمي + مانجا سبيس
لانهم ما شاء الله مشرفينهم شغالين
الي بده يستلم الاقسام الفنية
لازم يكون مستواه في التصميم عالي من مستوى راشد وجهنمية
لانه هي الاقسام بمشرفينها
فقط
انطلقوا بحجز اقسامكم




الفائز الاول :
الاشراف + هدية على زوقه
في حال تخاذل يسحب الاشراف ويعود لرتبته
الفائز الثاني :
3000 مشاركة + ترفع رتبته




ابذلوا جهدكم الكل فيه يشارك حتى اهل 50 مشاركة فيكم تشاركوا
المشرفين انتو ممنوع صفوا على جنب وقيموا المشتركين في اقسامكم
يلا بدي حماس يخليني احتار مين الفائز واخليكم كلكم زرق ووردي