يا هو الكال عباس الوكع عالكاع!
مـاشـايف كـمر والكـاع شـايلته

لو ما غيرتك منهه تهاب ِاسباع
جا ما زينب الحره تجي ابخته

بالطف ترجمت قصة عشك بوداع
روحك لبو اليمه اشلون عاشكته

وكلام المرتضى وياك أبد ما ضاع
جان احسين بيدك مو علم شلته

وبيوم الطحت وياك طاح ابساع
صاح انكسر ظهري وصعبه سالفته

السهم باسك ابعينك ما اجه فزاع
مو قصده يصيبك دولباه وَكته

راد اينام بعيونك لكاهه اوساع
ما حب يبقى بيد الجان شايلته

الغيرة بالنفس ما تنشره وتنباع
وأنتَ غيرتك ياباَ الفضل فَلته

يل جَفك بحر واحتظن كل اشراع
ياباب الحوائج وِالكَرم اَنته

شنهي الماي لو ردته يجيك ابساع
بس عطشان جان ورحت شَربته

__________________
[SIZE="4"][B]تحقيق الامنيات يتطلب
[COLOR="DarkOrchid"]صبر[/COLOR], [COLOR="RoyalBlue"]امل[/COLOR] و[COLOR="Pink"]دعوة صادقة[/COLOR] [/B][/SIZE]

[cc=...]يا نسيم الريح قولي للرشا
ما سقاني الورد إلا عطشا
لحبيب حبه ملأ الحشا
ان يشأ يمشي على خدي مشا
روحه روحي وروحي روحه
ان يشأ شئت وان شئت يشا [/cc]