من عاشگ ترك البﻼد مجبور
يكتب والدمع يمطر ع السطور
ألك مشتاگ تدري شكثر يعراق
بكثر ويﻼدنه النامو بالگبور
تفرق عن اهلنه هواي هناس
مثل فرق الصحاري وحضن البحور
عدهم ستر ماكو ومايعرفون
حتى المو مؤدب عدنه مستور
اهنانه طيورهم ما تعرف الدين
وعلى اﻷشجار عدنه تصلي الطيور
ونعم عدهم قصور وراحة البال
لچن ماكو محنه بهاي القصور
ورغم بيوتنه مفطرهن العوز
لچن تلگه المحنه بنص الفطور
غيرة اعله الوطن ما عدهم اهنا
واحنه اعله الوطن غيرتنه عاشور
من الموت همه الكل يخافون
واحنه اعله المنايه ارواحنه اثور
دمهم بالجسد مايطلع بعيد
ودمنه اعله الشوارع دوم منثور
تدور ارواحهم يم الشياطين
وعلى ضريح الحسين ارواحنه ادور
ما يبچون دمعة اعله اليحبون
ودمعنه الحضرة العباس منذور
انهدم حيلي بغربتي وشيب الراس
وحسراتي اﻷذبهه اشجار تنور
شتاگيت البﻼدي ومن اﻻشواگ
احسن خاطري امن الشوگ مكسور
ماأصبر بعد ﻻ يشهد الله
راح ارجع رغم عالغربه مجبور
ﻷن بالغربه أنه الگيت اﻻجناب
ظﻼم ديارهم وعراقنه النور

__________________
[SIZE="4"][B]تحقيق الامنيات يتطلب
[COLOR="DarkOrchid"]صبر[/COLOR], [COLOR="RoyalBlue"]امل[/COLOR] و[COLOR="Pink"]دعوة صادقة[/COLOR] [/B][/SIZE]

[cc=...]يا نسيم الريح قولي للرشا
ما سقاني الورد إلا عطشا
لحبيب حبه ملأ الحشا
ان يشأ يمشي على خدي مشا
روحه روحي وروحي روحه
ان يشأ شئت وان شئت يشا [/cc]