السلام عليكم ورحمة الله وبركاته

احم احم هيدي اول رواية بقراها لاغاثا كريستي

خبرتني امي قبلا انو مستحيل الواحد يعرف المجرم بالقصة، بيتوقع يكون الكل الا هو وكنت عم فتش عن رواية الها من زمان عالنت لشوف كيف بتصير هالشغلة بس ما كنت لاقي
واخيرا وصلت القصة لعنا عالمنتدى لحالها ههههخ فصدي انت نزلتها عالمنتدى ههه المهم
لما اكتشفت مين المجرم الحقيقي بالرواية فنجرت عيوني من الصدمة هاهاها
وانا استغرب ليش هيك انفعل ستارك لما كان عم يحكي مع الممرضة بينيت وصار يتهجم عالميت، يعني حتى لو كاين شرير ومخبي هالشي من قبل، انسان تعرف عالعيلة صدفة ما كان رح ينفعل هيك، قلت غريب هالزلمة، الا بالاخر اكتشفت انو انفعل هيك بسبب كرهو إلو من البداية وصرت طبق كل تصرفات ستارك على والد الطفل الي انقتل بالحادث، لما دخل عالبيت وهيديك الهبلة اتهمت نفسها بالقتل وصرت فكر انو هو بيكون عم يتضحك عليها لان هو عارفها مش هي الي قتلت، واكيد بيكون ما قادر يسبر اغوارها من تصرفاتها لعلمو انو هو الي قتل مش هي، وبعدان لما اتهم والد الطفل بالجريمة، ليش عمل هالمسرحية العملاقة بعدني لهلاء ما فهمت، يعني كان عمل حالو قتلو ورجع زيف موتو، الا ما يتهم حدا من العيلة ويدخل حدا عالحبس ظلما!... متل موت جان المسكين مثلا...
اظن فقدت التسلسل، رح ارجع بلش من اول وجديد بدءً من العنوان:
الحادث: لكون صريحة ما عرفت شو علاقة العنوان بالرواية لحد ما خلصت قراءة الرواية واعرفت انو الجريمة الي صارت اول القصة وكل الفوضىالي عملتها كانت بسبب الحادث القديم، بالاول كنت مفكرة انو لما دخلت السيارة بالحفرة كانت السبب بتسمية الحادث لان هيك تعرف على العيلة وعلق العلقة هههه اما الحادث الاصلي فما اعطيتو اهتمام للظني انو كان مجرد قصة ملفقة حاليا لشويش الحقيقة
البطل ستارك: اول القصة ما فهمت مقصدو من مساعدة لورا، يعني استبعدت انو يكون عنجد مصدق انو هي الي قتلت، ظنيت بالاول انو هو شي مفتشاوشي شرطي وعم يكذب عليها احلى ما تخاف تقلو الحقيقة، بعدان لما شفت انو زعل لان اكتشف انو عم تعمل هيك كرمال جوليان وبطل بدو يساعدها كرهتو واحتقرتو، انو قبل ما كانت جريمة وهلاء صارت جريمة مثلا... وبالاخر لما اكتشفت انو هوالمجرم كانت صدمتي الكبرى هاهاها
لورا: بنت غبية بتتحمل جريمة كرمال تدافع عن مجرم، ما حبيتها، والصراحة اني مع جوليان، شفت ردة فعلو طبيعي لما نفر منها لما فكرها هي الي قتلت زوجها، يعني هيك بيقول المنطق، قتلت زوجها اليوم كرمالو وبكرا بتقتلو إلو كرمال غيرو...
ام الضحية استغربت منها، من عادة الامهات حب اولادهم تعمي عيونهم عن عيوبهم، بس هيدي الام كانت منيحة وعادلة، رغم انها بتحب ابنها الا انها عملت واجبها امام العدالة، من اكتر الشخصيات الي حبيتها
الممرضة بينيت كما اظن اسمها: هيدي كانت اكبر شكوكي تجاهها بسبب اجوبتها الي بتحيير، اجوبتها ما فيها جزم، باى وقت بتقدر تتراجع عن الشي الي قالتو او تتهرب بما انها ما اعطت اجابة واضحة...
انجل اكنر واحد كرهتو بسبب الابتزاز واصلا من الاول ما حبيتو، حسيتو ما بينطاق، مزعج والى ما هنالك بس ما كان في شكوك تجاهو ههههه
جان كمان كانت شكوكي كبيرة تجاهو كونه حب يحتل مركز اخوه بالبيت ويسيطر على اسلحتو، قلت هيدا اما واحد زكي وعامل حالو غبي وعم يلعب من تحت لتحت اما انو الله يعلم شو قصتو، يعني حبو للورا مع علمو انو لورا ما كانت تطيق زوجها وكرهو للضحية الي نسيت للراحة شو كان اسمو بس ذاكرة انو كان فيه حرف ش ههههه
المهم، زعلت عليه كتير لما مات وعرفت انو هو ما كان المجرم، مع انو يمكن هيدا الشي كان اريح للجميع...
جوليان ما عرفت ان كان يمكن اتهامه بالجريمة، رغم كل الدلائل الي بتدل عليه الا انو الكشف عنه ان مبكرا جدا، وبالعادة ما بينكشف المجرم اول الرواية او نصها، لذلك استبعدته، بس لما صارت تحكي لورا معو بطريقة بتاكد انو هو الي قتل خلتني اتاكد انو هو
وبعدان لما شفت جملة انو فهم من كلامها انو عم تحاول تتهمو فهمت انو مش هو وفرطت ضحك هههه وصرت فكر مين يمكن يكون وضعت من جديد هههه
حبيت ستارك لما اغاظو بسبب حزب الاحرار" هل مازال حيا" ههههه
حبيتالعيلة كيف كلها وثقت فيه وصارت تصارحو من غير ما يعرفو انو هو المجرم لحقيقي، ولما قالت العجوز انو علاقات الحب والكراهية ما رح تفرق معو وهو وزعل، فكرت بالاول لان بيحب لورا وتعلق فيها بس لما اكتشفت انو هو المجرم ولا حب لورا ولا شي اخر، بعدني عم فكر ليش زعل او تضايق؟ هل حبلورا فعلا ام انو انزعج لان الكل بيحب الضحية وهو بيكرهو بالرغم انو ما حدا كان يحبو، هالجواب بعد ما لاقيتو
اخر مقطع لقيتو ما كتير صح لما صار يخبر لورا بالحقيقة، هو كان عم يحكيها عاساس مجرد نظرية اما هي بينت كأن عارفة انو عم يحكي عنجد ومأكدة انو والد الطفل الي مات ابنو بالحادث ( كماننسيت اسمو) المهم من كلامها لما قالت: مبين عليك بتعرف كل شي، بين عليها كأنها متيقنة من انو الكلام الي عم يحكيه ستارك حقيقي 100٪ وهي عارفة فيه واستغربت انو ستارك عارفبكل التفاصيل، بينما هي اصلا كانت مفكرة انو هيداك ميت ومفكرة انو كلام البطل مجرد نظرية شبه مستحيلة بتصير عادة بالقصص والافلام، والاغلب انو لو بدو يكون حدا كانت رح تكون اما الممرضة اما جان او حدا تاني بالعيلة، يعني احتمال اقرب، ممم اظن هذا كان ردي، اتمنى ما كون نسيت ضيف اي معلومة كانت خطرتلي ونسيتها
هههه على فكرة هاي اول رواية بقراها بحياتي بيوم واحد
اقل رواية اخذت معي 3 ايام
اما ان الراية قصيرة اما اني صرت سريعة بالقراءة
بانتظار رواية جديدة من اغاثا . بكرا بدي اطلب منفلوريسا تعمل مسابقة جديدة لتنزل رواية جديدة هههههه
اسفة اجا الرد متأخر بس لفضيت لقدرت اقراها ورد

في امان الله

__________________