| السلام عليكم ورحمة الله وبركاتو
كيفكم يا جمعة الخير
اليوم بدي احكيلكم عن بعض الشباب
هلاء هم بجموعة او فئة
وهم بعض الذكور المتهورون
هلاء لما يجيلي واحد يسئلني ليش بصير في مشاكل بعد الزواج مش قبله مع انو في مشاكل قبل وبعد وخصوصا في علاقة بين الزوجين
هلاء راح نبلش بهاد الشب المعتوه ابن الحمار لبجي وبصير يحط كذبة فوق كذبة ويعطيها لخطيبتو ولما يتزوجو بتنكشف كل كذبات الزلمة فبنقهر ونتيجة لانو انقهر بصير بدو يفرغ غضبو وعصبيتو علي زوجتو لهيك بتصير مشاكل ولهيك بصير في طلاق من وراء الكذب
مو بقولك المثل (حبل الكذب قصير)ههههههههه
اما النوع الثاني فهاد قبل ما يعرفني طبعا انا ما بكون بعرفه بس لما يشوفني الاخ بنعجب فيني وبصير يحبني هو هاد مش غلط
بس ما بضرب علي عصبي وبجبلي الجلطة انو مش حاكي معي وفجئة بنط قدامي وبقولي تتزوجيني
ياخي ليش جاي تسئلني هو ابوي شو قاعد بعمل بلبيت
طلطميس يعني ولا مجرد سور للحديقة
ليش ما بتسئل ابوي ولا جاي تتاكد من جوابي قبل ما تسئل ابوي مشان تبقى عارف شو راح اجاوب ولا جاي تفرجيني حالك مشان اوافق ولا شو بضبط قولي يا خي شو
واما النوع الثالث
فهاد النوع انا بحبو
بجي واحد بصير يحب وحدة بوقعها فلبنت بتحبو وبعديها بقرر يتزوج فلبنت بترفض لانها لساتها صغيرة او في سبب معين فبجي هاد لحمار بقعد وبصير يقنع فيها ولما يشوفها ما اقتنعت بروح يخطب وحدة بحياتو ماهو شايفها ويصير يقاهر بحبيبتو السابقة
يعني بالله عليك هسا البتعملو راح يأثر علي قرارها ولا راح تصير تعيط دم ولا شو بضبط
هسا هلبني ادم هاد بكون مفكر انها راح ترجعلو وتترجا انو ما يخطب بس هي طبعا ولا سائلي فيه المسكين بعمل وبخطط علفاضي هههههههههه
اما النوع الرابع
فهاد غير بس بفكر بلمال
هاد النوع طبعا بيكون طفران وعندو عم هسا هاد العم ملياردير
فبصير الشب يسمم عمو شوي شوي لحد ما يموت عمو وطبعا بيكون عم يتقرب من عمو مشان عمو يكتب الثروة في اسمو
ولهيك بس تجتمع العائلة حتى تقسم الورثة فبطلع العمو لشاب كاتب كل الثروة فاسم زوجتو بنقهر الشاب وبطلع منو انو يتزوج مرت عمو هو مشان المال مش مشان مثل ما بيقول يستر عليها ولساتها صغيرة وما الي ذالك
فبصير الشب كسبان علي جميع جهات
بس انا نفسي اعرف شو بدو بزوجت عمو ماهو اصلا مثل لشترا علبة كولا ثمنها 5 دولارات بس اخذها بدولارين بس بلاخير طلعت علبة الكولا من تحت مخزوقة وبتسيل ههههههههههههههه
هاد النوع الصراحة جايبلي الجلطة
علي كل حال راح القاقم في حلقة جديدة ان شاء الله
__________________  |