السلام عليكم و رحمة الله و بركاته

كيف الحال ؟

هل تعتبر البكاء دليل ضعف ؟ أم دليل على الظروف السيئة ؟


بالطبع دليل على ظروف سيئة، فالذي لا يبكي صاحب القلب القاسي وليس القوي


مثلاً بالنسبة لمن تراه يبكي مالذي يخطر ببالك أوّلاً ..
هل هو ضعيف وعديم التحمّل كالبكاء على عدم حصوله على درجة جيّدة في الدراسة ؟
أم أنّه يمرّ بظروف قاسية كحادثة وفاة لشخص مقرّب أو خسارة فادِحة في البورصة ؟



الصراحة اذا شفت شخص ما بعرفو عم يبكي ما بفكر بولا واخد من الخيارين، انما بتساءل، ليش عم يبكي هالانسان وبدعي الله حتى يساعدو اذا كان الي بيه شي خطير


مالذي يجعلك أنت تبكي ..؟
وفاة صديق مقرّب, أو احتراق منزل أو رسوب في أحد المواد الدراسية ؟

هل تستغرق أكثر من ساعة في البكاء المتواصل ؟
أم مجرد نصف ساعة ؟ أو أكثر من ساعتين ؟



الصراحة والحمدلله لم اجرب احتراق منزل وان شاء الله ما بتصير معي، قبل ما يموت والدي ماتو شخصين مقربين مني، شخصان كنت عزهم كتير، بس ما قدرت ابكي عليهم ما بعرف ليش، ما بعرف اذا من الصدمة او لان ما حبيت ابكي ادام اهلي بس ما قدرت ابكي عليهم وقتها، بعد بفترة بكيت عليهم بس كم دمعة ما كتير، وصلت معي لدرجة اني لما مرض والدي فكرت حالي ما رح ابكي عليه ويصير معي متل ما صار مع هوليك الاتنين، الا اني بكيت على ابي قبل ما اعرف بوافاته، لما سمعت عمومتي عم يحكو عن الغسل والكفن وهول الاشيا وتصورت انو عم يحكو عن ابي وصرت ادعي الله اني كون غلطاني وما يكونو حكيهم عنو ووقتها بكيت وانصدمت من حالي، اما بالنسبة للبكاء كرمال ما اخدت درجة جيدة بالدراسة فاكيد ما ببكي على هالشي للن متعودة عليها، كل عمري اكترية علاملتي تحت المعدل، شي طبيعي بالنسبة الي


وبالنسبة للفتيات .. هل حلق شعر رأسكِ بالكامل لسببٍ ما أو قصّه خاطئة بعد أن كان طويلاً يجعليكِ تبكين ؟
بالنسبة للطلاب .. هل الرسوب في أحد المواد قد يجعلك تبكي ..؟


لما كنت صغيرة صارت معي الشغلة، امي كانت تحب تطول شعري، ومرة كنت بدي روح عند حدتي لنام عندها اسبوع، وامي توقعت انو تصير جدتي بدها تقص شعري لان عملتها قبل باختي الاكبر مني، فامي وصتني انو اذا حدا بدو يقصلي شعري ما خليه، ومتل ما توقعت امي صار واخذتني جدتي عالكوافيرا وانا قلت لها اني ما بدي قص شعري، قالتلي بس بدنا نزبط الاطراف، ولما باشت الكوافيرا شغل وطلعت عالارض وشفت خصل طويلة بلشت ابكي، شافتي جدتي والكوافيرا وانصدمو مني هههه المهم انو ما بعرف اذا بكيت لان قصت شعري او لان كنت خايفة ما تزعل مني امي لان خليتهم يقصو شعري
بس لما كبرت شوي صرت بدي قص شعري واني تقلي: اذا بدك تقصي شعرك احلقي عالصفر، هي اكيد ما بدها اياني قص عالصفر بس بتعرفني ما رح اعملها هههه بس حاليا ما اتوقع اني ابكي اذا قصيت شعري عالصفر، بعتبرها تجربة جديدة هههه

هل تعتقدون أن البكاء خزي وعار ويجب عليكَ ألاّ تبكي أبداً مهما حدث ؟
هل تخبئ دموعك ولاتسمح لأحد بأن يراك ضعيفاً ؟
أم أنّك تسمح لنفسك بالبكاء عند المقرّبين كالأصدقاء ؟


لا ما اظن اني البكاء عار، بالرغم من هالشي ما بحب ابكي ادام حدا حتى لو كان هالشخص زوجي

هل تبكي حينما يعاتبك أحد ما أو يشتمك بكلمات قبيحة ؟
هل يبكيك التصرّف الفظ و التعجرف تجاهك من الأشخاص الذين تحبّهم ؟

..

قد ابكي ان عاتبني احدا اعزه واحترمه لان خيبت ظنه في او شي هيك، بس اذا قلي كلامات قبسحة هالشخص رح يفقد احترامو عندي وكلامو معاش رح يأثر علي اصلا
اما بالنسبة للسؤال الثاني فلا لاني اصلا ما بحب الناس المتعجرفين، لذلك لن اجد شخص احبه متعجرف كي يبكيني تصرفه المشين

نه

أو أن تبكي أمام معلّمك حتى يزيدك بالدرجات ويمنعك من الرسوب ؟
أم أنّ عزة نفسك أكبر من أن تسمح بهذا ؟



قد ابكي امام احد المعلمين رغما عني لكن بالتأكيد ليس لهذارالسبب والعياذ بالله، ربما كما ذكرت سابقا، ان توقع مني معلمي ان تكون علامتي افضل مما حصلت عليه وعاتبني او سمعني كلمي مزعجة يمكن ازعل وابكي لكن لان هاب ظنه في ليس الا




هل تعتقد بأنّ هناك من لايبكي أبداً ؟ سوى الأطفال !!
وأنّ الرجال لايُفترض بهم أن يبكوا حيث أنّ ذلك يقتصر على النساء ؟



كما قلت سابقا، لا يبكي الا صاحب القلب القاسي المتحجر والمتمسح
ه


هههههه لشو كل هول ااسئلة عن البكاء؟
على كل ابعد الله عنكما الايام المريرة ولا جعل في عينيكما الا دموع السعادة
شكرا عالموضوع
فضفضت فيه شوي من كآبتي هههه

[/size][/font]