عيون العرب - ملتقى العالم العربي - عرض مشاركة واحدة

BOSS of BAGHDAD · #1 04-30-2008, 02:12 PM

هلو
شلونكم
اخباركم
وهم هلو
وهم شلونكم
كافي
هذا شبي يضحك >>>>

هسه نجي على اهم العبارات العوراقية:

تريد الصدك لو ابن عمه = مقدمة لكذبة من حجم عائلي

ما اطول عليكم السالفة = جملة محشورة داخل قصة يزيد عدد كلماتها عن 10000000000 كلمة

وما نشوفلك إلا = يعني موسيقى تصويرية قوتها 7,9 على مقياس ريختر لقصة سخيفة

وما كذبت خبر = عبارة لنفش العضلات وبداية لكذبة ورسم بطولات ما حصلت إلا بالخيال

انت بعدك متعرفني زين = تقال عندما يشعر المتكلم انه تبهذل وانمسحت كرامته بالكاع

الله يستر عليها = تقال بعد نهاية كل قصة تم فيها نشر جميع بنات المنطقة وصديقات بنات المنطقة ع الحبل

والله مكانك خالي وتمنينا تكون ويانا = تقال لحرق اعصاب المستمع واذلال شعوره

بس انت بصراحة يعني لا تزعل مني = مصطلح يهيئك نفسياً لسماع مسبة ولكن بطريقة مؤدبة

اني والله ميهمني = تدل على اهتمام المتكلم حتى الموت بالموضوع

هسه شعلينه احنه = نهاية الحديث البايخ الذي يتكلم فيه على غيره بما لا يخصه

الله كريم وان شاء الله ما اقصر وياك = بعبارة اخرى ..انسى الموضوع

بس لا يروح فكرك بعيد = يعني سوي نفسك مسمعت كل البلاوي الي حجيتلكياها

والله لو ادري ولا اعوفك = عبارة لتحميل منية ببلاش فوك الهم ال اكله .

تحياتي