| "أيامنا المتتعوض"
احب الإيجابيين غير الفضوليين ..
اللي م تفرق عدهم اذا عرفت معلومة عنك او لا
اللي علاقتك بيهم علاقة حلوة و عظيمة .. علاقة صداقة ابدية .. ممكن تستفيد من عدهم و ممكن تستفاد من عدك و ممكن اصلا استفادة ماكو
اكدر أسميهم ناس مريحين؟
يسمعولك من تحتاجهم .. يتفهموك .. اذا ضروفك صعبة يوكفون وياك ..
و اذا مار بفترة سعيدة يفرحولك و يتمنولك الخير من كل گلبهم
ناس تحس داير م دايرهم هالة رقيقة من التالق و بنفس الوقت بسيطة و غير متصنعة ..
عدهم "غموض" يعني عدها اساسيات بحياتها تخليها لنفسها .. و بنفس الوقت تحسهم "شفافين" بلطافتهم ❤
م يجبروك تحجي وياهم .. يخلوك على راحتك شوكت ما تريد تسولف وياهم تلگيهم موجودين يساعدوك و ينصحوك و يجوز ينطوك جزء من تألقهم اتگوم تسولف بسوالفهم و تحجي بحجيهم من هلكد ما معاشرهم .. يجون بالبال و تشتاقلهم من صارلك فترة مـَ شايفهم تروح راسن تفتح التليگرام او الماسنجر و ادزلهم هلو 🙈 🌚
ممكن حتى بس اتگللهم يابة ترى اشتاقينالكم
و اشتاقينا لسوالفكم و شخصيتكم الحلوة 🙈
شتاقينا للايام اللي جنا بيها كل يوم الصبح وحدة اتشوف اللخ؟ صح ردناها تخلص ..
بس هسة نريدها ترجع
شتاقينا من جنا نكعود نفس الرحلة؟
الحجايات و المواقف و كلشي بمدرستنة ؟
ايام الصدريات النيلية و القميص الفانيلة الابيض
و الحذاء البوتين و الجنطة و الكتب و الدفاتر و المحفظة 😂
المديرة و المدرسات و الامتحانات ..
صديقات الثانوية و السنين اللي يمكن حـَ أتظل ابالنا محفورة نقارنها بكل مرحلة من مراحل حياتنا ..
الي قبل هاي الفترة و اللي بعدها .  |