شعر رومانسي
يا عمري الدّنيا ما تسوى تنام وخاطرك زعلان

ولابه شي يستاهل يخلي قلبك يعاني

طلبتك كان لي خاطر تبعد عنك الأحزان

فديت عيونك الحلوة تبسّم لو عشاني

حبيبي صار لي مدّة أشوفك تايه وحيران

وأنا والله لا شفتك حزين تزيد أحزاني

أنا أحبّك ولا ودّي تعيش بدنيتك ندمان

ترى الأيام محسوبة وتالي هالعمر فاني

تصدق بسمتك والله تفرح خاطري الولهان

يطير من الفرح قلبي وأصير بعالم ثاني

وإلى من شفتك بضيقة أحسّ إنّي أنا الغلطان

أعاتب نفسي بنفسي ولو ما كنت أنا الجاني

غلاك بداخل عروقي ولا يوصل غلاك إنسان

يمرّ الوقت ويثبت لك غلاك إن الله أحياني

أضحّي بعمري لعيونك تنام أنت وأنا سهران

ونادي جروحك لقلبي تجي واحد ورا الثّاني

قتلتني الابتسامة الحزينه التي ارتسمت على شفتكِ

ويقتلني هذا الوجع القادم من عينيكِ

كم تمنيت أن أمتلك حروفَ قلبكِ

وأقتل ذاك الصّمت القادم من حنايا صدركِ