03-10-2016, 09:05 PM
|
| |
اهلين اسفه كان عندي اختبار وما قدرت اوضح
الي كنت اقصده انو فيه مقابله مرت عليا او مقابلتين اتوقع فيه شخص قال لكيشي او المفهوم من كلامه لاني مو فاكره المقابله نصا
المهم الشخص مفهوم من كلامه انو مو عاجبته النهايه مع دي الثنائيات
فرد عليه كيشي
هل تفضل ساكورا مع ناروتو ؟
ليش كيشي قاله دا السؤال ؟؟
انا وبنت في تويتر قعدنا نتكلم في دا الموضوع ونحلله من عده جهات
الجهه الاولى انو كيشي يسأله كسؤال فضول او سؤال معرفه للمعلوميه
لاكن عيب هاذا الحيز انو ساعتها كيشي نفسه ما بيكون مقتنع بالنهايه الي هوا سواها الشخص المقتنع بقرار اتخده مابيقعد يسأل الناس هل كنتم لتفضلون لو سويت كدا كانه هوا نفسه مشكك في الموضوع وانا متاكده 200% انو كيشي ابد مو مشكك في قراره الي كان متخده اساسا من بدايه المانجا
الجهه الثانيه انو كيشي يستهبل مع الشخص دا زي الي يقول له انت من جدك تبغى ساكورا مع ناروتو ؟!
فيه ناس بيشوفو دا الاستهبال للشخص نفسه الي تكلم او على تفكيره يعني
برأي هذا غلط
اولا لانو كيشي يقدر الناروساكو كثير و زوجته الي هيا زوجته ناروساكو يعني نو واي يستهون بتفكير دي الفئه وهما الاكثريه والاغلبيه خصوصا في مجتمع كيشي اليابان بصراحه والحق ينقال
الناروساكو كانو قوه ما يستهان بيها
لاكن كيشي لانه كان مقرر من البدايه ورؤيته كانت ساسوساكو فما بيتراجع عن رؤيته بس بسبب الي يحيطون بيه واغلبيه الفانز !! لاكن مو معناه ما بيقدر تفكيرهم او يستهون فيهم
الجهه الثالثه انو كيشي يستصغر شخصيه ما من الاثنين !
انو كيشي يستقصد ساكورا هنا بشئ سئ وانها مو في مستوى ناروتو زي هيناتا
او زي ما بعض الناس يشوفو انه يستقصد ناروتو انه مو في مستوى ساكورا زي ساسكي !!
وبرأي برضو غلط
كيشي اعترف وبنفسه انو من قوه تاثير المحيطين بيه وكميه او عدد فانز الناروساكو الكبير كان في فتره من الفترات فكر يخلي ناروتو لساكورا فعلا !!
يعني كيشي مو شايف احد منهم اقل من الثاني ومو مستوهن فيهم الاثنين واحنا اصلا كفانز طبيعين عارفين دا الشي بدون دليل او حتى كلام كيشي المشكله في الامراض النفسيه الي ايش ما انقال وانحكى ما يفهمو 
المهم ما علينا
البنت الي دار بيني وبينها الحوار تتفق معايا على اخر اثنين بس برايها هيا انو الاولى هيا الي كان يقصدها كيشي يعني كان فعلا يسأله وهيا فعلا يمكن كدا لانو لها النسبه الاكبر من ال3 جهات الي قلتها
بس بالنسبه ليا عندي رأي ثاني
الحين ليش كيشي سأله علطول هل كنت لتفظل ناروتو مع ساكورا ؟!!
ليش ما قال اي شخصيه ثانيه !! ليش قال ساكورا بالتحديد وناروتو
اقلكم ليش لانو ساكورا هيا العنصر العاطفي في القصه مهما طلعو ومهما قالو مثيرين الشفقه
ساكورا هيا التركيز العاطفي لكيشي في مانجا ناروتو
اجيبلكم هيا من الاخر
الكل عارف انو لو ساكورا ما انتهت مع ناروتو بتنتهي مع ساسكي
وانو لو ساكورا ما انتهت مع ساسكي بتنتهي مع ناروتو
وانو لو ساكورا ما انتهت مع اي واحد فيهم مافي اي ثنائي بيتحقق اصلا !!
فالنقطه المهمه هنا هيا ساكورا
عشان كدا لمن شخص يجي يقلك انا ما كنت راضي عن دا القرار
انت اكيد بتفكر انو القرار الثاني هوا الي كان بيعجبه !!
فهنا كيشي برايه القرار الثاني هوا ساكورا مع ناروتو !
يعني مافي ثنائي ثاني كيشي محطيه في باله
القرار لكيشي في الثنائيات مو مين بينتهي مع ساسكي ومين بيتهي مع ناروتو لا كان ساكورا بتكون مع مين !!!
ومن هنا يبدا يشوف البقيه
بالنسبه لكيشي كان من البدايه مقرر الساسوساكو وهما الثنائي العاطفي له ولو رحنا للتسلسل الزمني في المانجا ومن البدايات كيشي اعترف انو لحظه وداعهم وخروج ساسكي من القريه كانت لحظه قعد يفكر فيها ولفتره واطر انه يسأل انثى من مساعدينه كيف ممكن انه يركبها بالطريقه الشاعريه الي بغاها لانو مافي احد يفهم في دي المواضيع اكثر من الحريم !! لو كان مهو مقرر دا الثنائي من البدايه ما كان في كل موقف لهم يضرب له الف حساب قبل ما يرسمه !!
لاكن فلنقل انو الظروف المحيطه اثرت والناس والفانز و بداء يفكر بالناوساكو كالثنائي الاخير
طيب ليش انا ككيشي مااسوى الي بغوه واخلي ناروتو ينتهى مع ساكورا ؟!
لاكن كيشي فعلا انسان قوي ولمن يتخد قرار في المانجا يتخده بطريقه عقلانه يعني بالله الشخص الطبيعي الي يشوف ساكورا في بدايه المانجا وعلاقتها مع ساسكي ويشوف لحظه وداعهم ايش بيقول لمن يشوف اخر المانجا تكون مع شخص ثاني !! فيه حفره في الوسط ايش ما لف ودار ما بيقدر يعبيها !! لو انتهى ناروتو مع ساكورا
كيشي ما وده يسوي تناقض في مانجته وزي ما قال انه يعامل شخصياته كانهم ابنااء له فالوضع مو طبيعي لو قرر ساكورا تنتهي مع ناروتو
فبدال ما يمشي على الي يبغوه الاغلبيه وبدال ما يهرب من كل دا ويخلي النهايه مفتوحه ! لا
بذل كل جهده انه يقنع الناس بالثنائي الي اختاره وانا اقدر له دا الشي كفنان !!
واتوقع وقتها قرر انو ناروتو لازم برضو ينتهي مع احد ويكون عيله مو بس عشان تكمل سعاده ناروتو كشخصيه لاكن عشان فانز ناروتو نفسهم الي بيشبو النار لمن يلقو ساسكي و ساكورا ينتهي مع
بعص وناروتو مسحوب عليه في الموضوع العاطفي
فهنا قرر بما انو كان عنده استبنى من زمان اسمها هيناتا
وهيا عباره عن لصقه جونسون المتحركه لناروتو
ليش ما احول دي اللصقه لشي مفيد واخلهيا على الاقل تخفف من النار الي بتشب من حدوث ثنائي واحد بس وهوا الساسوساكو وانها تكون هيا الي مع ناروتو
وبداء يمهد للعلاقات وبداء وخصوصا في الحرب الرابعه للنينجا يقنعنا بثنائياته ويحط اسباب ومواقف عشان الناس يبداؤ يتقبلو
طبعا المشكله يا كيشي مو في الساوساكو لانو هذا جدوره متاصله من بدايات المانجا
المشكله في الثنائي الثاني
الي جذوره شبه وهميه بس دي ما كانت بتكون مشكله كبيره لولا انو فانز دا الثنائي صدقو نفسهم من ذوي الجذور الحقيقيه المتاصله العميقه وقامو يهايطون بثنائيهم الي كيشي نفسه معترف انو جذورها وهميه تكونت في وسط السلسله !!
النقطه المهمه هنا
انو كيشي سال السؤال كرد طبيعي وفوري زي مثلا ....اختك قالت ما عجبني دا الفستان الاخضر ... فتردي يعني اللون الاحمر عاجبك اكثر ؟..... انتي ما بتغيري قرارك عشان ميولها ا او اعجابها ولا الموضوع يهمك كثير لانك ما سألتيها اساسا من البدايه .....وهيا ابدت رايها من نفسها ....
لانك اوريدي اتاخدتي قرارك بالفستان الاخضر .....لاكن ردك فوري انو طلما ما عجبها الاخضر اكيد الاحمر هوا الي عاجبك ! ....
بما انو هدا الشخص مو عاجبته الثنائيات فاكيد الثنائي الاقوى هوا الي مو عاجيه الي هما الساسوساكو ؟ فهل انت تفضل الناروساكو ؟
حلقه الوصل القويه بخصوص الجزء العاطفي او الرومنسي في ناروتو هيا ساكورا ولا احد غيرها
دوليك الاضافات والثانويات الي اسمهم هيناتا و كارين مسحوب عليهم من كل الجهات ومهم في الاعتبار اساسا لدرجه انو كيشي برأيه لو احد كره النهايه لثنائيات ناروتو بيكرها لانه يبغى ناروتو لساكورا فقط ....
كيشي ما فكر باي شخصيه ثاني ولا باس اسباب ثانيه !! لدي الدرجه كارين وهيناتا مالهم اي داعي في الحياه !!
ليش ؟؟
لانو دول الشخصيات مهم مهمين برأيه لدي الدرجه عشان احد يحطهم في الاعتبار !!
يعني دول الاستبنى قاعدين له قاعدين له ماحد بيهتم فيهم!!
ولو فيه احد كان فعلا وجدا مهتم بيكونو اقليات الاقليات اكيد !
ناس حالتهم مستعصيه ليش ممكن كيشي يلتفت لهم او لرأيهم او يفكر فيهم !!
على الاقل الناروساكو كانو اقوياء كفايه انهم يخلو كيشي يفكر فيهم
الساسوساكو ملوك مهم محتاجين يعملو شي لانو من البدايه وكيشي يفكر فيهم
اما الناروهينا المساكين كانو نتيجه قرار كيشي بالساسوساكو وبعدها فكر هل اخلي ناروتو لحاله ولا لا ؟ اقلكم عندي الاحتياط اللصقه هيناتا ليش ما احطها لناروتو وبس ؟
الناروهينا وضعها كيشي كاحتياط وكشئ ثانوي قرره بعد فتره
الناروهينا لم ولن يكونو ابدا محور تفكير كيشي مثل ما كان الساسوساكو
لانو كل شي عباره عن ثانوي وتكميلي معهم !
ثنائيهم عباره عن ثنائي ثانوي فكر فيه بعد نص المانجا !
شخصيتهم هيناتا عباره عن شخصيه ثانويه رغم قصه حبها واعجابها لاكن ما فكر حتى يخلي دا الشي حقيقي الا بعد فتررررررره !!
ابنائهم عباره عن شخصيات ثانويه وبروتو الي حاولو بكل الطرق يخلوه بطل ..... ما قدرو يغيرو بصمه الثانويه الي ماخدها من امه !
__________________ عندما تجتمع القوه والحياه
عندما يجتمع بطلين
عندما يجتمع وسيم وجميلة
عندما يجتمع شرطي مع طبيبه
عندما يجتمع رجل نينجا وزهره ساكورا
عندما يجتمع الكحلي مع الزهري
عندما يجتمع الصيف و الربيع   |