| اهلا بالمازوزية
تفكرت بكري خلاص كي كنت في الثانوية
وكنت نقعد في الطابلة الاولى مقابل السبورة
ايا في حصة الفرنسية كانت الاستاذة تكتب على السبورة قدامي
ايا القسم ساكت وكل واحد يكتب في كراسو
ايا جات هدرة في هدرة هدرت انا وصاحبتي بالشوي على واحد القاطو
ورسمتهولها في ورقة وقلتلها هذا يسموه شوارب المناعي
ايا هي قالتلي لا لا هذا يسموه صباع العروسة
ايا انا قلتلها لالة شوارب المناعي
وهي لالا صباع العروسة
من الهدرة شوي على صوتنا انا وهي شوارب المناعي لا صباع العروسة
صدتلنا الاستاذة وقالتنا لا شوارب المناعي ولا صباع العروسة هذا بقلاوة
ايا اكتبو الدرس
الغاشي طرطق بالضحك علينا
كانت واحد البخصة تاع العمر |