| كيما في الدوار اللي تسكن فيه خالتي
واحد الكرمة قديمة بزاف
انا نفسي كي نفوت عليها وقت المغرب نحس بالرهبة
مصونينها بسياج قديم
هذيك الكرمة ساكنة فيها ام السيورة الجنية المشهورة
بكري دارت افعال رهيبة في سكان الديار اللي مجاورة ليها
حتى انها تتنكر في هيئة جارة من الجارات وتروح لاحد الجارات وتقوللها اعطيني المطحنة وتزيد تتنكر على زي جارة اخرى وتروح للجارة وتقوللها اعطيني القصعة تاع العود وهكذا تتنكر بزي جميع الجارات وتطلب منهم اواني وادوات يستخدموها
وبعد ايام كل جارة تروح لجارتها وتقوللها رجعيلي القصعة والاخرى تقوللها لا لا انتي اللي ديتي من عندي المطحنة
لدرجة توقع خلافات بين الجارات
ايا واحد المرة كانو الاولاد يلعبو تحت الكرمة هذيك وهم يحفرو تحتها لقاو كل الاواني والادوات اللي ضاعت من الجارات القصعة والمطحنة وغيرها من الاشياء
وعيطو للجيران باه يشوفو ثم عرفو انها ام السيورة اللي ساكنة الكرمة هي اللي دارتها باه توقع الفتنة بيناتهم |