| هاكم قصة حكاتهالي صاحبتي قرات معايا في الجامعة
وهي من بوسعادة
حكات على باباها كان بكري مجاهد في وقت الاستعمار
وكان هو وصاحبو في مهمة نقل اوراق مهمة للمجاهدين من منطقة لمنطقة
ايا وهم يمشو وصلو لواحد المنطقة
لقاو فيها بحيرة صغيرة ومنزل على الطراز الغربي خشبي قديم اظن بناوه معمرين قبل ما يخرجو من المنطقة
كانت المكان جميل جدا
ايا كي جاو داخلين لهذاك البستان اللي في بحيرة صغيرة
لقاو نعجة يديها القداميين غارقين في ضفة البحيرة
وقاعدة تبع بع وتحاول تسلك روحها من الغرقة
ايا شفتهم مساكن وراحو ليها باه يخرجوها
المهم شدوها من رجليها اللورانيين وقعدو يسحبو فيها باه تخرج
بصح ماتتحركش خلاص وهي تبع بع وتعاود
المهم وهم يحاولو بكل قوتهم وهي تبع بع
بعد لحظة سكتت النعجة
وكا شافو فيها لقاوها تبسمت وناضت تضحك
وبداو رجليها يطوالو يطوالو يطوالو حتى وصلت للسحاب
ايا عرفوها انها ام السيورة ايا هربو يجرو من الخلعة
طلعت هذاك البستان مسكن ام السيورة
وتحاول تصطاد ضحايا كي تتنكر على هيئة حيوانات اليفة
|