| مرة ثاني حكات صاحبتنا في الجامعة
وهي من مدينة مجاورة
قالت كانو الشبان يلعبو في ماتش في الحارة
وكاينة ارض مش مبنية غير فيها حيوط اربع فقط ومرتفعين
ومول الارض المش مبنية هذيك شرا كبش تاع العيد وحطو فيها
حتى يوصل نهار العيد يديه للدار تاعو
ايا كل ليلة يسمعو الكبش يعيط
والصباح كي يروح مول الارض ويدخل باه يتفقد الكبش يلقاه مطايش في الارض وينهج ومرعوب وكانو واحد يضرب فيه
ايا تكررت القصة
وفي وقت المغرب كانو الشبان يلعبو في البالون في الحارة كيما قلتلكم
ايا ضربو البالون طار لفوق وطاح في هذيك الارض المحوطة
ايا واحد من الشبان تطوعوتسلق الحيط العالي ونقز للارض
وكان المكان اظلم شوي
ايا راح للبالون باه يهزو هز راسو وشاف في زاوية الحيط لقا حاجة كحلة تخزر فيه ورايحة تهاجمو
ايا المسكين من الرعب
نقز طلع فوق الحيط ولاح روحو للشارع طاح تكسر من الفجعة واللي شافو في هذيك الارض
طلع جني ولا واش هو اللي كان ساكن ثم |