| الا كنتو تتذكرو قصة الملك العريان
منين جاوه نصابين وكذبو عليه وقالولو اعطينا الذهب والحرير ونخدمولك لباس الغبي ما يشوفوش
وخلاو الملك عريان وهو عاصر قارص على قلبو ومصدق انها ملابس يشوفها غير الذكي خاف لا يقولو عنو غبي
وشفتو واش صرا فيه قدام شعبو يمشي عريان والشعب والوزراء تاوعو والحاشية باه ما يظهروش بمظهر الاغبياء قررو يصدقو انها ملابس جميلة مع انو الملك مش لابس حتى حاجة
حتان ظهر بينهم طفل عاقل قال الملك عريان
هنا هذي المدارس ثاني تكذب على النماس انو ما يقدر اللوحة غير اللي عندو عين فنية ممتازة
والناس تخاف انهم ينظرو اليهم بدونية ايا يقلك لوحة ممتازة ويلعبوها متاثرين مع انها حاشاكم ماتسواش كوش موسخ تاع طفل صغير
المهم ما يقولوش عنهم انهم ماعندهمش ذوق او عين فنية
نفس الشيء يسري على الموضة واي شيء يتاجرو بيه
دعاية زائد كذبة زائد غباء الناس والملايين تمشي |