28/5/2016

كان يوم جميل مع احللى ناس
بحب المعلمة اللي بتحس بطالباتها وطلابها وتتذكر معاناتها وما بتحب حدا يعيش اللي عاشته
المس ميسان اكتر معلمة منيحة ورحيمة ، هي صغيرة بالعمر بس خبرتها كبيرة وواسعة
هلا السنة هادي الغت الوزارة الرحلات نظرا للأوضاع والانتفاضة خوفا على طلابها
عأساس يعني ، المهم المس ميسان بعد الامتحانات النهائية قررت تعمللنا رحلة عاساس انه ننبسط
ونطلع من جو الدراسة، رحنا على ثلاث مناطق او ثلاث مدن ، ميجا لاند ، واد الباذان ، حديقة حيوانات قلقيلية
طبعا مو كل صاحباتي أجو بس أجت دعبل وأختها ، سلسبيل ، هديل وربى وبنات من صفنا
وبنات 11 علمي ، المهم قضبت أنا وربى الرحلة نقصف هديل جوي وبحري
ليش لانه سمحتلنا ، ولا احنا بالعادة بنمزحش معها بلاش تزعل ، صحيح هديل بتكون بنت عم ربى
وبما انه ربى انتقلت من مدرستنا فانا باعتبار شفتها بعد فراق سنة
كنا ثنائي قاصف للجبهات ما عليتا بدي استثني قصة الباذان و حديفة الحيوانات
واروح للملاهي وللحدث الهبيلة اللي صار معنا
معروف بالميجا فيه سفينتين وحدة كبيرة واللعب عليها بتجنن بس كانت عطلانه والتانية مش عارفة ليش حاطينها
المهم كان لازم نركب على السفينة لانه هديل بدها مع اني ركبت عليها مع اية وكمان بنات
بس هديل كانت لسا بتصلي اضطريت أعيد اللعبة معها
المهم هلا لما ركبنا اول نرة الشب اللي بشغلها حكالنا هادي اللعبة هبلة ، يعني بايخة بالعربي
وانا حكيت لهديل بس ما اقتنعت ، ركبت جنب ربى ،
بلش ترتفع والناس بتصرخ وفي خايفين ، أنا بطلع على ربى وبحكيلها خافي فضحتينا
ربى : سخيفة ليش أخاف .
أنا : خافي اعمليلي جوي وهيك زي الهمر والالعاب هديك
ربى : استني أخاف شوي بس .
للامانه لعبة سخيفة جدا

في لعبة اسمها البرج وهادي لازم تكون معك اسوارة اغلى لتلعب عليها ،
[]//
هادي اول ما وصلت اخدت جماعتي وانا احكي بدي العب عليها ، هي عالية كتير
ما علينا اكتر لعبة حبيتها ، المهم صاحبنا الشب اللي بشغلها نشف ريقنا يختي مستفز
لدرجة مش طبيعية انا بعرف انه مدينة الملاهي على الاقل اللي على الالعاب بشوشين
اما هاد صلبنا نص ساعة قال ما بشغل اللعبة لعشرة ، انا ضليتني ساكتة واية بتصور بسنابات
اما اللي معنا الصراحة انهم فضايح

خلص سكتت اصلا ، رايحة اجيب صور للرحلة :coolcool: