السلام عليكم ورحمة الله

مرحبا أختي
كيفك؟ شو أخبارك؟
تراك بنت البلد
كيف الوضع عندكم ان شاء الله تمام

وعليكِ السلام.. هلا خيتا.. أنا بخير والوطن لسّاتو بخير ^^
تشرفت فيكِ

هلأ نيجي للموضوع

قشعر بدني وأنا أقرأ بقصتك هذه
التعويذة قبل لأقرأها خمنت إنها ربما تحكي عن الجن وشغلة الحجابات والتعاويذ هذه ولما قرأت بين إنو اعتقادي كان قريب

عجبني كيف بدأتي بالقصة ولما كملت وقرأت عن فيلم التعويذة هذا احزري شو سويت > رحت أبحث عنو ولما شفت الصور ورغم انو أنا بحب الرعب إلا أني خفت صراحة
شغلة الرعب في الأفلام الأجنبية ما بتخوف بس لما أسمع عن شيء بتعلق بالجن
هنا تبدأ مستويات الانفعال والخوف بالارتفاع عندي

كلامك صحيح.. ونصيحة أخويّة لا تحضريه لا زلت لهلأ مرعوبة منّه

لما قلتي بقصتك إنو سيما كانت ممسوسة صراحة الموضوع يتصدق لأنو الجن بمسو الناس زي وقت ما يكون معمول حجابات وهيك شغلات
مرة شفت فيديو وحدة ما بعرف من وين كانت تتسوق بمول وفجأة سقط من إحدى الرفوف شيء بدون أي سبب وأجت المرأة وقامت اللي سقط لهي مرة وحدة أبصر شو جرالها وما هديت إلا لما واحد قرأ عليها أية الكرسي أو ماني متذكرة شو قرأ بس ع الغالب آي الكرسي ورجعت المرأة مثل ما كانت

وقالوا إن هذاك الغرض يلي سقط فجأة جني سقطو وبستنى تييجي حد يقيمو عشان يمسو
أعوذ بالله من الشيطان الرجيم
وقالوا إذا شفتي شيء سقط على الأرض فجأة وبدون فاعل فلا تقرب عليه ولا وتقيموا وتعوذ من الشيطان واقرأ المعوذات وآية الكرسي أحسن

وكمان مرة شفت صلاة في الجامع صوت الشيخ ما شاء الله عليه وكان في واحد واقف بالسرب الأول جنب الناس وكان لافف زي الشماغ على رأسه ومقدموا كثير لقدام ووجهه مانو مبين
وكل ما يقرأ الشيخ أية يقوم الرجل يحني ظهره شوي شوي لدرجة بعديها سقط على الأرض وصار يصرخ بشكل مرعب وكأنه يتألم

وكان مكتوب على الفيديو الجن لم يتحمل قراءة الشيخ للقرآن

يعني الجن بقدر يمس الناس والواحد لازم يحصن حالوا بقراءة القرآن
أعوذ بالله من الشيطان الرجيم

واااه.. الله يرحمنا برحمته



طالعة من الموضوع فخليني أرجع
عجبني كثير أسلوبك في الكتابة وقصتك كثير حلوة ومعبرة والنهاية بتجنن
كمان تفسير منطقي إنو السبب هو سقوطها والخثرة
وشغلة العرافين هذه تجلط

صح

ما بعرف ليش الناس بروحو عليهم
لو سألولهم شيخ كان ماشي بس العرافين!
أعوذ بالله منهم


مسكينة سيما أكيد لما خبروها إنها ممسوسة تحطمت معنوياتها مهو مجرد السماع بالأمر الوضع يكون بخوف فكيف لما يكون حاصل فيك
سعدت كثيراً لأنها لم تكن تعاني من سوء وأنها أجرت العملية وتحسنت حالها

وعلى سيرة المقبرة
احنا مدرستنا الشبابيك تبع الصفوف بتطل على المقبرة لأنها جنبنا وفي ناس بمروا منها وعادي ما بصير شغلات غريبة

> لو عن جد في شغلات غريبة هيك بتصير كان زمان صار للمدرسة شيء بس هيو الحمد لله مع انو البنات لما ييجي يوم الخميس بعد الفرصة بصيبهن جنون وما بظل فيهن ذرة عقل، بس التفسير هو أنو اليوم بكون الخميس يعني ما في مدرسة بعده

ههههه.. تفسير منطقي

قصة معبرة وجميلة بس لو كان في تصيميم كان رح يكون يعطي جمالية إضافية للقصة بس خلص
المهم القصة حلوة وأسلوبك رائع وسلس

أحسنت بإنزالها وأتمنى لك التوفيق بالمسابقة
وأرجو أن تتقبلي مروري


شكراً إلك.. نورتيني..
مبسوطة إنها عجبتك.. وبالنسبة للتصميم فهو جاي في الطريق ههه
حياااتي لكِ ^^