06-28-2016, 11:24 PM
|
| |
# . . مادري انصدم ، او احزن !
انا كنت متوقعة هالنتيجة من قبل بس ليش لهالدرجة
انا متأثرة مهما ضحكت قدام امي وقلت لها عادي حصل خير
وبعوض ان شاء الله مرة ثانية وبجيب احسن وارفع احس بهالشعور
رغم اني فرحانه لأختي لكني حزينة لنفسي افكر هالأيام كثير بالمسقبل
اقول لوين رح توديني الايام ! وش راح يكون دوري في المجتمع !
مابي ينتهي فيني المطآف مثل شخصيات مروا علي بحياتي مابي
اكون واقفة ع الهامش اراقب وابتسم امشي واصفق لنجاح غيري وبس!
ابي يكون لي دوري الخاص وحضوري يكون لي مكان مخصص التجئ له
اكثر شيء اخاف منه ان اتم مكاني في انتظار ذكر ليسندني لأعيش
افضل الموت ع اني اكون عالة او حتى اني اعتاد ع فكرة الكسل 
المشكلة انا مو من النوع إلي يتكلم بهالأمور بإريحية مع اهلي
انا من النوع إلي في كل موضوع حتى ولو كآن مهم اخذه بطريقة ضحك
لما تجيني هالافكار استغفر ربي كثير حتى يزول عني الهم واحين بسوي
الشيء نفسه لكني بتم اقول اتمنى واتمنى ودائماً بتم بنفس المكآن .
# خواطر_ ملاك_ الوفاء |