السلآم عليكم ..

أتوقع ذا الموضوع اللي كنت انتظره من زمآن =)
أول شي موضوعك وطريقة طرحه جداً رائعة وانك سردتي بعض المسلسلات ونبذه عنها
صراحة انا برمضان ذا فتحت على ام بي سي حق طفش ولقيت مسلسل
انصدمت من اللي شفته ! أول شي رمضان!!، ثاني شي ماتوقعت ابدا انه قناة عربيه
تعرض مثل هالمقاطع ولاتوقعت أساسا انه الممثلين وافقو يمثلو ع شي كذا!
الحمدلله في الأول والأخير انا ما اتفرج تلفزيون واذا مره ودي اتفرج باللاب
واذا اتفرجت بالتلفزيون فتحت سبيستون وقت الطفش:heee: او تفرجت برآمج مباشرة

عندك مسلسل حارة الشيخ ، اوكي هو مافيه شي +18 ، وصراحة فيه أشياء عجبتني منه
بس في عندي نقطتين مهمه : اول نقطة مبالغين جدا باللهجه وبعض المواقف
وممكن انهم وصلو للناس الثانيين انه اهل جدة كذا! وامي بنفسها تقولي : انا عشت زمان وذولي نقلو عننا فكرة خاطئة جداً

النقطة الثانيه: مبالغين جداً من ناحية الحب ، زمان ماكان في هالجرأه! وانا احبو يا امي وبتزوجو غصبا عنك:heee:، سلآآماتتت ،

صدق أتوقع شفت البرامج الملوثه برمضآن اكثر من أي شي وهالشي يؤسف بالذات
اننا مسلمين ، وش بقينا للغرب!!

ما الوم الشقيري لما اعتزل ، مابقو بعقله شي سليم
وحنا صراحة طفشنا من الوقاحه والجرأه اللي نشوفها بهالتلفزيونات
والمخرجين كل واحد يسابق الثاني من يطلع اجرأ مسلسل
وبعدين مافهمت مشاهير السوشال ميديا اللي كل شوي طالعين ببرنامج مافيه أي شي هادف!
يجيبون لك وحده مشهوره تتفرج على صديقها وهو يلاكم > هذا برنامج جا قبل رمضان
طيب وين الفايده للمتابع =)
ولا البرنامج الثاني اللي يجيبون فنانين يتمشون وحنا نتفرج طيب وين المتعه لي ولا وين الفايده
ونصه تمثيل جايبينه على انه حقيقه!
الله يرحم أيام بابا فرحان ومسلسلاتنا البريئة الجميله:heee:
اعطيتكم نبذه عن اللي بقلبي ولو قلت كل اللي عندي أتوقع اني باخذ صفحتين
لأنه في كلام كثير ودي أقوله

1- رأيك عن المسلسلاتقديماً وحديثاً

فرق فرق جداً قديما كل مخرج لمسلسل يدور الفائدة ويناقش القضايا اللي تستحق مناقشه
على هيئة تمثيل ويتكلم ع أشياء ممكن يزدهر شغله فيها
وشي يحمس المشاهد
اما هالحين كل من تفصخ انشهر .


2- وجهة نظرك ناحية الفن التلفزيوني في عصرنا هذا

انا عن نفسي الحمدلله ما اتابع ولا ادمن مسلسلات لانه مافي مسلسلات تستحق المشاهده


3- رأيك عن مشروع بان العرب الذي صَدر بأكثر من مسلسل

اذا كانت المسلسلات مشرّفة لنا وتظهر حسن وجمال الإسلآم والاحترام للمشاهدين
وتظهر جمال تفكير المخرج وشي يعم الفائدة وله فكرة هادفه فأنا افتخر بهالانجاز !!


4- حدثنا عن مسلسلاتتابعتها في رمضان ودع الأعضاء يناقشونكبرأيهم عنه

تم فوق ^

صدق صدق أي شي يدخل في اعلام او كاميرات يتلوث ، والله يعين ..

اعتذر لو ثرثرت كثير عاد انا ماا اصدق ع طول امسك خط:heee:
موضوع جميل جدا شكرا لك