..........:وش تسوين يالخبله
ألتفتت ريم على إلى يكلمها
ريم بأبتسامه:هلا سلوم. ..سلوم سلم على الكمره
سالم :ليه وش شيفيتني خبل مثلك
ريم :مشكور على المديح بس أنت الحين سلم على الكمره وعرف بنفسك وبعدين أقولك السالفه
سالم :طيب. ..السلام عليكم. ..
ريم :وعليكم السلام ورحمة الله وبركاته
سالم :هيهيهي ضحكتيني يا السخيفه
ريم :المهم كمل
سالم :طيب أنا سالم عمري 25سنه أشتغل مهندس و متزوج وعندي ولد وسسم مثل أبوه
ريم : أقول خف علينا يالوسيم ترى مرتك أحلى منك
سالم : خير أختي وش قلتي
ريم : لا أقول أنت و مرتك ماشاء الله عليكم عيني عليكم بارده حلوين
سالم : أي على بالي. ... إلا وين مرتي
ريم : في فرعكم ((قصحها جناحم ))
سالم :طيب مع السلامه
ريم :الله يسلمك. ..وراح سالم :المهم أنا راح أوصف لكم شكله سلوم أهو طويل وجسمه عريض وعيونه بنيه وشعره كثيف و بشرته حنطيه يعني بلمختصر جميل و ولده علي جميل و عمره 5سنوات وبشرته بيضه و عيونه بنيه ورموشه كثيفه وشعره ناعم وكثيف. .. اممم طيب الحين خلصنا من سالم خلونى ندور أحد ثاني وبقت ريم تدور في البيت لين ماسمعت صوت فتح باب البيت فراحت بسرعه لباب
ريم بأبتسامه و موجها الكمره لعند باب البيت :ياهلا ويامرحبا بأبوي الغالي و خوي الكبير
أبو صقر بأبتسامه:هلا ببنتي الحلوه كيفك
ريم :بخير و الحمدلله. .. كيفك أخوي
صقر :بخير. .. وش تسوين يلهبله
ريم :أوه صح صقور يبه عرفو بنفسكم للكمره
صقر :ريموه أستخفيتي
ريم :لا بس حبيت أصور فيديو لذكريات
أبو صقر :ههههه يا حليلك يابنتي
ريم :طيب يالله عرفو بنفسكم
أبو صقر :طيب. .. هلا معكم بوصقر في نهاية الاربعين أدير شركة مع صديقي و أخوي المجابته أمي. ..و بعد في شيء تبيني أفوله حبيبتي
ريم :لا يبه تسلم يالغالي. .. روح أرتاح شكلي تعبتك
أبوصقر:لا يبنيتي تعبك راحة
ريم :تسلم لي يالغالي. .الله لا يحرمني منك
أبوصقر :أمين
وراح أبوصقر يرتاح و ألتفتت رين لصقر :طيب وانت صقور يالله أبدا
صقر :طيب طيب. ... أحم صقر الاخ الاكبر عمري 27سنه متزوج عندي طفلان توأم و أشتغل مع الوالد بس
ريم :طيب مشكور أخوي
صقر :العفو يالهبله
ريم :ماعليك زود
صقر :ههههههه طيب مع السلامه خليني أروح لمرتي
ريم : الله يسلمك
وطفت ريم الكمره و صعدة لغرفتها ومسكت جوالها ودخلت على قروب ((بنات العيله ))في الواتس اب كانو البنات يسالفون عن الجمعه اليله و قطعت عليهم ريم
ريم :سلام بنات
((مجنونه بهواك )):وعليكم السلام. .. ريموه كيفك
ريم :بخير و الحمدلله
((بنت أبوي)):ريموه وين كنتي أمس ماسولفتي معنا مع أن نوره تسولف معانا و أختك سحر بعد تسولف إلا انتي
((بتخسر لو معي تلعب )):أي صج وين كنتي بسرعه أعترفي
ريم :كنت رايحه لحفل صديقتي جنون
البنات :أها
ريم :المهم بنات اليوم كشخو عدل زين
((أنابنت وأفتخر)):ليه في أحد جاي يخطب
ريم :ياكرهك بس هذا الماكل قلبك
((دلوعت أبوها)):أي هذا الماكل قلبنى أشعليكي
((بنت القبايل )):ليه وش فيه إلي تبينى نكشخ
ريم :لا مافي شيء بس انا راح أسوي فيديو لذكريات وراح أخلي كل وحده منكم تعرف عن نفسها
((مجنونه بهواك)):الله وناسه
((أنا بنت وأفتخر )):فكره حلوه
((بنت أبوي )):وناسه
ريم :طيب وبعد كل وحده تقول لخوها
النات :طيب
ريم :أنزين يلله أناراح أجهز الاغراض الحين مع السلامه
وسكرة ريم جوالها وبدأت تجهز أغراضها من كمرة فيديو إلى كمرة تصوير و أشياء ثانيه و بعد ما خلصت راحت الحمام و أسبحت ولبست سروال جينز واسع ومتروس مخابي ولونه أخضر فاتح على باهت وبلوزه رصاصيه وقميص أسود وشعرها ربطته على شكل ذيل حصان و جوتي أسود رياضي وبعد ما خلصت نزلت مكان ماكانو متجمعين :السلامه عليكم
الكل :وعليكم السلام
سالم:أشوفك كشخه. .على وين أن شاء الله
ريم:بروح أخطب لولدك علي
سالم :أها. .. بس ولدي صغير
ريم :اي عادي. .يصير رجال من الحين
.........:ليه تبين ولدي يموت. .أسملا عليه
ريم :لا ،لاتخافين ماراح يصير له شيء أهو مثل أبوه صح
سالم :أكيد
نور:طبعا مو أبوه قطو بسبع أروح
الكل :هههههههه
ريم :أيه صح قبل لا انسى حريم أخواني اليوم كشخو أوكي
......:ليه
ريم:لاني راح أسوي فيديو لذكريات وراح تعرفون بنفسكم
صقر :أها عشان كذا كاشخه
ريم :أكيد أجل وش تتوقع أكشخ لك لا طبها
صقر :ومن قالك أني أبيكي تكشخيلي أنا الحمدلله عندي حرمتي تكشخ لي. ..من زينكم عاد مرتي أحلى منكم
ريم ونور:أقول بس لايكثر. .ها
......:ههههه
ومر الوقت سوالف وضحك إلى أن جات الساعه 6:00مساء
أبوصقر:يلله خلونى نروح المسجد وبعد كذا نروح بيت جدكم
صقر وسالم :أن شاء الله يبه
وبعد مخلصو من الصلاة رجعو البيت وركبو السيارة ومشو وبعد نص ساعه وصلو وشغلت ريم الكمرة ونزلت أول وحده ودقت الباب وفتحت لها الخدامه :السلام عليكم ماري
ماري :وعليكم السلام ريم كيف حالك
ريم:بخير والحمدلله وانتي
ماري :وانا بعد بخير
ريم :ماري عرفي بنفسك للكمرة
ماري :طيب. .السلام عليكم أنا ماري من السعودية عمري 17سنه أممم بس
ريم:مشكوره. . ماري من إلي وصل من العيله
ماري :وصلت عايلة بوفارس و عايلة بومحمد
ريم :طيب يالله تعالي معي
ماري :طيب
وراحت ريم وماري للحديقه إلي متجمعين فيها البنات
ريم وهي تصور:السلام عليكم بنات
البنات :وعليكم السلام
.......:أشوفك صاجه بكلامك
ريم بأبتسامه : طبعا وش تتوقعين مني
ورفعت المقرفون ومدته لها :يالله أنتي أبدي أول شيء
..........:طيب. ...أحم أحمم مرحبا أنا حنين بنت بومحمد الثانيه وعمري 18سنه في ثالث ثنوي أدبي وأنا فلويه و متهوره شوي وصبيانيه بعض الاحيان. .... اه شكلي شعري قصير يوصل لنهاية رقبتي و أسود وعيوني عسليه وبشرتي بيضة و طولي وسط بس
........:طيب هاتي المقرفون مدامك خلصتي. ..أحممم مرحبا انا نرجس أنا البنت الثالثه لبو محمد وأخر العنقود من البنات وعمري 16سنه اول ثنوي مقررات وأنا متهوره وفلاويه بشكل كبير طيب وشكلي ماشاء الله تبارك الله أهبل. ...
حنين :أقول بس خفي علينا ياملكة الجمال
نرجس :أقول لايكثر خليني أكمل. .. المهم أناشعري يوصل لنص ظهري لونه بني وعيوني سوده ورموشي كثيفة وبشرتي بيضه تميل للحنطي و طولي مثل طول حنينوه
حنين :حنينوه طل في عينك
.........:أقول بسكم أهواش وهاتي المقرفون. .. أحم أحممم هلا أنا حوريه بنت بو فارس الثانيه عمري 17سنه و أخر العنقود ودلوعت أبوها وأنا حنونه ورومنسيه ورقيقه و.....
...........:ورجال أذا عصبة
حوريه :سوسنوه وجع صبري علي أنا ﻷوريكي. ..احم المهم أنا شعري طويل يوصل لنهاية ظهري لونه أسود وعيوني بنيه وبشرتي حنطيه وقصيرة القامه
سوسن :خلصتي. .. هتي المقرفون مرحبا الساع معاكم سوسن بنت بوفارس الكبيره عمري 20سنه في الحامعه أدرس دبلوم وانا صبيانيه ومتهوره وفلاويه بس طيبه وكريمه المهم شكلي شعري قصير وبني و عيوني بنيه وبشرتي حنطيه وكويله بس
ريم :طيب. .حنين إلا وين أختك ليول
حنين :مابعد توصل
ريم :أها...
نور:وش تسوون
نرجس :نسوي مقابله
......:أها
ريم :يلله حريم أخواني تعالو عرفو بنفسكم
.......:طيب هاتي المقرفون. .السلام عليكم أنا ملاك أم علي عمري 23سنه. ..شعري طويل يوصل لنهاية ظهري بني وعيوني بنيه وبشرتي بيضة وطويله وبس
ريم :يلله ام مازن
.......:طيب. ..السلام عليكم أنا رغد أم مازن عمري 24سنه. ...شعري أسود يوصل لنص ظهري عيوني بنيه و بشرتي بيضه و طويله
ريم :طيب
سوسن :ياويلي ليه جاو
نور:من
سوسن:عيال عمي بوحاتم
ريم :يالله أنا نقصة أهواش مع هلمينونه
ملاك:مين
نور:هنوف من غيرها
ملاك :طيب حاولي تتجاهلينها
ريم:لو تنجح الفكره كان من زمان متجاهليتها
رغد :طيب هي ليه تتهاوش وياكي
ريم :وانا وش دراني عنها
نرجس : بس بس ريموه كاهي بتجي
قامت ريم ونخشت تحت الطاوله
هنوف :السلام عليكم
البنات :وعليكم السلام
هنوف :إلا وين الانسة ريم عنكم
حنين :ماجات
هنوف :وليه
نور:ﻷنها حست أن هي راح تقابل بعض الناس إلي راح يجيبون لها المغص ورفعت الضغط
حوريه :هنوف أبي أعرف أنتي ليه تتحرشين بريم وتكرهينها أهي وش سوتلك
هنوف :لاني ما أقبل بوحده عاهره تصير من قرايبي
نور بعصبيه : أنتي هي أحترمي نفسك قبل لا أنسيكي حليب أمك زين
هنوف :ليه عصبتي بس للاني صاجه
حنين:صاجه في شنو ها اقول أحترمي نفسك لأجي وأدوس في مردانك
هنوف :هيه خفي علينى يا أنتر تيكر. .. مابقى تدافع إلا على ع.....
وقبل ماتكمل كلامها طلعت ريم من الطاوله وضربتها كف :أقول محد وصخ وقذر إلا انتي فهمتي
هنوف بعصيبه:ياكلبه انتي كيف تتجرأين تضربيني
ريم :أنا ما أسمح لحد يدوس في شرفيه مهما يكون فهمتي
هنوف :يا الوسخه انا اوريكي
وبدأت ريم تتهاوش مع الهنوف لين ماسمعوهم الي في الداخل وراحو لهم وفالتهم
هنوف بدعاء البكاء:أخوي شوف وش سوت فييه ريم وخلت بعد البنات يضربوني بعد من دون سبب ترضى علي
حاتم وهو ينظر لعمه بوصقر :عمي شوف بنتك وش سوت بأختي أنا ما أسمح لحد يأذيها
سوسن بعصبية :لا ياشيخ وأنت على طول صدقت أختك هسحليه صج لقال المثل ضربني وبكى وسبأني وشتكى
حاتم بعصبيه :أنتي هي أحترمي نفسك ها
كانت سوسن تردعليه بس ريم مدة يدها لها وبعد كذا راحت ريم لحاتم ومسكته من ميقاته و نزلته لعندها و قالت لعصبيه :أذا أنت ما ترضى لتخك تنضرب فأنا ما ارضى لحد يوسخ شرفيه فاهم
وهدته وشالت أغراضها ومشت
صقر :رغد وش كانت تقصد أختي ريم
رغد :هنوف قالت على ريم أن هي عاهره و وسخه
أنصدم الكل من الكلام
هنوف بدعاء البكاء :كذابه
بدأت تطلع صوت بكاء
بوصقر ماقال شيء بس مشى يدور بنته وصقر طالع الهنوف بحتقار و مشى وهو يقول بعصبيه :رغد يالله
وفي نص هذي الاجواء جات ماريه لهم بسرعه تركض وهي باين عيها الخوف و قالت :ريم. .. ريم صدمتها سياره
أنصدم الكل من الكلام وبسرعه طلعو
*******************
النهايه
تتوقعون وش راح يصير لريم
كيف البارت الاول عجبكم اولا
ألقاكم في البارت الثاني في أمان الله " class="inlineimg" />