عيون العرب - ملتقى العالم العربي - عرض مشاركة واحدة - ختم ذهبي | قَبل أن تموت

**Mystic River** · #9 08-25-2016, 09:29 PM

رد جميل
Zizi

السلام عليكم ورحمة الله وبركاته
كيف حالك أختي أميوليت ؟
إن شاء الله بخير وما تشكي من شر

قبل ما أبلش بأي شيء آسف على التأخير
كان لازم أرد زمان بس أجلته شوي وبعدين نسيت
بس قبل شوي كنت أدور ولقيت الموضوع
المهم نيجي للقصة الرائعة الخرافية الذهبية

شيء جمييييل بحق

فعلا إبداع

أنا فكرت الكتابات هذي
بس بالمدونة طلعتي مبدعة هون كمان

المهم نيجي للصهباء

أعجبتني البداية فتحت كل شيء أمامنا وصرت أبني سيناريوهات
مستقبلية للأحداث يعني إستباق

أحزني فعلاً موقف الام كانت عاجزة تماماً مع ذلك الصهباء قررت

إنها تكون قوية آخر شيء إمها تحتاجه إنه بنتها تنهار كمان
أعتقد إنها تظاهرت بالقوة بس عشان إمها وأبوها ولكن هي من

الداخل كانت ضعيفة وخصوصا لما رنّت نارا
كان عبء ثقيل عليها إنها تكون سبب في حزن ثلاث أشخاص
من أغلى ما خلق على قلبها لكن الواقع أليم وسيعلمون بالنهاية

كان عملها رائع وبطولي بأنها تحلّت بالثبر والقوة عشان تخبرهم
كلهم بظرفها الصعب، بس الصراحة أنا دخلت في الحيط لما
صديقتها بلشت تلعن، أنا في موقف مثل هذا ما بميز الخمسة

من الطمسة،لكن ما شاء الله عليها كانت جامدة وقد حالها وانتبهت
حتى على الفاظ صديقتها، أبوها شكله بسيط وعلى نياته همه

إنه بنته تعيش مع واحد ما يحوجها لأبوها لكن فكره غلط
مهما كان زوج البنت مطابق للمثالية الأب ما إله بديل،
ممم نمشي شوي بالأحداث أعتقد إنه ميروكو عرف بالقصة،
وعرف إنه كان حبها الأول بس كمان هو كان يحبها، على ما أعتقد.

يبدو إنه علاقة كاتسيا بكيتشانا قبل ان يتفارقوا عميقة جداً لدرجة
أنها تخلت عن كبريائها، وعلى الاغلب الأشخاص يلي عندهم هذا
الكبرياء الضخم صعب جداً إنهم يتخلّوا عنه، وهذا السبب يلي
جعل كيتشانا تعطيها رقمها خصوصاً بعد رجائها، شكله هذا ميروكو

منحوس حبيبته السابقة ماتت بمرض غريب وهسا يلي بحبها رح تموت
بعد شهر، الوضع حوليه مش مطمئن:heee:، اليوم الأخير محزن جداً
ما توقعت إنها رح تموت في اليوم الأخير من الشهر الموعد المحدد،

النهاية الصراحة خبطت راسي في الحيط واذا كنت بسوق رح أدخل
في اقرب عامود كهربا

، لكن اعتقد المغزى من القصة هي
إنه نصفي قلوبنا ونعيش كل يوم كإنه بكرا مو موجود ونصارح

للناس بمشاعرنا سواء كانت حب مودة صداقة أياً كان، لازم
نعيش كإنه بكرا مو موجود.
شكراً أختي على القصة الخرافية، بتمنى أي شيء جديد لك

تبعثيلي إياه وعد إني ما أسحب عليه

في أمان الله